બોલીવુડ અભિનેત્રી તમન્ના ભાટિયા સાઉથથી લઈને હિન્દી સિનેમા સુધી પોતાની ફિલ્મોથી વિશેષ ઓળખ બનાવી ચૂકી છે અને તે ટોપની અભિનેત્રીઓમાં સ્થાન ધરાવે છે. તેના સ્પેશિયલ ગીતોને પણ દર્શકો ભરપૂર પ્રેમ આપે છે. પછી ભલે તે જેલર ફિલ્મનું કાવાલા હોય કે ધ વન ફિલ્મનું ઠુમક ઠુમક. આ તમામ ગીતોને ફેન્સ તરફથી મોટો સપોર્ટ મળ્યો છે. પરંતુ આજે અમે તમને તમન્ના ભાટિયાના બે વર્ષ જૂના એ ગીત વિશે જણાવવા જઈ રહ્યા છીએ, જે યુટ્યુબ પર 100 કરોડ પાર થઈ ચૂક્યું છે. દિવાળી પાર્ટીઓ અને ઇવેન્ટ્સમાં આ ગીત ખૂબ જ વગાડવામાં આવી રહ્યું છે, એટલું જ નહીં, બાળકો પણ આ ગીતના તાલ પર ઝૂમી ઊઠે છે.
તમન્ના ભાટિયાનું 100 કરોડ વ્યૂઝવાળું ગીત
અમે જે ગીતની વાત કરી રહ્યા છીએ તે સ્ત્રી 2 ફિલ્મનું આજ કી રાત ગીત છે, જેના યુટ્યુબ વિડિયોને 1 અબજ એટલે કે 100 કરોડથી વધુ વખત જોવામાં આવ્યું છે. આ જ કારણ છે કે દરેક તહેવાર, લગ્નપ્રસંગ અને ખાસ કરીને દિવાળીની પાર્ટીઓમાં આ ગીતની ધૂન સાંભળતાં જ લોકો નાચવા લાગે છે. ફેન્સ આ ગીતને વારંવાર સાંભળતા નજરે પડે છે. 3 મિનિટ 48 સેકન્ડના આ ગીત માટે તમન્ના ભાટિયાએ 1 કરોડની ફી લીધી હતી.
