Rajpal Yadavના પિતાનું નિધન, કેટલાક સમયથી હતા બીમાર

ફિલ્મ અભિનેતા રાજપાલ યાદવના પિતાનું નિધન થયું છે. તેમને દિલ્હી AIIMSમાં દાખલ કરવામાં આવ્યા હતા. તેઓ છેલ્લા કેટલાક સમયથી બીમાર હતા. તેમને સારવાર માટે દિલ્હીની AIIMS હોસ્પિટલમાં દાખલ કરવામાં આવ્યા હતા. તાજેતરમાં જ રાજપાલ યાદવ અને અન્ય કલાકારોને જાનથી મારી નાખવાની ધમકીઓ મળી હતી આ તમામ વચ્ચે પિતાની તબિયત બગડતાં તે ગઈકાલે થાઈલેન્ડથી દિલ્હી પહોંચ્યો હતો.

અભિનેતા ગુરુવારે (23 જાન્યુઆરી) થાઈલેન્ડથી દિલ્હી પહોંચ્યો હતો.

તેમના પિતાએ દિલ્હી એમ્સમાં જ અંતિમ શ્વાસ લીધા હતા. એવું કહેવામાં આવી રહ્યું છે કે તેમના અંતિમ સંસ્કાર તેમના ગૃહ જિલ્લા શાહજહાંપુરમાં જ કરવામાં આવશે. રાજપાલ યાદવને બુધવારે જાનથી મારી નાખવાની ધમકી મળી હતી. રાજપાલ ઉપરાંત સુગંધા મિશ્રા, રેમો ડિસોઝા અને કપિલ શર્માને પણ જાનથી મારી નાખવાની ધમકી મળી છે. ચારેયને પાકિસ્તાન તરફથી ધમકીભર્યો મેલ મળ્યો છે.

ધમકીભર્યા ઈમેલના અંતમાં 'બિષ્ણુ' લખેલું છે.

ધમકીભર્યા ઈમેલના અંતે ‘બિષ્ણુ’ લખેલું છે. જેના કારણે તમામ શંકા લોરેન્સ વિશ્નોઈ ગેંગ પર લાગી રહી છે. જો કે આ મામલે આવી કોઈ સત્તાવાર પુષ્ટિ કે નિવેદન સામે આવ્યું નથી.

ધમકી બાદ રાજપાલે ફરિયાદ નોંધાવી હતી

ધમકી બાદ રાજપાલ યાદવે કહ્યું કે તેણે આંબોલી પોલીસ સ્ટેશન અને સાયબર ક્રાઈમ વિભાગમાં ફરિયાદ નોંધાવી છે. આ પછી તેણે કોઈની સાથે ચર્ચા કરી ન હતી. મેં મારી કળાથી બધાને હસાવ્યા છે. બધા અમારા મનોરંજનથી ખુશ હતા. હું આનાથી વધુ કંઈ કહેવા પણ માંગતો નથી. એજન્સીઓ આ વિશે વાત કરવા સક્ષમ છે.

પિતાની હાલત ગંભીર હોવાની માહિતી મળ્યા બાદ અભિનેતા ગુરુવારે (23 જાન્યુઆરી) થાઈલેન્ડથી દિલ્હી પહોંચ્યો હતો. તેને આશા હતી કે તેના પિતા સ્વસ્થ થઈને ફરી ઘરે પહોંચશે. પરંતુ હોસ્પિટલમાં જ તેમનું મોત નીપજ્યું હતું. આ સમાચાર બાદ ઈન્ડસ્ટ્રીમાં શોકની લહેર છે. રાજપાલ યાદવ ઉત્તર પ્રદેશના શાહજહાંપુરનો રહેવાસી છે. એવી અટકળો છે કે તેના પિતાના અંતિમ સંસ્કાર તેના ગૃહ જિલ્લામાં કરવામાં આવશે.