Gujarat Latest News Updated: લખતરના રાજવી ભલભદ્રસિંહ ઈન્દ્રસિંહ ઝાલાનું થયું નિધન

વિજાપુર તાલુકા ભાજપ યુવા મોરચાના હોદ્દેદારોના રાજીનામા

વિજાપુર તાલુકા ભાજપ યુવા મોરચાના હોદ્દેદારોએ રાજીનામા આપ્યા છે. ઉપપ્રમુખ નિશાંત પટેલ, ઉપપ્રમુખ સુરેશ પટેલ, સક્રિય સભ્ય વિકાસ પટેલ, સક્રિય સભ્ય કમલેશ પટેલ અને અનુસૂચિત જાતિ મોરચાના મંત્રી ગુંજલ મકવાણાએ રાજીનામા આપ્યા અને પટેલ નિકુલકુમાર દંડક તાલુકા પંચાયત વિજાપુરએ પણ રાજીનામું આપ્યું છે. નિશાંત પટેલ વિરુદ્ધ પૈસાની લેવડ દેવડ મામલે થયેલી અરજી બાદ વસાઈ પોલીસ દ્વારા ગેરવર્તન કરવા મામલે રાજીનામુ આપ્યું છે. 

રાહુલ ગાંધીએ ઝાકિર હુસૈનને આપી શ્રદ્ધાંજલિ 

ઝાકિર હુસૈનના નિધન પર વિપક્ષના નેતા રાહુલ ગાંધીએ લખ્યું, 'મહાન તબલા વાદક ઉસ્તાદ ઝાકિર હુસૈન જીના નિધનના સમાચાર ખૂબ જ દુઃખદ છે. તેમનું નિધન સંગીત જગત માટે એક મોટી ખોટ છે. દુઃખની આ ઘડીમાં મારી સંવેદના તેમના પરિવાર અને ચાહકો સાથે છે. ઉસ્તાદ ઝાકિર હુસૈનજીએ પોતાની કલાનો એવો વારસો છોડ્યો છે, જે હંમેશા આપણી યાદોમાં જીવંત રહેશે.

શિવરાજસિંહ ચૌહાણે ઝાકિર હુસૈનને આપી શ્રદ્ધાંજલિ 

ઝાકિર હુસૈનના નિધન પર દેશના કૃષિ મંત્રી શિવરાજ સિંહ ચૌહાણે સોશિયલ મીડિયા પ્લેટફોર્મ પર લખ્યું છે કે તેમનું નિધન કલા અને સંગીત જગત માટે અપુરતી ખોટ છે. ભગવાન દિવંગત આત્માને શાંતિ આપે અને શોકગ્રસ્ત પરિવાર અને ચાહકોને આ અપાર દુઃખ સહન કરવાની શક્તિ આપે. ઓમ શાંતિ!

જ્યોતિરાદિત્ય સિંધિયાએ ઝાકિર હુસૈનને આપી શ્રદ્ધાંજલિ

ઝાકિર હુસૈનના નિધન પર કેન્દ્રીય મંત્રી જ્યોતિરાદિત્ય સિંધિયાએ સોશિયલ મીડિયા પર લખ્યું, ઝાકિર હુસૈન જીના તબલા એક વૈશ્વિક ભાષા બોલે છે જે સરહદો, સંસ્કૃતિ અને પેઢીઓથી પર છે. આ ક્લિપ એ વારસાને વ્યાખ્યાયિત કરે છે જેના દ્વારા અમે તેમને યાદ કરીશું અને તેમના યોગદાનની ઉજવણી કરીશું. તેમના ધ્વનિ અને લયના તરંગો હંમેશા અમારા હૃદયમાં ગુંજશે, તેમના પરિવાર, ચાહકો અને પ્રિયજનો માટે મારી સંવેદના.

કઠલાલ પોલીસે સરકારી જમીન બાબતે ઠગાઇના ગુનામાં બે લોકો સામે ફરિયાદ નોંધાઈ 

કઠવાડાના જીઆઈડીસીમાં ફેબ્રિકેશનની કંપનીના માલિકને બે લોકોએ ઠગ્યા હતા. સરકારી જમીન સસ્તા ભાવે આપવાની લાલચ આપી 1 કરોડ 10 લાખ પડાવ્યા હતા. યુસુફ ઉર્ફે રાજુ રસુલ વહોરાએ પોતાની ઓળખ નાયબ મામલતદાર તરીકેની આપી હતી અને ઠગાઈ આચરી હતી.  

વડનગરના શાહપુર ગામે બે મકાનમાં આગ 

વડનગરના શાહપુર ગામે બે મકાનમાં આગ લાગી છે. શોટ સર્કીટથી આગ લાગી હોવાનું અનુમાન લગાવવામાં આવી રહ્યું છે. વડનગર અને ખેરાલુ ફાયર વિભાગની ગાડીઓ ઘટનાસ્થળે પહોંચી છે. ઘટના સ્થળે લોકોના ટોળે ટોળા ઉમટ્યા છે. જો કે સદનસીબે આગમાં કોઈ જાનહાનિ થઈ નથી. 

Jaipur: કોચિંગ ક્લાસમાં ગેસ લીકેજની ઘટના, 10 વિદ્યાર્થીઓની તબિયત લથડી

રાજસ્થાનની રાજધાની જયપુરમાં રવિવારે સાંજે એક કોચિંગ ક્લાસમાં ગેસ લિકેજ થવાની ઘટના બનતા ભારે હંગામો મચી ગયો અને અચાનક જ કેટલાક વિદ્યાર્થીઓ ક્લાસરૂમમાં બેભાન થવા લાગ્યા. વર્ગખંડમાં દુર્ગંધ ફેલાઈ, જેના કારણે 10થી વધુ વિદ્યાર્થીઓની તબિયત અચાનક લથડી હતી.

બહુચરાજી તાલુકાના દેલપુરા ગામે ફૂડ પોઈઝનીંગની ઘટના

બહુચરાજી તાલુકાના દેલપુરા ગામે ફૂડ પોઈઝનીંગની ઘટના સામે આવી છે. અજ્ઞાત વૃક્ષના ફળ ખાવાના કારણે પોઈઝનિંગની અસર જોવા મળી છે. હાલમાં 10 બાળકોને મહેસાણા સિવિલ હોસ્પિટલ રીફર કરાયા છે. ત્યારે બાળકોના પરિવારજનોનો શાળા સ્ટાફ પ્રત્યે રોષ જોવા મળી રહ્યો છે. 

