Akshay Kumarએ હેરા ફેરી 3ના વિવાદ પર પરેશ રાવલ વિશે શું કહ્યું?

અક્ષય કુમારની ફિલ્મ હાઉસફુલ 5 નું ટ્રેલર રિલીઝ થઈ ગયું છે. હાઉસફુલ અક્ષયની સૌથી પ્રખ્યાત ફ્રેન્ચાઇઝીમાંથી એક છે. આ વખતે આ ફિલ્મમાં ખૂબ જ મોટી સ્ટારકાસ્ટ છે. ફિલ્મના ટ્રેલર લોન્ચ સમયે, અક્ષયએ પરેશ રાવલ વિશે વાત કરી હતી.

હેરા ફેરી 3 પરનો વિવાદ વધુ ગંભીર બનતો જાય છે. અક્ષય કુમાર અને પરેશ રાવલ વચ્ચે અંતર વધ્યું છે એટલું જ નહીં, મામલો કોર્ટ સુધી પણ પહોંચ્યો છે. તાજેતરમાં, અક્ષયની ફિલ્મ હાઉસફુલ 5 નું ટ્રેલર લોન્ચ કરવામાં આવ્યું હતું, જ્યાં અભિનેતાએ આ સમગ્ર મામલે પોતાનું મૌન તોડ્યું હતું.

શું કહ્યું અક્ષયએ પરેશ રાવલ વિશે

અભિનેતાએ કહ્યું કે, પરેશ રાવલ સાથેના આ અણબનાવનો ઉકેલ ફક્ત કોર્ટમાં જ મળી શકે છે. હવે પરસ્પર સમજણથી મામલો નહિ સુલઝાય. અક્ષયએ આગળ કહ્યું કે, પરેશ રાવલ મારો ખૂબ જ સારો મિત્ર છે. અક્ષયના ચહેરા પર ઉદાસી સ્પષ્ટ દેખાતી હતી. આમ છતાં, તે પરેશ વિરુદ્ધ કંઈપણ ખોટું સાંભળવા માગતો નથી.

શું છે પૂરો મામલો?

પરેશ રાવલે હેરા ફેરી 3માંથી પીછે હટ કરી હતી અને ફિલ્મમાંથી નીકળી ગયો હતો. અક્ષય કુમારે તેના પ્રોડક્શન હાઉસ કેપ ઓફ ગુડ ફિલ્મ્સ દ્વારા પરેશ રાવલને આ નોટિસ મોકલી છે. રિપોર્ટ મુજબ, પ્રોડક્શન હાઉસે પરેશ રાવલ પર અવ્યાવસાયિક વર્તન કરવાનો આરોપ લગાવ્યો છે. એવો દાવો કરવામાં આવી રહ્યો છે કે પરેશ રાવલે હેરા ફેરી 3 માટે કાનૂની કરાર પર હસ્તાક્ષર કર્યા હતા અને શૂટિંગ પણ શરૂ કરી દીધું હતું. આ પછી તેણે અચાનક ફિલ્મ છોડી દીધી. તેમના નિર્ણયથી ફિલ્મને નુકસાન થયું છે, જેના બદલામાં નિર્માતાઓએ 25 કરોડ રૂપિયાના વળતરની માગ કરી છે.

પરેશ રાવલે શું કહ્યું?

પરેશ રાવલ ફિલ્મ છોડવાનું મુખ્ય કારણ સ્ટોરી, સ્ક્રિપ્ટ અને લાંબા ફોર્મ એગ્રીમેન્ટનું હતું. જે તૈયાર કરવામાં આવ્યો ન હતો અને પરેશ રાવલને આપવામાં આવ્યો ન હતો, જે જરૂરી છે. શૂટિંગ 2026 માં જ શરૂ થવાનું હતું. સ્ટોરીના અભાવે, પ્રોમો ઉતાવળમાં શૂટ કરવામાં આવ્યો હતો અને કહેવામાં આવ્યું હતું કે તેને IPL માં બતાવવો પડશે. વકીલના મતે, અક્ષય કુમારની આગામી ફિલ્મ 'ભૂત બાંગ્લા'ના સેટ પર કેટલાક ફેરફારો કરવામાં આવ્યા હતા અને પ્રોમો ત્યાં જ શૂટ કરવામાં આવ્યો હતો.

એવું પણ કહેવામાં આવ્યું હતું કે પરેશ રાવલે આ ફિલ્મની સ્ટોરી, સ્ક્રિપ્ટ અને એગ્રીમેન્ટ આપવામાં આવશે તેવી ખાતરી સાથે સાઇન કરી હતી, પરંતુ તેમને કંઈ આપવામાં આવ્યું નથી. તેમણે યોગ્ય કારણોસર ટર્મ શીટ પતાવીને ફિલ્મ છોડી દીધી. સ્ટોરી જેવી મુખ્ય વસ્તુ પણ તૈયાર ન હતી, તેથી કોઈપણ પ્રકારના નુકસાનનો દાવો કરવાનો પ્રશ્ન જ ઉભો થતો નથી.