રાજકુમાર સંતોષીના નિર્દેશનમાં બનેલી સની દેઓલની ફિલ્મ બંટવારા 1947 બોક્સ ઓફિસ પર અપેક્ષા મુજબનું પ્રદર્શન કરવામાં નિષ્ફળ રહી. આ મોટા બજેટની ફિલ્મ હતી, પરંતુ બોક્સ ઓફિસ પર ખાસ કમાણી કરી શકી નહીં. બંટવારા 1947માં રાજકુમાર સંતોષી અને સની દેઓલની જોડી લગભગ 3 દાયકા બાદ સાથે આવી હતી. હવે આ જોડી આગળ પણ સાથે જોવા મળશે. રાજકુમાર સંતોષીએ પોતાની આગામી ફિલ્મની જાહેરાત કરી છે અને તેમાં તેઓ સની દેઓલ સાથે જ કામ કરી રહ્યા છે. તેમણે જણાવ્યું કે ફિલ્મનું નામ ઘાતક ઘૂસ કે મારેગા હશે.
ઘાતકની સિક્વલ નહીં, સની દેઓલ ફરી એ જ અંદાજમાં જોવા મળશે
લાંબા સમયથી ઘાતકની સિક્વલ બનવાની ચર્ચા ચાલી રહી હતી. જોકે સંતોષીએ સ્પષ્ટ કર્યું છે કે તેમની આ ફિલ્મ ઘાતકનો બીજો ભાગ નહીં હોય. પરંતુ ફિલ્મમાં સની દેઓલ ઘાતકના પાત્રના અંદાજમાં જ જોવા મળશે. સંતોષી અને સની દેઓલે 1990ના દાયકામાં ઘાયલ, દામિની અને ઘાતક જેવી ઘણી હિટ ફિલ્મોમાં સાથે કામ કર્યું હતું.
https://www.instagram.com/p/Db7_W7jieCd/?utm_source=ig_web_copy_link&igsi=NTc4MTIwNjQ2YQ==
રાજકુમાર સંતોષીએ જણાવ્યું, સની અને હું કેટલીક સ્ટોરીઓ પર કામ કરી રહ્યા છીએ અને ટૂંક સમયમાં તેની જાહેરાત કરીશું. ફિલ્મમાં ભરપૂર એક્શન છે. તેનું નામ ઘાતક ઘૂસ કે મારેગા છે. આ ઘાતકની સિક્વલ નથી, પરંતુ તેમાં પાત્ર એ જ છે અને તે બનારસનો રહેવાસી છે.
ઘણી ફિલ્મો પર ચાલી રહ્યું છે કામ
તેમણે જણાવ્યું, સનીના ફેન્સ ખૂબ ખુશ થશે, કારણ કે આ નવી ફિલ્મમાં એક્શન, દમદાર ડાયલોગ અને લાગણીઓ છે. આ ઉપરાંત સની સાથે 2-3 અન્ય વાર્તાઓ પર પણ વિચાર ચાલી રહ્યો છે. તેમાં એક ફિલ્મમાં સની અમેરિકામાં રહેતા એક સરદારની ભૂમિકા ભજવી રહ્યા છે. આ પણ એક એક્શન-ડ્રામા ફિલ્મ છે. રાજકુમાર સંતોષીના નિર્દેશનમાં બનેલી 1996ની ઘાતક એક એવા ઈમાનદાર અને ન્યાયપ્રિય વ્યક્તિની સ્ટોરી હતી, જે પોતાના લોકોમાં આતંક ફેલાવતા ખતરનાક વિલન સામે ઊભો રહે છે.
જાટનું નિર્દેશન નહીં કરે સંતોષી
આ દરમિયાન રાજકુમાર સંતોષીએ એ પણ સ્પષ્ટ કર્યું કે તેઓ સની દેઓલની 2025માં આવેલી ફિલ્મ જાટના આગામી ભાગ જાટ 2’નું નિર્દેશન કરી રહ્યા નથી. જાટનું નિર્દેશન ગોપીચંદ માલિનેનીએ કર્યું હતું. ફિલ્મમાં રણદીપ હુડ્ડા અને વિનીત કુમાર સિંહે પણ મહત્વની ભૂમિકા ભજવી હતી. જાટ 2 વિશે સંતોષીએ જણાવ્યું, મેં તેના માટે ના પાડી દીધી હતી, કારણ કે હું માત્ર એક જ ભાગની ફિલ્મ બનાવવામાં માનું છું.
અંદાજ અપના અપના જેવી ફિલ્મ પણ લાવી રહ્યા છે સંતોષી
રાજકુમાર સંતોષી હાલમાં ઘણી ફિલ્મો પર કામ કરી રહ્યા છે. તેમાં 1994ની જાણીતી કોમેડી ફિલ્મ અંદાજ અપના અપના જેવી શૈલીની એક નવી ફિલ્મ પણ સામેલ છે. આમિર ખાન અને સલમાન ખાન અભિનીત આ ફિલ્મે દર્શકોમાં ખાસ ઓળખ બનાવી હતી. તેમણે જણાવ્યું કે આ નવી ફિલ્મનું નામ ‘અદા અપની અપની છે અને તે અંદાજ અપના અપનાની સિક્વલ નથી. જ્યારે તેમને પૂછવામાં આવ્યું કે શું આમિર ખાન અને સલમાન ખાન પણ આ નવી ફિલ્મમાં જોવા મળશે, ત્યારે સંતોષીએ ન તો તેની પુષ્ટિ કરી અને ન તો તેનો ઇનકાર કર્યો. તેમણે જણાવ્યું, અમે આ અંગે ટૂંક સમયમાં જાહેરાત કરીશું.
આ પણ વાંચો-Govinda પરિવારનો ઝઘડો થયો ખતમ? સુનીતા આહુજાની દીકરીએ કૃષ્ણા અભિષેકને બાંધી રાખડી