વડોદરાની બીચ્છુ ગેંગના સાગરીતોનું પોલીસે કાઢ્યું સરઘસ

વડોદરાની બીચ્છુ ગેંગના સાગરીતોનું પોલીસે સરઘસ કાઢ્યું છે. લુખ્ખાગીરી કરતા બીચ્છુ ગેંગના સાગરીતોની પોલીસે સર્વિસ કરી અને સર્વિસ બાદ આરોપીઓને ચાલવાના પણ ફાંફા પડી રહ્યા છે. 9 નવેમ્બરના રોજ મહિલા અને તેની દીકરી પર ગેંગરેપ કરવાની ધમકી આપી હતી.

મુખ્યમંત્રી ભૂપેન્દ્ર પટેલે સફેદ રણની મુલાકાત કરી

મુખ્યમંત્રી ભૂપેન્દ્ર પટેલે સફેદ રણની મુલાકાત લીધી છે અને મુખ્યમંત્રીએ આ સાથએ જ અદ્દભૂત સનસેટના નજારાને પણ નિહાળ્યો છે. મુખ્યમંત્રીએ કેમલ સફારી કરી સફેદ રણ નીહાળ્યું, ત્યારબાદ મુખ્યમંત્રી સફેદ રણમાં પ્રવાસીઓને મળ્યા. આ દરમિયાન તેમની સાથે પ્રવાસન મંત્રી મુળુ બેરા ઉપસ્થિત રહ્યા.

લખતરના રાજવી ભલભદ્રસિંહ ઈન્દ્રસિંહ ઝાલાનું 96 વર્ષે થયું નિધન

લખતરના રાજવીનું નિધન થયું છે. રાજવી ભલભદ્રસિંહ ઈન્દ્રસિંહ ઝાલાનું 96 વર્ષની વયે નિધન થયું છે. ત્યારે લખતર તેમજ લખતર પેટામાં આવતા થાન રાજવીનું નિધન થતાં સમગ્ર વિસ્તારમાં સન્નાટો છવાયો છે. 

France: માયોટમાં ચક્રવાત 'ચિડો'એ તબાહી મચાવી, 11 લોકોના મોત

હિંદ મહાસાગરમાં ફ્રાન્સના માયોટ વિસ્તારમાં ચક્રવાત 'ચિડો'એ ભારે તબાહી મચાવી છે. ફ્રાન્સના ગૃહ મંત્રાલયે રવિવારે કહ્યું કે ચક્રવાત 'ચિડો'ના કારણે માયોટમાં ઓછામાં ઓછા 11 લોકોના મોત થયા છે. ગૃહ મંત્રાલય પાસેથી મળેલી માહિતી પ્રમાણે ચક્રવાતમાં ઘાયલોની ચોક્કસ સંખ્યા અત્યાર સુધી જાણી શકાય નથી. ચક્રવાતને કારણે મૃતકોની સંખ્યામાં હજુ પણ વધારો થવાની આશંકા વ્યક્ત કરવામાં આવી રહી છે.

સંતરામ મંદિરમાં 154મી સાકરવર્ષા ઉત્સવની ઉજવણી

નડીયાદ સંતરામ મંદિરના 9 ગાદીપીઠમાંથી એક આણંદ જિલ્લાનાં કરમસદ ખાતે સંતરામ મંદિરમાં વર્ષોની પરંપરા મુજબ આજે 154મી સાકરવર્ષા ઉત્સવની ઉજવણી કરવામાં આવી હતી. આ પ્રસંગે વહેલી સવારથી મંદીરમાં  સંતો હરિભકતો ઉમટી પડયા હતા અને સાકર જીલવાનો લ્હાવો માણ્યો હતો.

જાણીતા તબલા વાદક ઝાકિર હુસૈનની અમેરિકામાં તબિયત લથડી, હોસ્પિટલમાં કરાયા દાખલ

વિશ્વ વિખ્યાત તબલા વાદક ઉસ્તાક ઝાકિર હુસૈનને અમેરિકાના સાન ફ્રાન્સિસ્કોની હોસ્પિટલમાં દાખલ કરવામાં આવ્યા છે. આજે એટલે કે રવિવારે તેમની તબિયત અચાનક બગડતાં તેમને તાત્કાલિક સારવાર માટે હોસ્પિટલમાં લઈ જવામાં આવ્યા અને હાલમાં ઝાકિર હુસૈનાની સ્થિતિ ગંભીર છે. 

દુકાનદાર થૂંકીને વેચતો હતો શાકભાજી, વીડિયો વાયરલ થતાં હોબાળો

બાગપતમાં ફરી એક વખત થૂંક જેહાદનો મામલો સામે આવ્યો છે. એક શાકભાજી વિક્રેતા શાકભાજી પર થૂંક્યા બાદ શાકભાજી વેચતા જોવા મળ્યો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોના આધારે પોલીસે આરોપી દુકાનદારની ધરપકડ કરી છે.

CM ભૂપેન્દ્ર પટેલે કરાવ્યો રણોત્સવનો પ્રારંભ

મુખ્યમંત્રી ભૂપેન્દ્ર પટેલએ  ધોરડોમાં રણોત્સવનો વિધિવત પ્રારંભ કરાવ્યો. સફેદ રણમાં સાંસ્કૃતિક કાર્યક્રમમાં મુખ્યમંત્રી ઉપસ્થિત રહ્યા. ભૂપેન્દ્ર પટેલના હસ્તે ભારતીય ટપાલ વિભાગના રણોત્સવ 2024- 2025 થીમ આધારિત સ્પેશિયલ પોસ્ટલ કવર વિમોચન કરાયું. કચ્છની કળા અને સંસ્કૃતિનો સમન્વય એટલે રણોત્સવ. કલાકારોએ સાંસ્કૃતિક કૃતિઓ રજૂ કરી. મુખ્યમંત્રી ભૂપેન્દ્ર પટેલ સાથે પ્રવાસન મંત્રી મુળુભાઈ બેરા પણ ઉપસ્થિત રહ્યા.

અમદાવાદના બાપુનગરમાં તોડ કરવા આવેલા બે તોડબાજોની ધરપકડ

કોંગ્રેસ નેતા નાગજી દેસાઈના ઘરે તોડબાજો તોડ કરવા માટે આવ્યા હતા. મકાનના રિનોવેશનની મંજૂરી નથી કહી રૂપિયા માગ્યા હતા. રઘુવીર રાજપૂત અને રમેશ પટેલ વિરુદ્ધ ફરિયાદ નોંધી બાપુનગર પોલીસે વધુ કાર્યવાહી હાથ ધરી.

