બોલીવુડ હંગામાના અહેવાલ મુજબ, ટોક્સિકનું ઈંગ્લિશ વર્ઝન રિલીઝ થયાના માત્ર એક અઠવાડિયા બાદ જ થિયેટરમાંથી હટાવી દેવામાં આવ્યું છે. ફિલ્મના ઈંગ્લિશ વર્ઝને પહેલા અઠવાડિયામાં માત્ર 3.16 લાખ રૂપિયાની કમાણી કરી હતી. રિલીઝના દિવસે ફિલ્મના 11 શો રાખવામાં આવ્યા હતા, જેમાંથી 1.38 લાખ રૂપિયાની કમાણી થઈ હતી. આ શો મુંબઈ, બેંગલુરુ, ગુરુગ્રામ અને નોઈડામાં યોજાયા હતા. ત્યારબાદ શનિવારે ફિલ્મે 78,774 રૂપિયા અને રવિવારે 70,460 રૂપિયાની કમાણી કરી હતી. વીકએન્ડમાં પણ ફિલ્મની કમાણીમાં ખાસ વધારો જોવા મળ્યો નહોતો.

સોમવાર બાદ કમાણીમાં વધુ ઘટાડો

સોમવારે ટોક્સિકના ઈંગ્લિશ વર્ઝનની કમાણીમાં મોટો ઘટાડો આવ્યો અને ફિલ્મે માત્ર 15,034 રૂપિયા કમાયા. ત્યારબાદ મંગળવારે 3,125 રૂપિયા, બુધવારે 5,699 રૂપિયા અને ગુરુવારે 4,655 રૂપિયાની કમાણી થઈ. આ રીતે ફિલ્મની પહેલા અઠવાડિયાની કુલ કમાણી માત્ર 3.16 લાખ રૂપિયા રહી. હાલમાં ફિલ્મના નિર્માતાઓ તરફથી ઈંગ્લિશ વર્ઝનને થિયેટરમાંથી હટાવવા અંગે કોઈ સત્તાવાર નિવેદન આવ્યું નથી.
https://www.instagram.com/reel/DcOkiKAAR-i/?utm_source=ig_web_copy_link&stkn=MzRlODBiNWFlZA==

કન્નડ અને ઈંગ્લિશમાં શૂટ કરવામાં આવી છે ફિલ્મ

ટોક્સિકને કન્નડ અને ઈંગ્લિશ ભાષામાં એકસાથે શૂટ કરવામાં આવી છે. ફિલ્મને હિન્દી, તમિલ, તેલુગુ અને મલયાલમ ભાષામાં ડબ કરવામાં આવી છે. ગીતુ મોહનદાસના દિગ્દર્શનમાં બનેલી ટોક્સિક એક સાયકોલોજિકલ ગેંગસ્ટર એક્શન થ્રિલર ફિલ્મ છે. તેમાં યશ સાથે કિયારા અડવાણી, નયનતારા, હુમા કુરેશી, તારા સુતરિયા અને રુક્મિણી વસંત જોવા મળી રહ્યા છે.
Toxic, Yash (1)

ટોક્સિકનું બોક્સ ઓફિસ કલેક્શન

આ ફિલ્મમાં યશ ડબલ રોલમાં છે. તેઓ આ ફિલ્મના કો-પ્રોડ્યુસર પણ છે. ફિલ્મની સ્ટોરી ગીતુ મોહનદાસ અને યશે સાથે મળીને લખી છે. સેકનિલ્કના અર્લી ટ્રેન્ડ રિપોર્ટ મુજબ, ભારતમાં ટોક્સિકની અત્યાર સુધીની કમાણી 248.50 કરોડ રૂપિયા થઈ ગઈ છે. ફિલ્મે દુનિયાભરમાં 340.10 કરોડ રૂપિયાનું કલેક્શન કર્યું છે. જોકે, હવે ફિલ્મની રોજની કમાણી લાખોમાં આવી ગઈ છે અને તેમાં સતત ઘટાડો જોવા મળી રહ્યો છે.

આ પણ વાંચો-Retro Fashion : 80sમાં હતો ફેશનનો જલવો! આ 5 આઉટફિટ્સ આજે પણ છે સુપરહિટ