Year Ender 2024: આ વર્ષે આ સ્ટાર્સના સંબંધો તૂટ્યા, જુઓ લિસ્ટ

વર્ષ 2024 પૂર્ણ થવાનું છે, અને આ વર્ષે આપણે ઘણા ભાવનાત્મક ઉતાર-ચઢાવ આપ્યા. જ્યાં એક તરફ કેટલાક સ્ટાર્સ નવા જીવનની શરૂઆત કરી રહ્યા હતા, તો બીજી તરફ ઘણા પ્રખ્યાત કપલ્સના બ્રેકઅપના સમાચારે અથવા તેના છૂટાછેડાના સમાચાર આવ્યા. ઘણા મોટા અને અણધાર્યા નામો આ વર્ષે છૂટાછેડા લેનાર સેલેબ્સની લિસ્ટમાં સામેલ છે.

એઆર રહેમાન-સાયરા બાનુ

લગ્નના 29 વર્ષ બાદ સંગીતના દિગ્ગજ એ.આર. રહેમાન અને તેમની પત્ની સાયરા બાનુ અલગ થઈ ગયા. 1995માં લગ્ન કરનાર આ કપલે 2024માં છૂટાછેડા લેવાનું નક્કી કર્યું હતું. તેમને ત્રણ બાળકો ખતીજા, રહીમા અને અમીન છે.

ધનુષ-ઐશ્વર્યા રજનીકાંત

સુપરસ્ટાર રજનીકાંતની પુત્રી ઐશ્વર્યા અને એક્ટર ધનુષે 2022માં અલગ થવાની જાહેરાત કરી હતી. 2024 માં તેઓને કોર્ટમાંથી છૂટાછેડાની સત્તાવાર મંજૂરી મળી.

હાર્દિક પંડ્યા-નતાશા સ્ટેનકોવિક

ક્રિકેટર હાર્દિક પંડ્યા અને નતાશા સ્ટેનકોવિકે પણ તેમના ચાર વર્ષ જૂના સંબંધોને સમાપ્ત કરવાનો નિર્ણય લીધો હતો. જુલાઈ 2024 માં તેઓએ એક નિવેદન જાહેર કરીને કહ્યું કે તેઓ પરસ્પર સંમતિથી અલગ થશે. તેમને અગસ્ત્ય નામનો પુત્ર છે.

જયમ રવિ-આરતી

સાઉથ સ્ટાર જયમ રવિ અને તેની પત્ની આરતીએ 25 વર્ષ બાદ છૂટાછેડા લીધા છે. સપ્ટેમ્બર 2024 માં, તેઓએ તેમના લગ્નના અંતની જાહેરાત કરી.

મલાઈકા અરોરા અને અર્જુન કપૂર

બોલીવુડનું ફેમસ કપલ મલાઈકા અરોરા અને અર્જુન કપૂર પણ આ વર્ષે જ અલગ થઈ ગયા છે. બંને લાંબા સમયથી એકબીજાને ડેટ કરી રહ્યા હતા અને ઘણી વખત તેમના લગ્નના સમાચાર આવ્યા હતા. પરંતુ 2024માં તેઓ અલગ થઈ ગયા અને તેનું કારણ હજુ સુધી જાણી શકાયું નથી. બંનેએ સોશિયલ મીડિયા પર તેની જાહેરાત કરી ન હતી, પરંતુ તાજેતરમાં અર્જુન કપૂરે કહ્યું હતું કે તે સિંગલ છે.

ઈશા દેઓલ-ભરત તખ્તાની

એક્ટ્રેસ ઈશા દેઓલ અને તેના પતિ ભરત તખ્તાનીએ એક સંયુક્ત નિવેદનમાં તેમના અલગ થવાની જાહેરાત કરી હતી. તેમને કહ્યું કે તેઓ તેમના બાળકોના ઉછેરમાં કોઈ કસર છોડશે નહીં.

દલજીત કૌર અને નિખિલ પટેલ

ટીવી એક્ટ્રેસ દલજીત કૌરે મે 2024માં તેના બિઝનેસમેન લાઈફ પાર્ટનર નિખિલ પટેલ સાથે લગ્નનો અંત લાવ્યો હતો. કપલે તેમના અલગ થવાનું કારણ પરસ્પર મતભેદોને ટાંક્યા હતા. દલજીત કૌરે લગ્નના 10 મહિના પછી જ પતિ નિખિલ પટેલ સાથે છૂટાછેડા લેવાનો નિર્ણય કર્યો.