અમદાવાદમાં કીર્તિદાન ગઢવીની પરંપરાગત નવરાત્રીના આયોજન માટે તૈયાર કરવામાં આવેલા ડોમનો કેટલોક ભાગ ધરાશાયી થતાં દોડધામ મચી ગઈ હતી. પૂર્વ તૈયારીઓ ચાલી રહી હતી તે દરમિયાન જ આ ઘટના બની હતી. સદનસીબે કોઈ જાનહાનિ થઈ નથી. જોકે, નવરાત્રીના આયોજન પહેલાં જ ડોમનો ભાગ તૂટી પડતાં સ્થળની સુરક્ષા વ્યવસ્થા સામે સવાલો ઊભા થયા છે.
નવરાત્રીના આયોજન માટે સ્થળ પર તૈયારીઓ ચાલી રહી હતી. એ દરમિયાન ડોમનો કેટલોક ભાગ અચાનક ધરાશાયી થયો હતો. ઘટના બાદ સ્થળ પર ચિંતા અને અફરાતફરીનો માહોલ સર્જાયો હતો. સદનસીબે આ સમયે કોઈ મોટી જાનહાનિ થઈ ન હોવાથી તંત્રએ રાહતનો શ્વાસ લીધો હતો.
https://www.instagram.com/reel/DeRjX7jDfTt/?utm_source=ig_web_button_share_sheet
કીર્તિદાન ગઢવીની પરંપરાગત નવરાત્રીનું આયોજન એસી ડોમમાં કરવામાં આવ્યું છે. ગરબા શરૂ થાય તે પહેલાં જ ડોમનો ભાગ તૂટી પડવાની ઘટના સામે આવતાં આયોજન સ્થળની મજબૂતાઈ અને સુરક્ષાને લઈને ચર્ચા શરૂ થઈ છે. મોટી સંખ્યામાં લોકો એકત્રિત થવાના સ્થળે આવી ઘટના ગંભીર બની શકે છે.
ઘટનાની જાણ થતાં પોલીસ ઘટનાસ્થળે પહોંચી હતી અને તપાસ શરૂ કરી હતી. ડોમનો ભાગ કયા કારણોસર ધરાશાયી થયો, બાંધકામ કે માળખાકીય વ્યવસ્થામાં કોઈ ખામી હતી કે કેમ અને સુરક્ષાના જરૂરી માપદંડોનું પાલન થયું હતું કે નહીં તે તપાસનો વિષય બન્યો છે.
મળતી માહિતી મુજબ, સવારે મહાનગરપાલિકાની ફાયર ટીમ પણ સ્થળ પર પહોંચી હતી. જોકે, સ્થળ પર કામગીરી ચાલુ હોવાના કારણે નોટિસ આપવામાં આવી નહોતી. હવે ડોમની સુરક્ષા, જરૂરી મંજૂરીઓ અને નવરાત્રી દરમિયાન લોકોની સલામતી માટે કેવાં પગલાં લેવામાં આવે છે તેના પર નજર રહેશે.
નવરાત્રી દરમિયાન મોટી સંખ્યામાં લોકો ગરબા રમવા આવતા હોય છે. આવી સ્થિતિમાં ડોમની મજબૂતાઈ, આગ સામેની સુરક્ષા અને પ્રવેશ-બહાર નીકળવાના માર્ગોની યોગ્ય તપાસ અત્યંત જરૂરી છે. તપાસમાં શું બહાર આવે છે અને આયોજકો દ્વારા સુરક્ષા અંગે શું પગલાં લેવાય છે તે જોવું મહત્ત્વનું રહેશે.
આ પણ વાંચો : Nana Patekar : નાનાએ કર્યું પત્રકારનું ‘એન્કાઉન્ટર’! પહેલા રંગમંચ પરથી ધક્કો મારીને મને ઉતાર્યો અને...