Sara Tendulkar આ એક્ટ્રેસ સાથે જોડાયું સિદ્ધાંત ચતુર્વેદીનું નામ, એક્ટરે કર્યો ખુલાસો

બોલીવુડ એક્ટર સિદ્ધાંત ચતુર્વેદી હાલમાં પોતાની પર્સનલ લાઈફને લઈને ચર્ચામાં છે. મીડિયા રિપોર્ટ મુજબ એક્ટર મહાન ક્રિકેટર સચિન તેંડુલકરની પુત્રી સારા તેંડુલકરને ડેટ કરી રહ્યો છે.

પરંતુ આ પહેલી વાર નથી જ્યારે સિદ્ધાંતનું નામ કોઈ એક્ટ્રેસ સાથે જોડવામાં આવ્યું હોય. આ પહેલા પણ એક્ટરનું નામ બે છોકરીઓ સાથે જોડાઈ ચૂક્યું છે.

સારા તેંડુલકર પહેલા સિદ્ધાંત ચતુર્વેદી વિશે એવી ચર્ચા હતી કે તે અમિતાભ બચ્ચનની પૌત્રી નવ્યા નંદા નવેલીને ડેટ કરી રહ્યો હતો. આ ચર્ચાઓ પહેલીવાર 2022 માં સામે આવી હતી જ્યારે સિદ્ધાંત અને નવ્યા ઋષિકેશમાં સાથે વેકેશન માણતા જોવા મળ્યા હતા. આ એક્ટર નવ્યાની માતા શ્વેતા બચ્ચનના જન્મદિવસની પાર્ટીમાં પણ જોવા મળ્યો હતો. પરંતુ નવ્યા કે સિદ્ધાંત હંમેશા અફેરની ચર્ચાઓ પર મૌન રહ્યા.

મૃણાલ ઠાકુર સાથે પણ જોડાયું નામ

સિદ્ધાંત ચતુર્વેદીનું નામ મૃણાલ ઠાકુર સાથે પણ જોડાયું છે. બંનેનો એક વીડિયો વાયરલ થયો હતો જેમાં તેઓ એકબીજાને ગળે લગાવતા અને ગાલ પર કિસ કરતા જોવા મળ્યા હતા. આ પછી તેમના અફેરની ચર્ચાઓ થવા લાગી. બંનેમાંથી કોઈએ પણ આ ચર્ચાઓ પર પ્રતિક્રિયા આપી ન હતી.

મિસ્ટ્રી ગર્લને 4 વર્ષ સુધી કરી ડેટ

સિદ્ધાંત ચતુર્વેદી પોતાની કોલેજમાં એક છોકરી સાથે રિલેશનશિપમાં હતા, જેનો ખુલાસો એક્ટરે પોતે ફિલ્મફેરને આપેલા ઈન્ટરવ્યુમાં કર્યો હતો. સિદ્ધાંતે કહ્યું હતું કે તે તે મિસ્ટ્રી ગર્લ સાથે લગભગ ચાર વર્ષથી સંબંધમાં હતો અને તેની સાથે લગ્ન કરવા પણ માગતો હતો. પરંતુ બંને વચ્ચે કારકિર્દીને લઈને વિવાદ થયો અને તેઓ અલગ થઈ ગયા. સિદ્ધાંતે કહ્યું હતું કે આ બ્રેકઅપથી તેને ખૂબ દુઃખ થયું હતું.

આ ફિલ્મમાં જોવા મળશે સિદ્ધાંત ચતુર્વેદી

સિદ્ધાંત ચતુર્વેદીએ 'ગલી બોય' ફિલ્મથી બોલીવુડમાં ડેબ્યૂ કર્યું હતું. એક્ટર દીપિકા પાદુકોણ સાથે ફિલ્મ 'ગહેરાઈયા'માં પણ જોવા મળ્યો છે. તે છેલ્લે ફિલ્મ 'યુદ્ધ'માં જોવા મળ્યો હતો. હવે તે તૃપ્તિ ડિમરી સાથે ફિલ્મ 'ધડક 2'માં જોવા મળશે.