શ્રીકાંત ઓડેલાની દ પેરાડાઇઝ સૌથી વધુ રાહ જોવાતી ફિલ્મોમાંથી એક છે. ફિલ્મ સાથે જોડાયેલી દરેક નવી અપડેટ પછી ફેન્સમાં ઉત્સાહ સતત વધી રહ્યો છે. હવે નાનીની ફિલ્મ 'દ પેરાડાઇઝ'માંથી રાઘવ જુયાલનો ફર્સ્ટ લુક સામે આવ્યો છે, જેને લોકો ખૂબ પસંદ કરી રહ્યા છે. આ પહેલાં કદાચ જ લોકોએ તેને આટલા પાવરફુલ અવતારમાં જોયા હશે. 'દસરા'ની બ્લોકબસ્ટર સફળતા બાદ નાની અને ડિરેક્ટર શ્રીકાંત ઓડેલાની આ જોડી ફરી એકવાર સોશિયલ મીડિયા પર ચર્ચામાં છે.

'દ પેરાડાઇઝ'માંથી રાઘવ જુયાલનો ફર્સ્ટ લુક વાયરલ

'દ પેરાડાઇઝ'માંથી રાઘવ જુયાલનો ફર્સ્ટ લુક સામે આવતા જ સોશિયલ મીડિયા પર છવાઈ ગયો છે અને ફિલ્મને લઈને લોકોમાં વધુ ઉત્સાહ જોવા મળી રહ્યો છે. મેકર્સે 19 જૂન 2026ના રોજ એક વીડિયો શેર કર્યો હતો, જેમાં વિક્રમ મલિકનો ધમાકેદાર લુક જોવા મળ્યો હતો. સાથે જ દાવો કરવામાં આવ્યો હતો કે રાઘવ જુયાલનો આ અત્યાર સુધીનો સૌથી અલગ અવતાર હશે. તેઓ પાવરફુલ, ગુસ્સાથી ભરેલા અને પ્રભાવશાળી વિક્રમ મલિક તરીકે બોક્સ ઓફિસ પર ધમાલ મચાવવા તૈયાર છે.
https://www.instagram.com/reel/DZxH-6BI7fo/?utm_source=ig_web_copy_link&igsh=MzRlODBiNWFlZA==

વિક્રમ મલિક બનશે ફિલ્મનું સૌથી પાવરફુલ પાત્ર

'દ પેરાડાઇઝ'ના મેકર્સે વિક્રમ મલિકના પાત્રમાં રાઘવ જુયાલનો લુક જાહેર કરીને ફેન્સનું મોટું સરપ્રાઇઝ આપ્યું છે. આ અવતારમાં રાઘવ ખૂબ જ પાવરફુલ અને ગ્રાન્ડ અંદાજમાં જોવા મળે છે. વીડિયોમાં તેની એન્ટ્રી તોફાન જેવી લાગે છે. તેની સ્ટાઇલ, એનર્જી અને જબરદસ્ત સ્ક્રીન પ્રેઝન્સે લોકોને પ્રભાવિત કર્યા છે. બેકગ્રાઉન્ડ મ્યુઝિક આ સીનને વધુ અસરકારક બનાવે છે. જ્યારે તેઓ નાની સાથે સ્ક્રીન શેર કરે છે ત્યારે તેની એન્ટ્રી વધુ જોરદાર લાગે છે.

'દ પેરાડાઇઝ' ક્યારે થશે રિલીઝ?

'SLV સિનેમાઝ' દ્વારા બનાવવામાં આવેલી 'દ પેરાડાઇઝ' 21 ઓગસ્ટ 2026ના રોજ સિનેમાઘરોમાં રિલીઝ થશે. ફિલ્મ હિન્દી, તેલુગુ, તમિલ, અંગ્રેજી, સ્પેનિશ, બંગાળી, કન્નડ અને મલયાલમ સહિત કુલ 8 ભાષાઓમાં રિલીઝ કરવામાં આવશે.

આ પણ વાંચો-Jiah Khan કેસ પર સૂરજ પંચોલીનું નિવેદન, કહ્યું- 'મારી જિંદગીના 14 વર્ષ છીનવાઈ...'