તારક મહેતા કા ઉલ્ટા ચશ્માએ આ શોમાં કામ કરનારા અનેક કલાકારોને જબરદસ્ત ઓળખ અપાવી છે. આ જ કારણ છે કે આજે લોકો આ કલાકારોને તેમના સાચા નામ કરતાં તેના પાત્રોના નામથી વધુ ઓળખે છે. ગોલી પણ શોના મનપસંદ પાત્રોમાંથી એક છે. આ પાત્ર પહેલાં કુશ શાહ ભજવતા હતા, જેમણે જુલાઈ 2024માં આ શો છોડી દીધો હતો.
2 વર્ષ બાદ કુશ શાહની યુટ્યુબ પર ધમાકેદાર એન્ટ્રી
તારક મહેતા કા ઉલ્ટા ચશ્મા છોડ્યાના લગભગ 2 વર્ષ પછી હવે કુશ શાહે યુટ્યુબની દુનિયામાં પ્રવેશ કર્યો છે. તેણે જણાવ્યું કે તે લાંબા સમયથી પોતાની યુટ્યુબ ચેનલ શરૂ કરવાનું વિચારી રહ્યો હતો, પરંતુ અપલોડનું બટન દબાવવામાં તેને 5 વર્ષ લાગી ગયા. કુશ શાહે બ્લોગિંગ અને કુકિંગ ચેનલ શરૂ કરી છે. તેણે ચેનલનું નામ પોતાના નામ પર જ રાખ્યું છે. ખાસ વાત એ છે કે તેનો વીડિયો આવતાની સાથે જ વાયરલ થઈ ગયો.
કુશ શાહે વીડિયો ક્યારે અપલોડ કર્યો?
કુશે પોતાનો પહેલો વીડિયો 7 સપ્ટેમ્બરે સવારે લગભગ 11 વાગ્યે અપલોડ કર્યો હતો. માત્ર 80 કલાકમાં એટલે કે 10 સપ્ટેમ્બરે સાંજે 7 વાગ્યા સુધીમાં તેના વીડિયોને 24 લાખથી વધુ વ્યૂઝ મળી ચૂક્યા હતા. એટલું જ નહીં, તેમણે 30 હજારથી વધુ સબસ્ક્રાઇબર્સ પણ મેળવી લીધા છે.
કુશ શાહે શું લખ્યું?
વીડિયોના ડિસ્ક્રિપ્શનમાં ગોલીએ લખ્યું, રેકોર્ડ બટન દબાવો. એડિટ કરો. અપલોડ કરો. પરંતુ મને ખબર નથી કેમ, એ છેલ્લા બટન સુધી પહોંચવામાં મને 5 વર્ષ લાગી ગયા. હું ઘણા સમયથી યુટ્યુબ ચેનલ શરૂ કરવાનું વિચારી રહ્યો હતો. ઘણું વિચાર્યું, પ્લાનિંગ કરી, શંકા કરી, ટાળતો રહ્યો અને ફરી પ્લાનિંગ કરી. અને આજે આખરે મેં અપલોડ બટન દબાવી જ દીધું. એટલે આ માત્ર મારો પહેલો યુટ્યુબ વીડિયો નથી. આ એ ક્ષણ છે જ્યારે હું આખરે મારી પોતાની અડચણોમાંથી બહાર આવી શક્યો છું. મારી ચેનલ પર તમારું સ્વાગત છે.
https://www.instagram.com/reel/Dc_A_LZqI1N/?utm_source=ig_web_copy_link&stkn=MzRlODBiNWFlZA==
તેમના આ વીડિયો પર યુટ્યુબ ઈન્ડિયાની કોમેન્ટ પણ આવી. યુટ્યુબે TMKOCના જેઠાલાલના અંદાજમાં લખ્યું, ગોલી બેટા હવે યુટ્યુબ પર મસ્તી કરીશું. શોમાં જેઠાલાલનો આ ડાયલોગ ઘણો લોકપ્રિય થયો હતો, જેમાં તેઓ કુશના પાત્રને કહેતા હતા, ગોલી બેટા મસ્તી નહીં. કુશ શાહ પછી હવે શોમાં ગોલીનું પાત્ર અભિનેતા ધર્મિત તુરખિયા ભજવી રહ્યા છે.
આ પણ વાંચો-Hanuman Anshની 150 કરોડની કમાણીનો અસલી માલિક કોણ? જાણો કોના ખાતામાં જશે આટલા બધા રૂપિયા!
