રાજ્ય સરકારે એક જ દિવસમાં 2 IAS અધિકારીઓ સામે મોટી કાર્યવાહી કરી છે. IAS અધિકારી ગૌરવ દહિયા અને કે. રાજેશને ફરજિયાત નિવૃત્તિ આપવામાં આવી હોવાની માહિતી સામે આવી છે. ગૌરવ દહિયા હાલ અધિક વિકાસ કમિશનર તરીકે ફરજ બજાવી રહ્યા છે, જ્યારે કે. રાજેશ લાંબા સમયથી સસ્પેન્શન હેઠળ હતા.
IAS ગૌરવ દહિયાને ફરજિયાત નિવૃત્તિ
IAS અધિકારી ગૌરવ દહિયાને રાજ્ય સરકારે ફરજિયાત નિવૃત્ત કરવાનો નિર્ણય લીધો છે. દહિયા અગાઉ નેશનલ હેલ્થ મિશન (NHM)માં ફરજ બજાવતા હતા ત્યારે તેમની સામે ફરિયાદો થયેલી હોવાનું જણાવાય છે. હાલ તેઓ અધિક વિકાસ કમિશનર તરીકે કાર્યરત હતા. રાજ્ય સરકારના આ નિર્ણય બાદ વહીવટી તંત્રમાં ચર્ચા તેજ બની છે.
એક જ દિવસમાં 2 IAS સામે કાર્યવાહી
એક જ દિવસમાં 2 IAS અધિકારીઓને ફરજિયાત નિવૃત્તિ આપવાનો રાજ્ય સરકારનો નિર્ણય સામે આવ્યો છે. આ કાર્યવાહીથી વહીવટી તંત્રમાં પણ ખળભળાટ જોવા મળી રહ્યો છે. એક તરફ ગૌરવ દહિયા સામે અગાઉની ફરિયાદોને લઈને કાર્યવાહી થઈ છે, તો બીજી તરફ કે. રાજેશ સામે પણ લાંબા સમયથી કાર્યવાહી ચાલી રહી હતી.
IAS અધિકારી કે. રાજેશ પણ ફરજિયાત નિવૃત્ત
IAS અધિકારી કે. રાજેશને પણ રાજ્ય સરકારે ફરજિયાત નિવૃત્તિ આપી છે. કે. રાજેશ છેલ્લા 5 વર્ષથી સસ્પેન્શન હેઠળ હોવાનું જણાવાય છે. ગન લાયસન્સ અને જમીન સંબંધિત પ્રકરણમાં તેમની સામે CBI દ્વારા કાર્યવાહી કરવામાં આવી હતી. આ કેસ બાદ તેઓ લાંબા સમયથી સસ્પેન્શન હેઠળ રહ્યા હતા.
પહેલીવાર ડાયરેક્ટ IAS સામે આવી કાર્યવાહી
કે. રાજેશને ફરજિયાત નિવૃત્તિ આપવાના નિર્ણયની ખાસ ચર્ચા થઈ રહી છે. કારણ કે પહેલીવાર ડાયરેક્ટ IAS અધિકારીને ફરજિયાત નિવૃત્તિ આપવામાં આવી હોવાની માહિતી સામે આવી છે. રાજ્ય સરકારે બંને અધિકારીઓ સામેની સમગ્ર પૃષ્ઠભૂમિને ધ્યાનમાં રાખીને ફરજિયાત નિવૃત્તિનો નિર્ણય લીધો હોવાનું સામે આવ્યું છે.
સરકારના નિર્ણયથી વહીવટી તંત્રમાં ચર્ચા
એક જ દિવસમાં 2 IAS અધિકારીઓને ફરજિયાત નિવૃત્તિ આપવાનો નિર્ણય રાજ્યના વહીવટી તંત્રમાં મહત્વનો ગણાઈ રહ્યો છે. ગૌરવ દહિયા અને કે. રાજેશ સામે અલગ-અલગ મામલાઓમાં અગાઉથી ફરિયાદો અને કાર્યવાહી ચાલી રહી હતી. હવે સરકારના આ નિર્ણય બાદ બંને અધિકારીઓની અગાઉની કામગીરી અને તેમની સામે થયેલી કાર્યવાહીને લઈને ફરી ચર્ચા શરૂ થઈ છે.