નિતેશ તિવારી દ્વારા દિગ્દર્શિત અને બે ભાગમાં બનેલી આ મહાકાવ્ય ફિલ્મ આખરે સિનેમાઘરોમાં રિલીઝ થઈ ગઈ છે. ફિલ્મ જોયા બાદ દર્શકોએ સોશિયલ મીડિયા પ્લેટફોર્મ X પર પોતાના પ્રતિભાવો શેર કરવાનું શરૂ કરી દીધું છે. ફિલ્મની શરૂઆતની પ્રતિક્રિયાઓ મિશ્ર રહી છે; કેટલાક દર્શકોએ તેના ભવ્ય સેટઅપ, વિઝ્યુઅલ ઇફેક્ટ્સ અને કલાકારોના અભિનયની મુક્તકંઠે પ્રશંસા કરી છે અને તેને મોટા પડદાનો અદ્ભુત અનુભવ ગણાવ્યો છે, જ્યારે કેટલાક દર્શકોના મતે રામ અને સીતા વચ્ચેના ભાવનાત્મક બંધનને વધુ સારી રીતે દર્શાવી શકાતું.
રણબીર કપૂર અને સાઈ પલ્લવીના અભિનયના વખાણ
ફિલ્મમાં ભગવાન રામના પાત્ર માટે રણબીર કપૂરના કાસ્ટિંગ પર અગાઉ જે સવાલો ઉઠ્યા હતા, તેને દર્શકોના શાનદાર અભિનયે ખોટા સાબિત કરી દીધા છે. અનેક યુઝર્સનું માનવું છે કે રણબીરનો અભિનય વિરોધીઓને ચૂપ કરવા માટે પૂરતો છે. આ ઉપરાંત, સાઈ પલ્લવીને માતા સીતાની ભૂમિકા માટે એકદમ યોગ્ય પસંદગી ગણાવવામાં આવ્યા છે. રણબીર અને સાઈ પલ્લવીની સાથે રવિ દુબે (લક્ષ્મણ) અને અરુણ ગોવિલ (રાજા દશરથ) ના અભિનયની પણ સરાહના થઈ રહી છે.