Maharashtra: મંત્રીઓનો કાર્યકાળ અઢી વર્ષનો રહેશે, એફિડેવિટ આપવી પડશે

મહારાષ્ટ્રમાં લાંબા સસ્પેન્સ બાદ રવિવારે દેવેન્દ્ર ફડણવીસ કેબિનેટનું વિસ્તરણ કરવામાં આવ્યું હતું. ભાજપ, એનસીપી અને શિંદે જૂથના 39 નવા ચૂંટાયેલા ધારાસભ્યોએ મંત્રી તરીકે શપથ લીધા હતા, પરંતુ આ મંત્રીઓનો કાર્યકાળ પાંચ વર્ષનો નહીં, પરંતુ અઢી વર્ષનો રહેશે અને મંત્રીઓએ એફિડેવિટ પણ લખવી પડશે.

Chhattisgarh: અમિત શાહે નક્સલવાદીઓને મુખ્ય પ્રવાહમાં જોડાવા અપીલ કરી

કેન્દ્રીય ગૃહ પ્રધાન અમિત શાહે કહ્યું, 'હું જનતાને ખાતરી આપું છું કે રાજ્ય અને કેન્દ્ર સરકારો સાથે મળીને 31 માર્ચ, 2026 પહેલા છત્તીસગઢમાંથી નક્સલવાદને સંપૂર્ણપણે ખતમ કરી દેશે.' આ દરમિયાન શાહે નક્સલવાદીઓને તેમના હથિયાર છોડીને મુખ્ય પ્રવાહમાં જોડાવા માટે પણ અપીલ કરી હતી.

દિલ્હી મુંબઈ કોરીડોર હાઇવેને આવતી કાલે ફરી લાગશે ગ્રહણ 

ઝાલોદ તાલુકાના 14 ગામોના ખેડૂતો લડી લેવાના મુડમા. દિલ્હી-મુંબઈ નેશનલ કોરિડોર રોડના પગલે પાક નિષ્ફળ જતા આકરા મુડમા જોવા મળ્યા. આજરોજ 14 ગામોના ખેડુતો દ્વારા બેઠક યોજવામાં આવી. પાક નિષ્ફળનુ વળતર આપવા અથવા 2 ક્વિન્ટલ અનાજ આપવા કરાઈ માગ. જો માગ સ્વીકાર ન કરાય તો આવતી કાલે દિલ્હી-મુંબઈ નેશનલ કોરિડોર રોડનું કામ આવતી કાલે બંધ કરાશે.

ખ્યાતિ હોસ્પિટલ કાંડ મામલે મોટા સમાચાર 

ઘટના બાદ પેનલ ડોકટરની તપાસમાં મોટો ખુલાસો થયો છે. લોકોને ડરાવી ધમકાવી ઓપરેશન કરાતા હતા. 90% બ્લોકેજ કહી કરાતા હતા ઓપરેશન. દર્દીઓને કહેવામાં આવતું ‘તમારે ક્યાં પૈસા આપવાના છે’ દર્દીઓને કહેવામાં આવતું ‘પૈસા તો સરકાર આપશે’ અત્યાર સુધી 112 લોકોના મોત થયા છે. કેવી રીતે મોત થયા તેની વિગતવાર તપાસ ચાલુ છે. ક્રાઈમ બ્રાન્ચે કોર્ટમાં કરેલી દલીલમાં થયો ખુલાસો.

દ્વારકામાં પિતા-પુત્રીના સંબંધો પર લાગ્યુ લાંછન

દ્વારકા જિલ્લાના સુતારીયા ગામેથી સામે આવ્યો પિતા - પુત્રીના પવિત્ર સંબધને શર્મશાર કરનાર કિસ્સો. 47 વર્ષીય આઘેડ કળયુગી પિતાએ બાર વર્ષની સગીર પુત્રી પર અનેક વખત ગુજાર્યું દુષ્કર્મ. સતત એક વર્ષથી કળિયુગી પિતા તેમની સગી દીકરીને હવસનો શિકાર બનાવી રહ્યો હતો. આરોપીની પત્ની બીમારીના કારણે પિયર ચાલી ગયેલ હોય છેલ્લા એક વર્ષથી હવસખોર  પિતા પોતાની સગી 12 વર્ષની દીકરીને બનાવતો હતો હવસનો શિકાર. સગીરાએ સમગ્ર આપવીતી તેમની માસીને જાણ કરતા સમગ્ર મામલો પહોંચ્યો ખંભાળિયા પોલીસ સ્ટેશને. મામલાની ગંભીરતા જોઈ ખંભાળિયા પોલીસ દ્વારા તાત્કાલિક કળિયુગી પિતા એવા આરોપીને ઝડપી વધુ તપાસ હાથ ધરી.

ઊંઝા APMCની ચૂંટણીને લઈને તંત્રની કામગીરી

ઊંઝામાં આવતીકાલે ઊંઝા APMCની ચૂંટણીને લઈને તંત્રની કામગીરી. મતદારો પોતાનો  મતદાન કરી શકે તે માટે મતદાન મથક બનાવવાનું કામકાજ શરૂ. આવતી કાલે APMCનું મતદાન યોજાશે. સવારે 8 થી 5 વાગ્યા સુધી મતદાન યોજાશે. ખેડૂત વિભાગમાંથી 261 મતદારો મતદાન કરશે. વેપારી વિભાગમાંથી 805 મતદારો કરશે મતદાન. ખેડૂત વિભાગની 10 બેઠક માટે 20 ઉમેદવારો. વેપારી વિભાગમાં 4 બેઠક માટે, 16 ઉમેદવારો મેદાને.

