અમદાવાદમાં શહેર પોલીસે વધુ એક એન્કાઉન્ટર કર્યું છે. ચંડોળા તળાવમાં પોલીસે આરોપીને પકડવા જતાં આરોપીએ છરીથી હુમલો કર્યો હતો. આ હુમલામાં ક્રાઈમ બ્રાંચના જોઈન્ટ કમિશ્નરને ઈજા પહોંચી હતી. જોઈન્ટ કમિશ્નર શરદ સિંઘલે એક રાઉન્ડ ફાયરિંગ કર્યું હતું. 25 ગુનાના આરોપી કલીમને પકડવા જતા બનાવ બન્યો છે. ક્રાઈમ બ્રાંચે વધુ કાર્યવાહી હાથ ધરી છે.
[[$googlead]]
25 ગુનામાં વોન્ટેડ આરોપી કલીમને પકડવા માટે પહોંચી હતી
અમદાવાદ શહેર ક્રાઈમ બ્રાંચ 25 ગુનામાં વોન્ટેડ આરોપી કલીમને પકડવા માટે પહોંચી હતી. આ દરમિયાન ચંડોળા તળાવ વિસ્તારમાં આરોપીએ પોલીસની પકડમાંથી છૂટવા માટે ચાકુથી હુમલો કર્યો હતો. જેમાં ક્રાઈમ બ્રાંચના જેસીપીને ઈજા પહોંચી હતી. ત્યાર બાદ જેસીપી શરદ સિંઘલે એક રાઉન્ડ ફાયરિંગ કર્યું હતું. જેમાં આરોપીને ઈજા પહોંચી હતી. આરોપીને લઈને ક્રાઈમ બ્રાંચે વધુ તપાસ હાથ ધરી છે. જેસીપી શરદ સિંઘલને પણ ઈજા પહોંચી હોવાથી તેમને પણ સારવાર માટે હોસ્પિટલ લઈ જવામાં આવ્યા છે.
આરોપીએ ધરપકડ સમયે હુમલો કર્યો હતો
અમદાવાદમાં હિસ્ટ્રીશીટ ગણાતા આરોપી કલીમની ધરપકડ સમયે તેણે પોલીસ પર હુમલો કર્યો હતો. પોલીસે આરોપી પાસેથી ચાર હથિયારો કબજે કર્યા છે. ગેરકાયદે હથિયારો અંગે બાતમીને આધારે કાર્યવાહી કરવામાં આવી છે. પૂછપરછ દરમિયાન હિસ્ટ્રીશીટર કલીમે પોલીસ અધિકારીઓ પર જીવલેણ હુમલો કર્યો હતો. છરી વડે હુમલામાં JCP ક્રાઇમને ઈજા પહોંચતા આત્મરક્ષામાં સર્વિસ પિસ્તોલથી ફાયરિંગ કર્યું હતું. ફાયરિંગમાં આરોપીના પગમાં ગોળી વાગી છે. JCP અને આરોપી બંનેને તાત્કાલિક સારવાર માટે હોસ્પિટલ ખસેડાયા છે.
હુમલામાં JCPના ડાબા હાથમાં ઈજા પહોંચી
પોલીસ અધિકારીઓ સાદા કપડામાં કાર્યવાહી કરી રહ્યા હતાં. આરોપીને જાણ નહોતી કે સામે પુછનાર અધિકારી જેસીપી ક્રાઈમ છે. આરોપીની અગાઉ તપાસ કરવામાં આવી હતી. પુછપરછ દરમિયાન આરોપી નશાની હાલતમાં હોવાથી તે ઉગ્ર બન્યો હતો. સ્થળ પર રહેલી રસોડામાં વપરાતી છરી ઉઠાવીને જેસીપીને મારી હતી. આ હુમલામાં જેસીપીના ડાબા હાથમાં ઈજા પહોંચી છે.
