Ahmedabad: ગુજરાત ATSની મોટી કાર્યવાહી, અમદાવાદમાંથી પાકિસ્તાની નાગરિકની ધરપકડ

ગુજરાતમાં ઘૂસણખોરીની ઘટના દિવસેને દિવસે વધી રહી છે. ભારતીય સુરક્ષા દળા અવર નવાર ઘૂસણખોરી કરતા પાકિસ્તાની નાગરિકને ગુજરાતમાં ઘૂસણખોરી કરતા ઝડપી પાડે છે. તેવામાં ગુજરાત ATSએ અમદાવાદમાંથી પાકિસ્તાની નાગરિકની ધરપકડ કરી છે.

ગુજરાત ATSએ પાકિસ્તાની નાગરિકની ધરપકડ કરી હોવાના સમાચાર સામે આવી રહ્યા છે. અમદાવાદમાંથી પાકિસ્તાની નાગરિક લવ સ્વરુપ ભીલ હોવાની પ્રાથમિક વિગતો મળી રહી છે.  પાકિસ્તાની નાગરિક લવ સ્વરુપ ભીલ ઘુસણખોરી કરીને ગુજરાત આવતો હોવાની ગુજરાત ATSને જાણ થતા તપાસના ચક્રોગતિમાન કર્યા હતા. તેવામાં ગુજરાત ATSએ અમદાવાદમાંથી પાકિસ્તાની નાગરિકને ઝડપી પાડ્યો છે. 

ગુજરાતના દરિયાઇ વિસ્તારમાંથી ઘૂસણખોરી વધી રહી છે તેની સામે સુરક્ષાદળો પણ એક્શનમાં આવી છે. અગાઉ દ્વારકાના 8થી વધુ ટાપુઓ પર પ્રતિબંધ મુકવામાં આવ્યો છે. જેનું મુખ્યકારણ એ છેકે, દરિયાઇ વિસ્તારમાંથી પાકિસ્તાનીઓ આવે છે તો કોઇ આતંકી ષડયંત્ર રચાયાનો ખતરો ટાપુઓ પર તોળાય છે. જેથી આ ટાપુઓ નિર્જન છે માટે લોકો માટે આ ટાપુઓ પર પ્રતિબંધ લગાવામાં આવ્યો છે. તેવામાં હવે એ ચોકસપણે સાબિત થયું છે કે, પાકિસ્તાનીઓ દેશમાં ઘૂસણખોરી કરવા નતનવા પેતરા અપનાવીને ગુજરાતમાં ધૂસણખોરી કરે છે જેને લઇ ગુજરાત ATS એક્શમાં આવ્યું છે. શંકાસ્પદ જણતા લોકો સામે પૂછપરછ કરીને કાર્યવાહી કરવામાં આવી રહી છે.