મુખ્યમંત્રી ભૂપેન્દ્ર પટેલ કચ્છની મુલાકાતે

કચ્છના સફેદ રણની મુલાકાતે આવેલ મુખ્યપ્રધાન ભૂપેન્દ્ર પટેલનું ધોરડો હેલિપેડ ખાતે સ્વાગત કરાયું. કચ્છ મોરબી સાંસદ વિનોદભાઇ ચાવડા, જિલ્લા પંચાયત પ્રમુખ જનકસિંહ જાડેજા, 6 વિધાનસભા બેઠકના ધારાસભ્યો દ્વારા સ્વાગત કરાયું. રેન્જ આઇ.જી ચિરાગ કોરડીયા, કલેક્ટર અમિત અરોરા, પશ્ચિમ કચ્છ એસ.પી. વિકાસ સુંડા, જિલ્લા વિકાસ અધિકારી, ધોરડો જૂથ ગ્રામ પંચાયત સરપંચ મિયા હુસેન સહિતના મહાનુભાવોએ મુખ્યપ્રધાનને આવકાર આપ્યો. મુખ્યપ્રધાન ભૂપેન્દ્ર પટેલ રણોત્સવમાં ક્રાફટ બજાર, વોચ ટાવરની મુલાકાત લેશે. તો મોડી સાંજે સાંસ્કૃતિક કાર્યક્રમમાં પણ હાજરી આપશે.

વાંચો 06 વાગ્યા સુધીના મહત્વના સમાચાર

1. Suratમાં 2.50 કરોડની નકલી ચલણી નોટો સાથે 3 આરોપીઓ ઝડપાયા 

2. Sambhal: 'આવુ પ્રાચીન મંદિર રાતોરાત બની ગયુ'..સંભલ પર સીએમ યોગીનું મોટુ નિવેદન 

3. Bhavnagar ડિવિઝનના લોકો પાયલોટે બે દિવસમાં 8 સિંહને ટ્રેનની અડફેટે લેતા બચાવ્યાં 

4. આંધ્રપ્રદેશના દિવ્યાંગ યુવકનું 1 વર્ષ બાદ ભરૂચમાં માતા-પિતા સાથે મિલન 

5. સ્વિટ્ઝર્લેન્ડે ભારતનું MFN સ્ટેટસ સસ્પેન્ડ કર્યું, હવે વધુ ટેક્સ ચૂકવવો પડશે 

6. જાફરાબાદના માછીમારો વલસાડના દરિયાકિનારામાં દાદાગીરીથી કરે છે માછીમારી, થયો મોટો વિરોધ 

7. Banaskanthaના સરહદીય વિસ્તારોમાં કેનાલો બની ગઈ પરંતુ પાણી ના પહોંચ્યું ! 

8. Ahmedabad: રૂપિયા 500ની નકલી નોટોના જથ્થા સાથે મધ્યપ્રદેશના 6 લોકો ઝડપાયા 

9. Surat: જુગારધામ પર SMCએ પાડ્યા દરોડા, 30 જુગારીઓ ઝડપાયા 

10. Maharashtra Cabinet Expansion: મહારાષ્ટ્રના રાજભવનમાં 39 મંત્રીઓએ શપથ લીધા 

ખ્યાતિકાંડના આરોપી રાજશ્રીના રિમાન્ડ મંજૂર

25 ડિસેમ્બર સુધીના રિમાન્ડ મંજુર કરવામાં આવ્યા. ખ્ચાતિ હોસ્પિટલના ડિરેક્ટર હતા રાજશ્રી કોઠારી. રાજશ્રી કોઠારીની રાજસ્થાનથી કરાઇ હતી ધરપકડ.

સુરતમાં જુગારધામ પર SMCના દરોડા

સુરતના સ્ટેટ મોનિટરિંગ સેલની મોટી રેડ. લીંબાયત પોલીસની હદમાં દરોડા પાડવામાં આવ્યા. 30થી વધુ જુગારી પકડાયા. સન્ની નામના ગેમ્બ્લરના અડ્ડા પર રેડ કરવામાં આવી. રંગીલા ટાઉનશીપના ટેરેસ પર ચાલતું હતું જુગારધામ. જર્જરીત બિલ્ડીંગના ટેરેસ પર હતો અડ્ડો. બામ્બુ વડે પ્લાસ્ટિક બાંધી ચલાવાઇ રહ્યું હતું જુગારધામ. SMCની ટીમ દ્વારા એમ્બ્યુલન્સનો ઉપયોગ. 

રેડ દરમિયાન સોનુ પટેલ નામનો યુવક કુદીને ભાગવાનો પ્રયાસ કર્યો. પોલીસથી બચવા ટેરેસ પરથી કૂદી પડ્યો હતો. યુવકને ઇજા પહોંચતા સારવાર માટે સ્મીમેર હોસ્પિટલ ખસેડાયો. જુગાર ધામ ચલાવનાર મુખ્ય આરોપી સન્ની ફરાર. 

જામનગરમાં અકસ્માતમાં યુવકનું મોત

જામનગરમાં હીટ એન્ડ રનનો સિલસિલો યથાવત. જામનગરના કાલાવડ બાયપાસ ચોકડી પાસે અકસ્માતમાં એક યુવકનો જીવ ગયો. પુરપાટ ગતીથી આવી રહેલા કેમિકલ ભરેલા ટેન્કર ચાલકે સ્કૂટર ચાલક યુવાનને કચડી નાખતાં અંતરિયાળ મોત નીપજ્યું. અકસ્માતના બનાવ સમયે લોકોના ટોળા એકઠા થયા. ટ્રાફિક જામના દ્રશ્ય સર્જાયા હોવાથી પોલીસે ભારે કવાયત કરવી પડી હતી. છેલ્લા બે દિવસમાં જામનગરમા હિટ એન્ડ રનમા બે યુવકોના મોત નીપજ્યા. 

દારૂ મુદ્દે પૂર્વ મુખ્યમંત્રી શંકરસિંહ વાઘેલાનું નિવેદન

બનાસકાંઠા જિલ્લાના પાલનપુરમાં પૂર્વ મુખ્યમંત્રી શંકરસિંહ વાઘેલાએ નિવેદન આપતા જણાવ્યું કે, ગુજરાત ફક્ત નામની જ દારૂબંધી છે. ગુજરાતના નજીકના રાજ્યોમાં દારૂ ખુલ્લેઆમ મળી રહ્યો છે એટલે દારૂ બંધી જેવું કશુંજ નથી. ગુજરાતમાં દરેક ખૂણામાં અસાનીથી દારૂ મળી રહયો છે. લોકો ખરાબ દારૂ પીને મોતને ભેટી રહ્યા છે. લોકો દારૂ જલ્દીથી છુપાવી ન શકતા તેની જગ્યાએ ડ્રગ્સના રવાડે ચડી રહ્યા છે. ગુજરાતમાં વૈજ્ઞાનિક પદ્ધતિ અપનાવી ક્વોલિટી વાળો દારૂ મળે તે વ્યવસ્થા કરવી જોઈએ. દારૂમાંથી સરકારને જે આવક થાય તે વિધાર્થીઓના શિક્ષણમાં લગાવવી જોઈએ. ગરીબ લોકોના આરોગ્ય પાછળ તેનો ખર્ચ કરવો જોઈએ. શંકરસિંહ વાઘેલાએ ગુજરાતમાંથી દારૂ બંધી હટાવવા માટે વાત કરી.

