થલાપતિ વિજયે તમિલનાડુ વિધાનસભા ચૂંટણી 2026માં ઐતિહાસિક જીત નોંધાવી છે. તેમની પાર્ટી તમિલગા વેટ્રી કઝગમ (TVK) એ 108 બેઠકો જીતીને મોટો ઉલટફેર કર્યો છે. હવે તેઓ રાજ્યના નવા મુખ્યમંત્રી બનવા જઈ રહ્યા છે. આ બધાની વચ્ચે ફેન્સ વિજયની છેલ્લી ફિલ્મ જન નાયકનની રિલીઝની પણ આતુરતાથી રાહ જોઈ રહ્યા છે. હવે આ ફિલ્મનું ટાઈટલ કાર્ડ સોશિયલ મીડિયા પર ઝડપથી વાયરલ થઈ રહ્યું છે, જેમાં મેકર્સે તેમને તમિલનાડુના મુખ્યમંત્રી તરીકે ઇન્ટ્રોડ્યુસ કર્યા છે.
ટાઈટલ કાર્ડ જોઈ ફેન્સ થયા હેરાન
વાયરલ ક્લિપમાં વિજયની એન્ટ્રી દરમિયાન સ્ક્રીન પર 'Tamil Nadu Chief Minister - C Joseph Vijay' લખેલું જોવા મળે છે. વીડિયોમાં થિયેટરમાં હાજર લોકો આ મોમેન્ટ પર શાનદાર જશ્ન મનાવતા જોવા મળી રહ્યા છે. જ્યાં એક તરફ આ વીડિયો જોઈને ફેન્સ ખૂબ જ ખુશ છે, તો બીજી તરફ ટાઈટલ કાર્ડમાં વિજયના નામ સાથે થલાપતિ ન લખેલું હોવું પણ ચર્ચાનો વિષય બન્યો છે, જેને જોઈને ફેન્સ હેરાન છે.
વિજયની ઓળખ બની ગયું છે થલાપતિ
વિજય લાંબા સમયથી પોતાના રાજકીય જીવન અને ફિલ્મી કરિયરને અલગ-અલગ રાખતા આવ્યા છે. તેમણે ફિલ્મો અને પ્રમોશનલ ઈવેન્ટ્સમાં થલાપતિ ટાઈટલ અત્યાર સુધી જાળવી રાખ્યું છે. આ જ કારણે અટકળો લગાવવામાં આવી રહી છે કે તેમની આગામી ફિલ્મ જન નાયકનમાં પણ તેઓ આ જ ટાઈટલ સાથે જોવા મળી શકે છે. ફેન્સનું માનવું છે કે થલાપતિ હવે વિજયની સ્ક્રીન ઈમેજ અને સ્ટાર ઓળખનો મહત્વનો હિસ્સો બની ગયો છે.
વિજયને ક્યાંથી મળ્યો 'થલાપતિ' ટેગ?
વિજયના નામની આગળ થલાપતિ તેમના ફેન્સ દ્વારા આપવામાં આવેલું એક લોકપ્રિય ટાઈટલ છે. તમિલ ભાષામાં થલાપતિનો અર્થ કમાન્ડર અથવા નેતા થાય છે. તેમની ફિલ્મોમાં દમદાર અને લીડ રોલવાળી છબીના કારણે આ નામ દર્શકોમાં ખૂબ જ પ્રખ્યાત થઈ ગયું. ધીરે ધીરે આ ટાઈટલ તેમની ઓળખનો ભાગ બની ગયું અને આજે તે તેમની સ્ટાર ઈમેજ સાથે જોડાઈ ગયું છે.
જન નાયકનમાં જોવા મળશે આ કલાકારો
જન નાયકન KVN પ્રોડક્શન્સ દ્વારા નિર્મિત છે. વિજય સિવાય આ ફિલ્મમાં પૂજા હેગડે, મામિતા બૈજુ અને બોબી દેઓલ જેવા એક્ટર્સ પણ જોવા મળશે. અનિરુદ્ધે ફિલ્મનું મ્યુઝિક તૈયાર કર્યું છે. તો બીજી તરફ એચ. વિનોદે આ રાજકીય એક્શન ડ્રામાનું નિર્દેશન કર્યું છે. હાલમાં ફિલ્મની રિલીઝ ડેટ જાહેર થવાની દરેક વ્યક્તિ રાહ જોઈ રહી છે.
આ પણ વાંચો- Yuzvendra Chahl સાથે છૂટાછેડા પછી ધનશ્રી વર્માને ફરી થયો પ્રેમ? પોસ્ટ શેર કરીને આપ્યો આ સંકેત
