ભારતમાં જ નહીં વિદેશમાં 'બોર્ડર 2'નો ક્રેઝ જોવા મળ્યો. સની દેઓલની ફિલ્મ 'બોર્ડર 2'ની રિલીઝ પહેલા જ ખૂબ ચર્ચા થઈ રહી છે. આ ફિલ્મ જોવા ફક્ત સની દેઓલના ફેન્સ જ નહીં પણ સ્ટાર ક્રિકેટર પણ આતુર છે. અફઘાન સ્ટાર ક્રિકેટર રાશિદ ખાન સની દેઓલના ફેન બન્યા છે. રાશિદ ખાને એક પોસ્ટ શેર કરી છે. આ પોસ્ટમાં તેમણે સની દેઓલની ફિલ્મ 'બોર્ડર 2' ચોક્કસ જોવા જઈશ તેવું લખ્યું છે. રાશિદની પોસ્ટ પર 'બોર્ડર 2' ના કલાકારોએ પણ સુંદર પ્રતિક્રિયા આપી છે.
રાશિદ ખાને 'બોર્ડર 2'ને લઈને પોસ્ટ શેર કરી
અફઘાનિસ્તાનના સ્ટાર ખેલાડી રાશિદ ખાન પર સની દેઓલનો ફીવર ચઢ્યો છે. પોતાની એક પોસ્ટ દ્વારા તેમણે 'બોર્ડર 2' ફિલ્મ જોવાનો ઉત્સાહ વ્યક્ત કર્યો. રાશિદ ખાને ઈન્સ્ટાગ્રામ પર એક રીલ શેર કરી છે. આ રીલમાં તે દુબઈના એક હાઇવે પર રસ્તાની કિનારે ઊભો જોવા મળે છે. રાશિદ કોઈની સાથે વાત કરતી વખતે મકાઈ શેકતો જોવા મળે છે. કેપ્શનમાં રાશિદે લખ્યું છે - હું બોર્ડર 2 ચોક્કસ જોઈશ... પણ જોઉં છું કે જ્યારે હું તેને પોસ્ટ કરીશ ત્યારે શું થાય છે. રાશિદે આ પોસ્ટમાં સુનીલ શેટ્ટી, અહાન શેટ્ટી, વરુણ ધવન અને સની દેઓલને ટેગ કર્યા છે . વીડિયોના બેકગ્રાઉન્ડમાં 'ઘર કબ આઓગે'નો સાઉન્ડટ્રેક વાગી રહ્યો છે.
