- સલમાન ખાનના ઘરની બહાર ફાયરિંગ કરવામાં આવ્યું
- ફાયરિંગની ઘટના બાદ સલમાન ખાને ઈન્સ્ટાગ્રામ પર એક વીડિયો શેર કર્યો
- તેણે વીડિયોમાં ફાયરિંગ વિશે કંઈ કહ્યું નથી પરંતુ જિમ પ્રોડક્ટ્સના પ્રમોશન માટે પોસ્ટ કર્યો
બોલિવૂડ એક્ટર સલમાન ખાનના ઘરની બહાર રવિવારે વહેલી સવારે ફાયરિંગ કરવામાં આવ્યું હતું. સલમાન ખાનના ફેન્સ ચિંતિત થઈ ગયા અને તેમના માટે પ્રાર્થના કરવા લાગ્યા છે. હવે સલમાન ખાને ઇન્સ્ટાગ્રામ પર પોસ્ટ કરી છે અને સ્પષ્ટતા કરી છે કે તે એકદમ ઠીક છે. આ પહેલા સલમાન ખાનના પિતા સલીમ ખાને પણ કહ્યું હતું કે આ ફાયરિંગ માત્ર એટેંશન આપવા માટે કરવામાં આવ્યું હતું.
સલમાન ખાનની ઇન્સ્ટાગ્રામ પોસ્ટ
સલમાન ખાને ઈન્સ્ટાગ્રામ પર એક વીડિયો શેર કર્યો છે જોકે તેણે વીડિયોમાં ફાયરિંગ વિશે કંઈ કહ્યું નથી પરંતુ તેણે તેના જિમ પ્રોડક્ટ્સના પ્રમોશન માટે પોસ્ટ કર્યો છે. સલમાન ખાનના ફેન્સે આ પોસ્ટ પછી ચોક્કસપણે રાહત અનુભવે છે કારણ કે તેઓ અભિનેતા વિશે ચિંતિત હતા.
સલમાનની આ પોસ્ટ પર પણ તેના ફેન્સ કોમેન્ટમાં તેના માટે પ્રાર્થના કરી રહ્યા છે. એક ફેન્સે લખ્યું છે કે, ભાઈ, તમારું ધ્યાન રાખો. એક ફેન્સે લખ્યું છે કે, ભગવાન તમારી રક્ષા કરે. સલમાન ખાનના એક પ્રશંસકે લખ્યું હતું કે, જે પણ ભાઈજાન સાથે ટકરાશે તેના ટુકડા થઈ જશે. એક યુઝરે લખ્યું હતું કે, સમગ્ર ભારતની પ્રાર્થના તમારી સાથે છે. બિગ બોસ 17ની સ્પર્ધક રિંકુ ધવને કોમેન્ટ કરી અને લખ્યું હતું કે, હું તમારી અને તમારા પરિવારની સુરક્ષાની કામના કરું છું.
લોરેન્સ બિશ્નોઈના ભાઈ અનમોલ બિશ્નોઈએ ફાયરિંગની જવાબદારી લીધી અને તેને આ ટ્રેલર ગણાવ્યું છે. સીસીટીવી ફૂટેજ સામે આવ્યા બાદ ગોળીબારની ઓળખ પણ થઈ ગઈ છે. શૂટરનું નામ વિશાલ રાહુલ ઉર્ફે કાલુ હોવાનું કહેવાય છે જે કુખ્યાત ગેંગસ્ટર રોહિત ગોદારા માટે કામ કરે છે.
