તારક મહેતા કા ઉલ્ટા ચશ્મામાં હંમેશાં કોમેડીનો ડોઝ મળે છે. જો કે, આ વખતે શોમાં ઇમોશનલ એંગલ બતાવવામાં આવી રહ્યો છે. બાઘા અને બાવરીની જિંદગીમાં બાલમે એન્ટ્રી લીધી છે અને તેની આખી જિંદગી વેરવિખેર કરી દીધી છે. બાલમ બાવરીનો બાળપણનો મિત્ર છે અને તે ખૂબ અમીર છે. તે બાવરી સાથે લગ્ન કરવા માગે છે. આના માટે તે બાઘાને 7 કરોડની ઓફર આપે છે.
બાઘા-બાવરી થશે અલગ?
બાઘા બાવરીને ખુશ જોવા માગે છે અને બાઘા જાણે છે કે તે જિંદગીમાં ક્યારેય પણ બાવરીને એ લક્ઝરી લાઇફ નહીં આપી શકે અને ના તો બાવરીના સપના પૂરા કરી શકશે જે બાલમ કરી શકશે. એટલા માટે તે બાવરી સાથે બ્રેકઅપનો પ્લાન કરે છે. શોમાં એક તરફ બાઘાની રડી-રડીને હાલત ખરાબ છે, બાવરીનું પણ દિલ તૂટેલું છે.