પશુઓની હાલત પણ દયનીય બની

જોકે આ ખેડૂતો આજે પણ સરકાર પાસે કોઈ રોજીરોટી નથી માંગી રહ્યા આ ખેડૂતો તો ધરતી ખેડી જ દાન પેદા કરવા માંગે છે પરંતુ ખેડૂતોની માંગ છે અમારે મહેનત કરવી છે મહેનતનું ખાવું છે સરકાર અમને પાણી આપે તો અમે અમારા ખેતરમાં મહેનત કરીને અમારો રોટલો મેળવી શકીએ.ત્યારે સંદેશ ન્યુઝ થકી બનાસકાંઠાના સરહદીય વિસ્તારના અનેક ગામો આવા છે કે જ્યાં ગામોની કેનાલો સુધી હજુ સુધી પાણી નથી પહોંચ્યું અને તેને કારણે ખેડૂતો આજે પણ પાણી માટે તડપી રહ્યા છે અને ખેડૂતો સંદેશ ન્યુઝ થકી સરકારને એક જ વિનંતી કરી રહ્યા છે કે સાહેબ અમારે તમારું રોટલો નથી જોઈતો અમને થોડું પાણી આપી દો તો અમે અમારો રોટલો મેળવી શકીએ.

સરહદી વિસ્તારમાં હાલત ખરાબ 

પરંતુ ચોમાસુ પૂરું થયું અને દિવસો વીત્યા શિયાળાની કડકડતી ઠંડી જામી છે પરંતુ તે બાદ પણ આજદિન સુધી આ કેનાલ સુધી પાણી નથી પહોંચ્યું અને તેને જ કારણે આ ખેડૂતોનો પાક નિષ્ફળ જઈ રહ્યો છે ખેડૂતોને ખેતી માંથી નફો મેળવવો તો દૂરની વાત છે પરંતુ તેમને મોટી કમાણી કરવાની આશા સાથે ધરતી માતામાં જે બીજ રોપ્યા હતા તે બીજ પણ નિષ્ફળ જઈ રહ્યા છે અને તેને જ કારણે આ ખેડૂતોની સ્થિતિ ખૂબ જ દયનીય બની રહી છે.

વરસાદે પણ સાથ ના આપ્યો ખેડૂતોને

જોકે કેનાલ પરની આ પરિસ્થિતિને જોઈ સંદેશ ન્યુઝ ખેડૂતોની પરિસ્થિતિનું રિયાલિટી ચેક કરવા કેનાલની બાજુમાં જ અડીને આવેલા ગામ વાછરડા ગામમાં પહોંચી અને વાછરડા ગામના એક ખેતરમાં અમને મળી ગયા એક મહિલા ખેડૂત આ મહિલાએ માત્ર પોતાની પરિસ્થિતિ સંદેશ ન્યુઝના માઈક પર જ ન વર્ણવી પરંતુ પરિસ્થિતિનો ચિતાર બતાવ્યો. તો અમે પોતે હચ મચી ગયા ચોમાસાની સીઝન ચાલી રહી હતી હવામાન વિભાગની આગાહી હતી કે બનાસકાંઠામાં સારો એવો વરસાદ થઈ શકે છે અને આ વરસાદ થવાની આશાએ આ ખેડૂતોએ પોતાના ખેતરમાં મોંઘા દાંટ બિયારણો લાવી જીરુ સહિતના પાકોનું વાવેતર કરી દીધું પરંતુ ચોમાસુ નિષ્ફળ ગયું ખેડૂતોની આશા મુજબ વરસાદ ન થયો પરંતુ તે બાદ પણ ખેડૂતોને સરકારની કેનાલ પર એક આશા હતી કે સરકાર હવે કેનાલથી અમને થોડું પાણી પહોંચાડશે તો અમે અમારો પાક લઈ શકીશું.

સરકાર પણ નથી આપતું પાણી

સરકારે કરોડો રૂપિયાનો ખર્ચો કરીને ગામડાઓ સુધી કેનાલો તો પહોંચાડી છે પરંતુ કેનાલો બન્યા ને વર્ષો વીત્યા બાદ પણ તંત્રને પાપે કેનાલમાં એક ટીપુય પાણી નથી પહોંચ્યું અને તેને જ કારણે આ વિસ્તારના ખેડૂતોની પરિસ્થિતિ આજે પણ દિવસે ને દિવસે બરબાદી તરફ જઈ રહી છે. આ ખેડૂતો પાવડા લઇ કોઈ ખેતરમા નથી મથી રહ્યા. પરંતુ આ ખેડૂતો કેનાલની સફાઈ કરી રહ્યા છે ખેડૂતોને એક આશા છે કે કેનાલની સફાઈ થશે તો તેમના ખેતર સુધી કેનાલમાં પાણી પહોંચશે પરંતુ આજદિન સુધી પાણી નથી પહોંચ્યું અને ખેડૂતો હવે મંદિરની જગ્યાએ કેનાલ પર બેસી રામ ધૂન કરી રહ્યા છે.ખેડૂતોનું કહેવું છે કે રામધૂન કરીએ છીએ કે સરકારને ભગવાન કંઈક સદબુદ્ધિ આપે અને સરકાર અમારા ખેતર સુધી સિંચાઈનું પાણી પહોંચાડે તો અમે ખેતી કરી અમારું પેટીયું રળી શકીએ..

પાણી માટે પડાપડી

બનાસકાંઠા જિલ્લો એ ખેતી અને પશુપાલનને વરેલો જિલ્લો છે આ જિલ્લાના મોટાભાગના લોકો ખેતી અને પશુપાલનના વ્યવસાય સાથે સંકળાયેલા છે. જોકે વર્ષો પહેલા જિલ્લાનો પશ્ચિમ વિસ્તાર એટલે કે સરહદીય વિસ્તાર સુકો ખક હતો. જેન મુખ્ય કારણ હતું કે આ વિસ્તારમાં પાણીનો કોઈ સ્ત્રોત ન હતો. અને ખેડૂતોને સિંચાઈ માટે પાણી નહતું મળી રહ્યું અને તેને જ કારણે ખેડૂતો આ વિસ્તારમાં ખેતી ન હતા કરી શકતા.પરંતુ તે બાદ કેનાલો આવી અને કેનાલોને કારણે  આ વિસ્તારના ખેડૂતો સધ્ધર બન્યા આ વાત તો તમે સૌએ સાંભળી હશે પરંતુ આજે પણ આ વિસ્તારના અનેક એવા ગામો છે કે જે ગામોના લોકો આજે પણ પાણીના ટીપે ટીપા માટે મીટ માંડી રહ્યા છે.

