Salman Khan વર્ષો બાદ બેસ્ટફ્રેન્ડ સાથે કરશે કામ, હોલીવુડમાં કરશે ડેબ્યૂ?

સલમાન ખાન અને સંજય દત્ત સારા મિત્રો છે. આ બંને કલાકારોએ પહેલા પણ ફિલ્મોમાં સાથે કામ કર્યું છે. હવે તે બંને એક અમેરિકન પ્રોજેક્ટનો ભાગ બનવા જઈ રહ્યા છે. મીડિયા રિપોર્ટ મુજબ બંને કલાકારો હાલમાં આ વિશે કંઈ કહી શકતા નથી, કારણ કે તેમને આ પ્રોજેક્ટની વિગતો શેર કરવાની ના પાડવામાં આવી છે.

અમેરિકન થ્રિલર પ્રોજેક્ટનો બન્યા ભાગ

મીડિયા રિપોર્ટ મુજબ સલમાન ખાન અને સંજય દત્ત જે અમેરિકન પ્રોજેક્ટમાં ભાગ લઈ રહ્યા છે, તે એક થ્રિલર પ્રોજેક્ટ છે. આમાં બંનેની ભૂમિકા શું છે? આ વિશે પણ બહુ માહિતી નથી. પરંતુ બંને કલાકારો આ પ્રોજેક્ટના શૂટિંગ માટે દેશની બહાર ગયા છે.

સાઉદી અરેબિયાના રિયાધમાં શૂટિંગ

આ અમેરિકન પ્રોજેક્ટનું શૂટિંગ સાઉદી અરેબિયાના રિયાધમાં થઈ રહ્યું છે. આજકાલ સાઉદી અરેબિયામાં ઘણી હોલીવુડ ફિલ્મોનું શૂટિંગ થઈ રહ્યું છે. સલમાન ખાન સાઉદીમાં પણ ખૂબ ફેમસ છે. આ પરિસ્થિતિમાં, અમેરિકન પ્રોજેક્ટ્સના મેકર્સ તેમની પોપ્યુલારિટીનો લાભ લેવા માંગે છે.

આ ફિલ્મોમાં પહેલી વાર સાથે મળ્યા જોવા

જો આપણે સલમાન ખાન અને સંજય દત્તની જૂની ફિલ્મોની વાત કરીએ તો, બંનેએ 'સાજન' અને 'યે હૈ જલવા' ફિલ્મોમાં સાથે કામ કર્યું છે. 'સાજન' એક રોમેન્ટિક ડ્રામા ફિલ્મ હતી, જ્યારે 'યે હૈ જલવા' એક કોમેડી રોમાન્સ ફિલ્મ હતી. 2012 માં, સલમાન ખાને અજય દેવગનની ફિલ્મ 'સન ઓફ સરદાર' માં એક કેમિયો કર્યો હતો, જેમાં સંજય દત્ત પણ મહત્વપૂર્ણ રોલમાં હતા. સલમાન ખાનની અપકમિંગ ફિલ્મ વિશે વાત કરીએ તો, તે 'સિકંદર'માં જોવા મળશે. સંજય દત્ત 'વાસ્તવ 2'માં પણ જોવા મળી શકે છે.