તારક મહેતા કા ઉલ્ટા ચશ્મા છેલ્લા 18 વર્ષથી દર્શકોના દિલ પર રાજ કરી રહ્યો છે. આ દરમિયાન ઘણા કલાકારો આવ્યા અને ગયા, છતાં શોની લોકપ્રિયતા યથાવત રહી. 18 વર્ષ પૂર્ણ થવાના અવસરે ગોકુલધામ સોસાયટીનું રિનોવેશન કરવામાં આવ્યું છે અને તેનો લુક પણ સંપૂર્ણ બદલવામાં આવ્યો છે. હાલ શોમાં 18 વર્ષની ઉજવણીનો માહોલ જોવા મળી રહ્યો છે.
તારક મહેતા કા ઉલ્ટા ચશ્મામાં સ્પાઈડરમેનની એન્ટ્રી ફિલ્મ સ્પાઈડરમેન બ્રાન્ડ ન્યૂ ડેની રિલીઝ દરમિયાન થઈ છે, જેના કારણે આ એન્ટ્રી વધુ ચર્ચામાં છે. 18 વર્ષ પૂર્ણ થતાં શોમાં હવે ઘણા મોટા ફેરફારો જોવા મળી શકે છે. સ્પાઈડરમેનની એન્ટ્રી અને ગોકુલધામ સોસાયટીનો નવો લુક આ બદલાવનું પહેલું પગલું માનવામાં આવી રહ્યું છે.
ફેન્સ હવે અંદાજ લગાવી રહ્યા છે કે કદાચ હવે દયાબેન પણ શોમાં પરત ફરશે. છેલ્લા ઘણા વર્ષોથી દર્શકો તેમની વાપસીની રાહ જોઈ રહ્યા છે. શોની સ્ટોરીને વધુ મજેદાર અને ઈન્ટરેસ્ટિંગ બનાવવા માટે દયાબેનની એન્ટ્રી પરફેક્ટ સાબિત થઈ શકે છે. મેકર્સ પણ ઘણી વખત કહી ચૂક્યા છે કે તેઓ દયાબેનને પરત લાવશે, પરંતુ હજુ સુધી આ વચન પૂરું થયું નથી. હવે જોવાનું રહેશે કે શોના 19મા વર્ષમાં દર્શકોને શું નવું જોવા મળે છે.
આ પણ વાંચો-TMKOCમાં 9 વર્ષ પછી દયાબેનની ગ્રાન્ડ એન્ટ્રી? જેઠાલાલે તોડ્યું મૌન, રડી પડ્યા પોપટલાલ!