મોંઘવારીના જમાનામાં સામાન્ય જનતાના ખિસ્સા પર વધુ એક બોજ પડવા જઈ રહ્યો છે. ડેરી ઉદ્યોગની દિગ્ગજ કંપની 'અમૂલ' (Amul) દ્વારા દૂધના ભાવમાં પ્રતિ લિટર 2 રૂપિયા સુધીનો વધારો ઝીંકવામાં આવ્યો છે. પેકેજીંગ મટીરીયલ અને દૂધની ખરીદ કિંમતમાં થયેલા વધારાને કારણે કંપનીએ આ નિર્ણય લીધો હોવાનું જાણવા મળ્યું છે. આ નવા ભાવ આવતીકાલ સવારથી જ અમલી બનશે, જેના કારણે હવે ગૃહિણીઓનું બજેટ ખોરવાશે અને ચાનો ઘૂંટડો પણ કડવો બનશે.


જાણો કયા દૂધમાં કેટલો વધારો થયો?


અમૂલના વિવિધ બ્રાન્ડના દૂધના 500 મિલી અને 1 લિટરના પેકેટ પર ભાવ વધારો લાગુ કરવામાં આવ્યો છે:

અમૂલ બફેલો: 500 મિલીના ₹37ને બદલે હવે ₹39 ચૂકવવા પડશે.

અમૂલ ગોલ્ડ: 500 મિલીનો ભાવ ₹34થી વધીને ₹35 થયો છે, જ્યારે 1 લિટરનો ભાવ ₹67થી વધી ₹69 થયો છે.

અમૂલ શક્તિ: 500 મિલીના ભાવમાં ₹1નો વધારો થતા નવો ભાવ ₹32 થયો છે.

અમૂલ તાજા: 500 મિલીના ₹28ના બદલે ₹29 અને 1 લિટરના ₹55ને બદલે ₹57 ચૂકવવા પડશે.

અમૂલ ટી સ્પેશિયલ: 500 મિલીનો ભાવ ₹32થી વધી ₹33 અને 1 લિટરનો ભાવ ₹63થી વધીને ₹66 થયો છે.


 ઓપરેશનલ કોસ્ટમાં વધારો


અમૂલ દ્વારા કરવામાં આવેલા આ ભાવ વધારાની સીધી અસર હોટલ-રેસ્ટોરન્ટ અને સામાન્ય મધ્યમવર્ગીય પરિવારો પર પડશે. ઉલ્લેખનીય છે કે ઓપરેશનલ કોસ્ટમાં વધારો થવાના કારણે સહકારી ડેરીએ ભાવ વધારવાની ફરજ પડી હોવાનું જણાવ્યું છે.