બનાસકાંઠાના સરહદીય વિસ્તારોમાં કેનાલો બની ગઈ પરંતુ પાણી ના પહોંચ્યું

ધરતી ખેડી ધાન પેદા કરતો જગતનો તાત એ પોતાના ખેતરમા અથાગ પરિશ્રમ કરી ધાન પેદા કરે છે.અને આ ધાન લોકો સુધી પહોંચાડે છે એ તો સૌ કોઈ જાણે છે  પરંતુ આ ધાન પેદા કરતો જગતનો તાત કેવી કેવી પરિસ્થિતિઓમાંથી પસાર થઇ આ ધાન પેદા કરે છે તેં જોયું છે ખરી.જી હા આ જગતના તાત ફક્ત પોતાના ખેતરમાં પરિશ્રમ નથી કરતો પરંતુ આ ધાન પેદા કરવા જગતના તાતને અનેક પરિસ્થિતિઓનો સામનો કરવો પડે છે.અનેક મુસીબતોનો સામનો કરે છે ત્યારે સંદેશ ન્યુઝ દ્વારા જિલ્લાના સરહદીય વિસ્તાર કે જે વિસ્તારને કેનાલોનો વિસ્તાર કહેવાય છે કહેવાય છે કે કેનાલો આવ્યા બાદ આ વિસ્તારના ખેડૂતોનું ભવિષ્ય ઉજ્જવળ બની ગયું પરંતુ શું છે આ વિસ્તારના ખેડૂતોનું ભવિષ્ય અને શું છે આ વિસ્તારના ખેડૂતોની પરિસ્થિતિ તે જાણવા સંદેશ ન્યુઝ પહોંચ્યું બનાસકાંઠાના સરહદીય વાવના ગામડાઓમા.

જાણો ડીસાનો ઈતિહાસ 

ડીસા બનાસ નદીનાં કાંઠે વસેલું છે. અગાઉ ડીસા "મંડોરી" (‘જાલોરી’) વંશની જાગીર અને થાણું હતું. હાલ એ મૂળ ડીસા જુના ડીસા તરીકે ઓળખાય છે. ડીસા, પાલનપુરનાં "જાલોરી નવાબ" દિવાનના તાબા હેઠળ હતું તે કારણે, કેમ્પ ડીસા તરીકે પણ ઓળખવામાં આવતું હતું. ઇ.સ. ૧૮૧૩માં, ડીસામાં અવ્યવસ્થા થઈ. ભીલ જેવી આદિવાસી જાતિઓ સ્થાનિક લોકોને હેરાન કરવાનું શરૂ કર્યું. ૧૮૨૯ થી ૧૯૦૧ સુધી, ડીસા કેથોલિક પાદરી અને દેવળ સાથેની બ્રિટિશ લશ્કરી છાવણી બન્યું.[૨] આ બ્રિટિશ છાવણી નામે ડીસા ફિલ્ડ બ્રિગેડ[૩] મધ્ય રાજસ્થાન અને પાલનપુરમાં બનાવાઈ જે આબુ અને કચ્છ વચ્ચેના વિસ્તારને લૂંટારાઓથી રક્ષવા માટે બનાવાઈ હતી. ઉપરાંત હાલ નવા ડીસા તરીકે ઓળખાતા પૂર્વીય વિસ્તારમાં વસેલી ભીલાડ વસ્તીને રક્ષવાનું કાર્ય પણ આ બ્રિગેડનું હતું.

નગરવાસીઓ જોડાયા કાર્યક્રમમાં

આ કાર્યક્રમમાં ધારાસભ્ય પ્રવીણભાઈ માળીએ જણાવ્યું હતું કે, બનાસકાંઠાની ધરતીએ અગણિત વિરાસત અને કલા દુનિયાની સમક્ષ પ્રસ્તુત કરી છે. બનાસની ધરતીએ કવિઓ, સાહિત્યકારો, ગઝલકારો, સંગીતકારો અને નૃત્યકારો જેવી વિરાસતો દુનિયા સમક્ષ પ્રસ્તુત કરી છે. આ તમામ કલાકારોને એક પ્લેટફોર્મ મળી રહે તથા ડીસા શહેરની દ્વી શતાબ્દી પૂર્ણ થતા રાજ્ય સરકાર દ્વારા આ વિશેષ આયોજન કરાયું છે. બે દિવસ ચાલનારા આ કાર્યક્રમને નિહાળવા તેમણે જિલ્લાવાસીઓને અનુરોધ કર્યો હતો. આ કાર્યક્રમમાં અલગ અલગ કલાકારો દ્વારા પોતાની કલાને પ્રસ્તુત કરાઈ હતી.આ કાર્યક્રમમાં ગુજરાતના જાણીતા કવિ પ્રસાદ કુમાર જાદવ,ડિસાના અગ્રણીશ્રી લીલાધરભાઇ, આચાર્ય કનુભાઈ, વિવિધ કલાકારો સહિત બહોળી સંખ્યામાં નગરવાસીઓ જોડાયા હતા. 

ડીસા શહેરને 200 વર્ષ પૂર્ણ થતા ગૌરવ સાંસ્કૃતિક કાર્યક્રમની કરાઈ ઉજવણી 

ડીસા શહેરને ૨૦૦ વર્ષ પૂર્ણ થતા તથા જિલ્લાની સંસ્કૃતિને ઉજાગર કરવાના હેતુથી રાજ્ય સરકારશ્રી દ્વારા આદર્શ હાઈસ્કૂલ,ડીસા ખાતે ધારાસભ્યશ્રી પ્રવીણભાઈ માળીના અધ્યક્ષસ્થાને સાંસ્કૃતિક કાર્યક્રમનું આયોજન કરાયું હતું. રમતગમત યુવા અને સાંસ્કૃતિક પ્રવૃતિઓનો વિભાગ, ગાંધીનગર તથા વિદ્યાભારતી ગુજરાત પ્રદેશ ડીસા, સંલગ્ન સંસ્કાર મંડળ ડીસાના સંયુકત ઉપક્રમે આ કાર્યક્રમનું આયોજન કરાયું હતું. સ્થાનિક કલાકારો, કવિઓ, સંગીતકારો, ગાયકોને પ્રોત્સાહન મળી રહે તે હેતુથી સમગ્ર કાર્યક્રમનું આયોજન કરાયું હતું.

