જવાન જોઇ શાહરૂખના દીકરા અબરામનું શું હતું રિએક્શન! કિંગખાને કર્યો ખુલાસો

• જવાનનો જાદુ સિનેમાઘરોમાં સતત જોવા મળી રહ્યો છે
  
• આસ્ક એસઆરકે સેશનનું કિંગ ખાને કર્યું આયોજન
• શાહરૂખે અબરામને લઇને આપ્યો જોરદાર જવાબ

સુપરસ્ટાર શાહરૂખ ખાનની જવાનનો જાદુ સિનેમાઘરોમાં સતત જોવા મળી રહ્યો છે. ફિલ્મ રિલીઝ થયાના 16 દિવસ બાદ પણ દર્શકો ફિલ્મ જોવા માટે થિયેટરોમાં પહોંચી રહ્યા છે. આ ફિલ્મ વિશ્વભરમાં 1000 કરોડ રૂપિયાના આંકડાની નજીક પહોંચી ગઈ છે. શાહરૂખ ખાન પોતાની ફિલ્મ સાથે એક મોટો ઈતિહાસ રચવાની તૈયારી કરી રહ્યો છે. ફિલ્મની શાનદાર સફળતા વચ્ચે શાહરૂખ ખાને ટ્વિટર પર આસ્ક એસઆરકે સેશનનું આયોજન કર્યું હતું. જ્યાં તેણે તેના ચાહકોના સવાલોના જવાબ આપ્યા હતા.

આ સેશન દરમિયાન એક પ્રશંસકે પૂછ્યું કે જવાનને જોઈને અબરામ શું બોલ્યો? શાહરૂખે તેને રમૂજી રીતે જવાબ આપ્યો અને કહ્યું કે અબરામને વિજય સેતુપતિ સાથેની તેની લડાઈ પસંદ છે. “બાપ-બાપ હોતા હૈ..!! ના, ના, હું મજાક કરી રહ્યો છું. તેને મોટા માણસ સાથેની લડાઈ ગમતી…તેને ક્લાઈમેક્સ ગમ્યો. અન્ય એક યુઝરે શાહરૂખ ખાનને જવાનની રૂ. 1000 કરોડની સક્સેસ પાર્ટીના લોકેશન વિશે પૂછ્યું. શાહરૂખે ટ્વીટનો જવાબ આપતા કહ્યું કે, પઠાણના ઘરમાં બીજુ ક્યાં!

શાહરૂખ ખાનના જવાને વધુ એક રેકોર્ડ પોતાના નામે કર્યો છે. જવાન હવે હિન્દી સિનેમામાં સૌથી ઝડપી 500 કરોડની કમાણી કરનારી ફિલ્મ બની ગઈ છે. અગાઉ આ ટાઇટલ સની દેઓલની ફિલ્મ ગદર 2 પાસે હતું. પરંતુ હવે દરેક બાબતમાં શાહરૂખના જવાને સનીની ગદર 2ને ઘણી પાછળ છોડી દીધી છે. બોક્સ ઓફિસ પર આ ફિલ્મને ટક્કર આપવા માટે અન્ય કોઈ ફિલ્મ સક્ષમ નથી. જવાનના તોફાન સામે, દરેક નવી ફિલ્મ તેની રિલીઝ સાથે ધીમી પડતી જોવા મળી રહી છે.

એટલી દ્વારા નિર્દેશિત જવાનમાં શાહરૂખ ખાન, નયનથારા અને વિજય સેતુપતિ મુખ્ય ભૂમિકામાં છે. આ સિવાય સાન્યા મલ્હોત્રા, રિદ્ધિ ડોગરા, પ્રિયમણી, આલિયા કુરેશી અને લહર ખાન પણ આ ફિલ્મમાં સપોર્ટિંગ રોલમાં જોવા મળશે. રેડ ચિલીઝ એન્ટરટેઈનમેન્ટના બેનર હેઠળ ગૌરી ખાન દ્વારા નિર્મિત, આ ફિલ્મે બોક્સ ઓફિસના ઘણા રેકોર્ડ તોડ્યા છે અને વિશ્વવ્યાપી બોક્સ ઓફિસ પર રૂ. 938 કરોડની કમાણી કરી છે.