યશની થિયેટરમાં વાપસી થઈ ગઈ છે. તેની ફિલ્મ ટોક્સિકને રિલીઝ થયાને 4 દિવસ પણ પૂરા થઈ ગયા છે. ફિલ્મે જે રીતે શરૂઆત કરી હતી, તે જોતા આગામી દિવસોમાં સારો બિઝનેસ કરવાની આશા હતી. પરંતુ વીકએન્ડમાં પણ યશની ફિલ્મની કમાણી વધી શકી નથી. શનિવારે ટોક્સિકએ જેટલી કમાણી કરી છે, તે જોઈને સૌ ચોંકી ગયા છે. કારણ કે એવી આશા હતી કે વીકએન્ડમાં ફિલ્મને ફરી ફાયદો થશે. અત્યાર સુધી આ ફિલ્મે વર્લ્ડવાઇડ બોક્સ ઓફિસ પર 254.75 કરોડ રૂપિયાનો બિઝનેસ કર્યો છે. જ્યારે ચોથા દિવસે એટલે કે શનિવારે ફિલ્મે 24.50 કરોડ રૂપિયાનું કલેક્શન કર્યું છે.
ટોક્સિકનું વર્લ્ડવાઇડ કલેક્શન 254 કરોડને પાર થયુ
છેવટે સેકનિલ્કનો રિપોર્ટ સામે આવ્યો છે. યશની ટોક્સિકએ શનિવારે માત્ર 24.50 કરોડ રૂપિયા જ કમાયા નથી, પરંતુ કુલ 17,612 શો પણ બુક થયા છે. આ સાથે ફિલ્મનું ગ્રોસ કલેક્શન 227.50 કરોડ રૂપિયા સુધી પહોંચી ગયું છે. જ્યારે નેટ કમાણી 190.45 કરોડ રૂપિયા થઈ ગઈ છે. ઓવરસીઝ કલેક્શનની વાત કરીએ તો યશની ટોક્સિકએ છેલ્લા દિવસે 4 કરોડ રૂપિયા કમાયા હતા. આ સાથે ફિલ્મે ઓવરસીઝમાં કુલ 27.25 કરોડ રૂપિયાનો બિઝનેસ કર્યો છે. જ્યારે વર્લ્ડવાઇડ કલેક્શન હવે 254.75 કરોડ રૂપિયા થઈ ગયું છે.
શનિવારે ફિલ્મની કમાણી કેટલી ઘટી?
યશની ટોક્સિકની છેલ્લા દિવસની કમાણીમાં 9.9 ટકાનો ઘટાડો આવ્યો છે. ફિલ્મે ભારતમાં 24.50 કરોડ રૂપિયાનો બિઝનેસ કર્યો છે. ફિલ્મના કુલ શો 17,612 રહ્યા હતા, જ્યારે ઓક્યુપન્સી રેટ 24.3 ટકા રહ્યો હતો. ફિલ્મે હિન્દીમાંથી 15.50 કરોડ રૂપિયાની કમાણી કરી છે. જ્યારે કન્નડમાંથી 6.60 કરોડ રૂપિયા કમાયા છે. ટોક્સિકએ મલયાલમમાંથી 15 લાખ રૂપિયા મેળવ્યા છે. તમિલની વાત કરીએ તો ફિલ્મે 75 લાખ રૂપિયાનો બિઝનેસ કર્યો છે. જ્યારે તેલુગુમાંથી 1.50 કરોડ રૂપિયાનું કલેક્શન કર્યું છે.
ટોક્સિક માટે 500 કરોડની કમાણી જરૂરી
ટોક્સિકનું બજેટ લગભગ 500થી 600 કરોડ રૂપિયા હોવાનું કહેવાય છે. અત્યાર સુધીની કમાણી પર નજર કરીએ તો ફિલ્મે ઘણી ઓછી કમાણી કરી છે. યશની ફિલ્મને કોઈપણ રીતે 500 કરોડ રૂપિયા સુધી પહોંચવું પડશે. આ ત્યારે જ શક્ય બનશે જ્યારે રવિવારે ફિલ્મ સારી કમાણી કરવામાં સફળ રહે. જો આવું નહીં થાય તો ત્યાર બાદ ફિલ્મ માટે સ્થિતિ સંભાળવી મુશ્કેલ બની શકે છે. આ ફિલ્મમાં KVN પ્રોડક્શન્સ અને યશે સાથે મળીને પૈસા લગાવ્યા છે. જ્યારે ગીતુ મોહનદાસે ફિલ્મનું નિર્માણ કર્યું છે. હવે જોવાનું રહેશે કે વીક ડેઝ શરૂ થાય તે પહેલાં ફિલ્મ કેટલો બિઝનેસ કરી શકે છે.
આ પણ વાંચો-Forbes Indiaના ટોપ 100 શોસ્ટોપર્સ લિસ્ટમાં છવાયા અલ્લુ અર્જુન અને રામ ચરણ! કવર પેજ પર છવાયા