લોકો પાયલોટને અપાઈ છે સ્પેશિયલ સૂચના

પશ્ચિમ રેલવેના ભાવનગર ડિવિઝન દ્વારા સિંહોને ટ્રેનની અડફેટે આવતા બચાવવા માટે વિવિધ પગલા લેવામાં આવ્યા છે. ડિવિઝનલ રેલવે મેનેજર રવીશ કુમારે જણાવ્યું હતું કે ડિવિઝન દ્વારા સ્પીડ કંટ્રોલ માટે લોકો પાયલોટને કડક સૂચના આપવામાં આવી છે. તેમને ઢસાથી પીપાવાવ, ગાધકડાથી વિજપડી, રાજુલા સિટીથી પીપાવાવ પોર્ટ અને રાજુલાથી મહુવા સેક્શન જેવા વનવિસ્તારોમાં ખાસ કાળજી રાખવા અને હોર્ન વગાડવા અને ઝડપ મર્યાદા નિયંત્રણમાં રાખવા સૂચનાઓ આપવામાં આવી છે, જેનું લોકો પાઇલોટ્સ દ્વારા પાલન કરવામાં આવી રહ્યું છે.સિંહો રેલવે ટ્રેકની નજીક હોવાની સ્થિતિ જાણવા મળે છે ત્યારે રેલવે પ્રશાસન દ્વારા સાવચેતીના આદેશો જારી કરવામાં આવે છે. રેલવે ટ્રેક નજીક સિંહોની હિલચાલ પર વન વિભાગ અને રેલવે પ્રશાસન દ્વારા બારીકાઈથી નજર રાખવામાં આવી રહી છે.

17 જૂન 2024ના રોજ પણ બની હતી આવી જ ઘટના

ભાવનગર રેલ્વે ડિવિઝનના લોકો પાયલોટે ઈમરજન્સી બ્રેક લગાવીને 10 સિંહોને ટ્રેનની અડફેટે આવતા બચાવ્યા હતા,વહેલી સવારે પીપાવાવ પોર્ટ નજીક રેલ્વે ટ્રેક ઉપરથી પસાર થતા 10 સિંહોને જોઇને ટ્રેનના લોકોપાયલોટે સમયસર ટ્રેનને બ્રેક મારીને સિંહોના એક ગ્રુપનો જીવ બચાવ્યો હતો.ભાવનગર ડિવિઝનના સિનિયર ડીસીએમ માશૂક અહમદના જણાવ્યા અનુસાર, 17 જૂન, 2024ના રોજ સવારે, લોકોપાયલોટ મુકેશ કુમાર મીના પીપાવાવ પોર્ટ સ્ટેશનથી પીપાવાવ પોર્ટ સાઈડિંગ તરફ માલગાડ઼ી લઈ જતા હતા ત્યારે સિંહોને ટ્રેક પર બેઠેલા જોયા અને તાત્કાલિક ઇમરજેન્સી બ્રેક લગાવીને ટ્રેનને રોકી દીધી.

08 ઓગસ્ટ 2024ના રોજ પણ બની હતી આવી જ ઘટના

લોકો પાયલોટ વિવેક વર્મા, હેડક્વાર્ટર સુરેન્દ્રનગર અને સહાયક લોકો પાયલોટ રાહુલ સોલંકી, હેડક્વાર્ટર બોટાદ, જ્યારે ગુડ્સ ટ્રેન નંબર PPSP/ ICDD D/S, પર પીપાવાવ–રાજુલા સેક્શનમાં કિ.મી. 21/8 પર 05.30 વાગ્યે કામ કરી રહ્યા હતા. તે વખતે ફોરેસ્ટ ટ્રેકરે લાલબત્તી બતાવી લાલબત્તીને જોઈને લોકો પાયલટે તાત્કાલિક ઇમરજન્સી બ્રેક લગાવીને ટ્રેનને અટકાવી હતી. ફોરેસ્ટ ટ્રેકર ભરતભાઈ અને ભોલાભાઈએ માહિતી આપી હતી કે રેલ્વે ટ્રેક પર 2 સિંહ બેઠા છે. થોડા સમય પછી, ફોરેસ્ટ ટ્રેકર તરફથી ટ્રેક ક્લિયર થવાના સંકેત મળ્યા બાદ, ટ્રેનને સાવચેતીપૂર્વક ગંતવ્ય સ્થાન તરફ ખસેડવામાં આવી હતી.

19 સપ્ટેમ્બરે ટ્રેકની વચ્ચે આવ્યો એક સિંહ

ભાવનગર ડિવિઝનના ડિવિઝનલ રેલ્વે મેનેજર રવીશ કુમારે જણાવ્યું કે 19 સપ્ટેમ્બર 2024 (ગુરુવારે) લગભગ સાંજે 6 કલાકે, લોકો પાયલટ ચંદન કુમાર (મુખ્ય મથક - જૂનાગઢ) અને સહાયક લોકો પાયલટ જગદીશ પ્રસાદ (મુખ્ય મથક - જૂનાગઢ) કિમી. 114/4 - 114/3 સણગીર-કાંસિયાનેશ સેક્શન વચ્ચે રેલ્વે ટ્રેક પર 01 સિંહ બેઠેલા જોવા મળ્યા ત્યારે પેસેન્જર ટ્રેન નંબર 06394 દેલવાડા-જૂનાગઢને ઈમરજન્સી બ્રેક લગાવીને અટકાવવામાં આવી હતી.

