ટીવીની જાણીતી એક્ટ્રેસ શુભાંગી અત્રેએ પોતાની કરિયરમાં ઘણી સીરિયલ્સમાં કામ કર્યું છે, પરંતુ ભાભીજી ઘર પર હૈ શોએ તેને ઘરે-ઘરે લોકપ્રિય બનાવી દીધી. આ શોમાં અંગૂરી ભાભીનું પાત્ર ભજવીને તેણે એક ખાસ ઓળખ બનાવી છે. આજે 11 એપ્રિલના રોજ શુભાંગી અત્રે પોતાનો 45મો જન્મદિવસ ઉજવી રહી છે.

શુભાંગી અત્રેની કરિયર

શુભાંગી અત્રેએ પોતાની કરિયરની શરૂઆત વર્ષ 2007માં એકતા કપૂરના શો કસૌટી જિંદગી કીથી કરી હતી. ત્યારબાદ તે કસ્તુરી, કુમકુમ, યે રિશ્તા ક્યા કહેલાતા હૈ અને ચિડિયા ઘર જેવી ઘણી સીરિયલ્સમાં જોવા મળી. જોકે, તેને સૌથી વધુ સફળતા ભાભીજી ઘર પર હૈથી મળી. તેણે 10 વર્ષ સુધી આ પાત્ર ભજવીને લાખો લોકોના દિલ જીત્યા છે.

અભ્યાસ અને સંઘર્ષ

ઈન્દોરની રહેવાસી શુભાંગી અત્રેએ એક્ટિંગમાં આવતા પહેલા MBAની ડિગ્રી મેળવી હતી. તેને હંમેશાથી એક્ટિંગનો શોખ હતો, પરંતુ તેણે અભ્યાસ પર પણ પૂરો ભાર આપ્યો હતો. MBA પૂર્ણ કર્યા પછી તે પુણે આવી ગઈ અને ત્યાં એક્ટિંગ સ્કૂલમાં એડમિશન લઈને અભિનયના પાઠ શીખ્યા.
https://www.instagram.com/p/DW28DeXCL7n/?utm_source=ig_web_copy_link

અંગત જીવન અને ઉતાર-ચઢાવ

શુભાંગીએ માત્ર 19 વર્ષની ઉંમરે વર્ષ 2003માં તેના સ્કૂલ ફ્રેન્ડ પીયૂષ સાથે લગ્ન કર્યા હતા. 2005માં તેણે એક દીકરીને જન્મ આપ્યો. જોકે, લગ્નના 19-20 વર્ષ બાદ તેમના સંબંધોમાં ખટાશ આવવા લાગી. પીયૂષની દારૂની લત અને પરસ્પર મતભેદોને કારણે બંને અલગ થઈ ગયા. ફેબ્રુઆરી 2025માં તેમના છૂટાછેડા થયા હતા અને તેના બે મહિના બાદ એપ્રિલ 2025માં તેના પૂર્વ પતિનું નિધન થયું હતું. અત્યારે સોશિયલ મીડિયા પર શુભાંગીના 10 લાખથી વધુ ફોલોઅર્સ છે.

આ પણ વાંચો- Anant Ambaniના જન્મદિવસે પત્ની રાધિકાએ વરસાવ્યો પ્રેમ, Kiss કરી રોમેન્ટિક અંદાજમાં પતિને કર્યું વિશ, Video વાયરલ!