- ફિલ્મ લવ સ્ટોરી ઓફ 90'sમાં ગાશે સોન્ગ
- બોલિવૂડ માટે આતિફ અસલમને લેવું ચેલેન્જિંગ હતું
- આતિફને ફિલ્મની સ્ટોરી પસંદ આવી અને ગીત ગાવા થયા રાજી
પુલવામા એટેક બાદ ભારતમાં પાકિસ્તાની આર્ટિસ્ટને બેન કરી દેવામાં આવ્યા હતા. આ પછી કોઈ પણ પાકિસ્તાની એક્ટર કે સિંગર કોઈ પણ બોલિવૂડ ફિલ્મમાં જોવા મળ્યા નહીં. ન તો તેનો ભારતમાં કોઈ લાઈવ શો થયો. જો કે હવે આ બેનને હટાવી દેવામાં આવ્યો છે. તેના બાદથી ઈન્ડિયન ફેનને આશા છે કે તેઓ પોતાના ફેવરિટ સ્ટાર્સની સાથે પાકિસ્તાની આર્ટિસ્ટને કોલૈબ કરતા જોઈ શકશે. લાગે છે કે ફેન્સની આ માંગ જલ્દી પૂરી થઈ ગઈ છે. જલ્દી જ તેઓ પાકિસ્તાની સિંગર આતિફ અસલમ બોલિવૂડમાં કમબેક કરવાના છે. આતિફ અસલમ બોલિવૂડમાં 7-8 વર્ષ બાદ કમબેક કરી રહ્યા છે.
શું કહે છે રિપોર્ટ
એક રિપોર્ટ અનુસાર આતિફ અસલમ બોલિવૂડમાં વાપસી કરી રહ્યા છે. તે સંગીની બ્રધર્સ હરેશ અને ધર્મેશ સાથે તેમની ફિલ્મને લઈને વાતચીત કરી રહ્યા છે. તે ફિલ્મ સંગીની બ્રધર્સ મોશન પિક્ચર્સના બેનર હેઠળ બનવાની છે. આ ફિલ્મનું નામ લવ સ્ટોરી ઓફ 90's છે. રિપોર્ટનું માનીએ તો ફિલ્મમાં અધ્યયન સુમન અને મિસ યુનિવર્સ દીવા દિવિતા રાય જોવા મળી શકે છે.
સંગીની બ્રધર્સે કર્યું કન્ફર્મ
સંગીની બ્રધર્સે કન્ફર્મ કર્યું કે તે પાકિસ્તાની સિંગર આતિફ અસલમની સાથે કોલૈબ કરી રહ્યા છે. તેઓએ કહ્યું કે 8 વર્ષ બાદ આતિફનું કમબેક શાનદાર છે. તેઓ એ વાતથી ખુશ છે કે આતિફ અસલમે તેમની ફિલ્મ એલએસઓ90માં તેમનું પહેલું ગીત ગાયું. પ્રોડ્યુસર-ડિસ્ટ્રીબ્યુટરની જોડીએ દાવો કર્યો છે કે આતિફના ફેન્સ થ્રિલ થશે.
આતિફની હા કરાવવાનું કામ મુશ્કેલ
ફિલ્મના પ્રોડ્યુસર્સે કહ્યું કે અધ્યયનની સાથે બોલિવૂડની ફિલ્મ માટે આતિફ અસલમને લેવું ચેલેન્જિંગ હતું. તેઓએ કહ્યું કે આતિફનું ધ્યાન ફિલ્મની વાર્તા પર હતું. તેમને ફિલ્મને વિશે તમામ જાણકારી આપવાની હતી. આતિફને ફિલ્મની સ્ટોરી પસંદ આવી અને તેઓએ ફિલ્મમાં ગીત ગાવા માટે હા કરી દીધી. ઉલ્લેખનીય છે કે આતિફ સિવાય ઉદિત નારાયણ અને અમિત મિશ્રા પણ ફિલ્મમાં ગીત ગાશે. આ ફિલ્મનું મ્યુઝિક શાનદાર રહેશે.
