અજય સાથે દીપિકાની સિંઘમ સિક્વન્સમાં એન્ટ્રી, ક્લાઈમેક્સ સિન 25 કરોડમાં બનશે

• સિંઘમની સિક્વલ ફિલ્મમાં અન્ય કલાકારોની એન્ટ્રી
  
• તેલંગણાના હૈદરાબાદમાં થશે છેલ્લા સિનનું શુટિંગ
• ફિલ્મની થીમ અંગે હજુ કોઈ અપડેટ મળી નથી

પોપ્યુલર ફ્રેન્ચાઈઝી ફિલ્મ સિંઘમના ત્રીજા ભાગનું શૂટિંગ શરૂ થઈ ગયું છે. અજય દેવગન અને કરીના કપૂરના ચાહકો એમને ફિલ્મમાં તેમની એ જ જૂની સ્ટાઈલ જોવા માટે એક્સાઈટેડ છે. આ દરમિયાન ફિલ્મને લઈને વધુ એક મોટું અપડેટ સામે આવ્યું છે. સિંઘમ અગેઈનનો ક્લાઈમેક્સ મોટા બજેટ સાથે શૂટ કરવામાં આવશે. તેમાં અજય દેવગનની સાથે દીપિકા પાદુકોણ અને અન્ય ઘણા કલાકારો જોવા મળશે.

હૈદરાબાદમાં થશે શૂટિંગ

રોહિત શેટ્ટીની ફિલ્મ 'સિંઘમ અગેન'નું નામ આગામી બોલિવૂડ ફિલ્મોની યાદીમાં સામેલ છે. ડિરેક્ટર રોહિત શેટ્ટી ફરી એકવાર અજય દેવગન સાથે એક્શનથી ભરપૂર ફિલ્મ પર હાલ શૂટિંગ ચાલી રહ્યું છે. કરીના કપૂર પણ આ ફિલ્મનો ભાગ હશે. અભિનેત્રીએ સેટ પરથી પોતાનો ફોટો શેર કરીને ફિલ્મમાં પોતાની એન્ટ્રી કન્ફર્મ કરી છે. પરંતુ સમાચાર છે કે કરીના સિવાય બીજી એક અભિનેત્રી રોહિત શેટ્ટીની ફિલ્મમાં પોતાની એક્ટિંગનો જાદુ પાથરશે. આ ફિલ્મને લઈને કેટલીક માહિતી સામે આવી છે. આ ફિલ્મના કેટલાક સિન હૈદરાબાદમાં શૂટ કરવામાં આવશે. આ ફિલ્મનો ક્લાઈમેક્સ સિન હૈદરાબાદમાં શૂટ થશે.

બિગ બજેટની બે ફિલ્મો

અજય દેવગન સિવાય અન્ય ચાર એક્ટર પણ જોવા મળશે. ક્લાઈમેક્સ સિનનું બજેટ 25 કરોડ રૂપિયા નક્કી કરાયું છે. જોકે, ફિલ્મની થીમ અંગે હજુ સુધી કોઈ અપડેટ મળી નથી. રણવીરસિંહ સિમ્બા તરીકે ફિલ્મમાં છે. આ સાથે હવે અક્ષય કુમાર પણ યથાવત રહેશે. ક્લાઈમેક્સ માટેનો પ્લોટ નક્કી કરી દેવાયો છે. જોકે, હૈદરાબાદમાં કયાં શૂટ થશે એ જાહેર કરાયું નથી. જોકે, ફિલ્મના એક સીનમાં ટાઈગર શ્રોફ અને અર્જુન કપૂર પણ જોવા મળશે. જ્યારે દીપિકા પદુકોણ પણ ક્લાઈમેક્સ સિનનો એક ભાગ હશે. ફિલ્મની ઓફિશિયલ રિલીઝ ડેટ સામે નથી આવી. પણ 14 ઓગસ્ટ 2024 માનવામાં આવી રહી છે. આ દિવસ અલ્લુ અર્જુનની ફિલ્મ પુષ્પા 2 પણ રિલીઝ થશે.