03-10-2024ના રોજ પણ ટ્રેકની વચ્ચે આવ્યો એક સિંહ

ભાવનગર ડિવિઝનના ડિવિઝનલ રેલ્વે મેનેજર રવીશ કુમારે જણાવ્યું હતું કે 03 ઓક્ટોબર, 2024 (ગુરુવાર) ના રોજ લગભગ 18.00 કલાકે, લોકો પાયલટ બલીરામ કુમાર અને સહાયક લોકો પાયલટ શ્રી ચિંતન કુમાર કિ.મી. સં. 09/02 - 09/04 વચ્ચે જૂનાગઢ-બિલખા સેક્શનની વચ્ચે જ્યારે 01 સિંહને રેલવે ટ્રેક ક્રોસ કરતા જોવામાં આવ્યો, ત્યારે પેસેન્જર ટ્રેન નંબર 09540 જૂનાગઢ-અમરેલીને ઈમરજન્સી બ્રેક લગાવીને રોકવામાં આવી હતી.લોકો પાયલટ દ્વારા ટ્રેન મેનેજર (ગાર્ડ)ને જાણ કરવામાં આવી હતી. થોડા સમય બાદ ફોરેસ્ટ ગાર્ડ આવ્યા અને સિંહને ટ્રેક પરથી ખસેડાયા બાદ લોકો પાયલટ દ્વારા ટ્રેનને ગંતવ્ય સ્થાન તરફ લઈ જવામાં આવી હતી.માહિતી મળતાં એડિશનલ ડિવિઝનલ રેલ્વે મેનેજર હિમાંશુ શર્મા અને અન્ય અધિકારીઓ દ્વારા લોકો પાઇલોટ્સના પ્રશંસનીય કાર્યની પ્રશંસા કરવામાં આવી હતી.

09-12-2024ના રોજ પણ ટ્રેકની વચ્ચે આવ્યો એક સિંહ

ભાવનગર ડિવિઝનના સિનિયર ડિવિઝનલ કોમર્શિયલ મેનેજર માશૂક અહમદે જણાવ્યું કે આજે લોકો પાયલોટ વિવેક વર્મા (મુખ્ય મથક-સુરેન્દ્રનગર) અને વરિષ્ઠ સહાયક લોકો પાયલટ આશુતોષ મિશ્રા (મુખ્ય મથક-સુરેન્દ્રનગર)એ જ્યારે લીલીયા મોટા-સાવરકુંડલા સેક્શન વચ્ચે રેલ્વે ટ્રેક ઓળંગતા સિંહને જોયો ત્યારે હાપાથી પીપાવાવ પોર્ટ તરફ જતી માલગાડીને ઈમરજન્સી બ્રેક લગાવીને રોકી દીધી હતી. એક સિંહે રેલવે ટ્રેક ઓળંગ્યા બાદ અન્ય ત્રણ સિંહોએ રેલવે ટ્રેક ક્રોસ કર્યો હતો.

ગઈકાલે પણ સિંહને બચાવ્યા

ફોરેસ્ટ ગાર્ડે ઘટનાસ્થળે પહોંચીને તમામ સ્થિતિ સામાન્ય જણાતાં તેને પ્રસ્થાનનો સંકેત આપ્યા, ત્યાર બાદ લોકો પાયલટ દ્વારા ટ્રેનને ગંતવ્ય સ્થાન તરફ લઈ જવામાં આવી હતી.14.12.2024 (શનિવાર) ના રોજ, લોકો પાયલટ  સુનીલ પંડિત (મુખ્ય મથક-જૂનાગઢ)ને ચલાલા-ધારી સેક્શનમાં કિ.મી. 53/2-53/3 વચ્ચે એક સિંહણ બે બચ્ચા સાથે રેલવે ટ્રેક ક્રોસ કરતી જોવા મળી હતી ત્યારે લોકો પાયલટ દ્વારા પેસેન્જર ટ્રેન નં. 09292 અમરેલી-વેરાવળને ઇમરજન્સી બ્રેક લગાવીને અટકાવવામાં આવી હતી. ત્યાર બાદ ટ્રેન મેનેજર (ગાર્ડ) શ્રી વિદ્યાનંદ કુમાર મુખ્યમથક-જૂનાગઢ) ને લોકો પાઇલટ દ્વારા જાણ કરવામાં આવી હતી.માહિતી મળતાં જ ફોરેસ્ટ ગાર્ડ થોડી જ વારમાં ઘટનાસ્થળે પહોંચી ગયા અને જોયું કે સિંહો રેલવે ટ્રેક પરથી દૂર હટી ગયા હતા. ત્યારપછી જ્યારે તમામ સ્થિતિ સામાન્ય જણાઈ ત્યારે ફોરેસ્ટ ગાર્ડ દ્વારા લોકો પાઈલટને ત્યાંથી જવા માટે કહેવામાં આવ્યું હતું. ડિપાર્ચર સિગ્નલ મળ્યા બાદ, ટ્રેનને લોકો પાયલોટ દ્વારા ગંતવ્ય સ્થાન તરફ લઈ જવામાં આવી હતી.માહિતી પ્રાપ્ત થતાં, ડિવિઝનલ રેલ્વે મેનેજર  રવીશ કુમાર, એડિશનલ ડિવિઝનલ રેલ્વે મેનેજર  હિમાઁશુ શર્મા અને અન્ય અધિકારીઓ દ્વારા લોકો પાઇલોટ્સના પ્રશંસનીય કાર્યની પ્રશંસા કરવામાં આવી હતી.

લોકો પાયલોટે કરી જાણ

ભાવનગર ડિવિઝનના સિનિયર ડિવિઝનલ કોમર્શિયલ મેનેજર, માશૂક અહમદે માહિતી આપી હતી કે 15.12.2024 (રવિવાર)ના રોજ લોકો પાયલટ ધવલભાઈ પી. (મુખ્ય મથક-સુરેન્દ્રનગર)એ કિમી 22/14-22/15 વચ્ચે રાજુલા સિટી-પીપાવાવ સેક્શનમાં 5 સિંહોને રેલવે ટ્રેક પાર કરતા જોયા તરત જ તેને ઈમરજન્સી બ્રેક લગાવીને હાપાથી પીપાવાવ પોર્ટ તરફ જતી માલગાડી ને રોકી દીધી હતી.તત્પશ્ચાત આ ઘટના સંદર્ભે ટ્રેન મેનેજર (ગાર્ડ)  લોકેશ શાહ (હેડક્વાર્ટર-બોટાદ)  લોકો પાયલોટ દ્વારા જાણ કરવામાં આવી હતી. 

ભાવનગર ડિવિઝનના લોકો પાયલોટે બે દિવસમાં 8 સિંહને ટ્રેનની અડફેટે લેતા બચાવ્યા

ભાવનગર રેલ્વે મંડળ સિંહો/વન્યજીવોના સંરક્ષણ માટે સતત પ્રયાસો કરી રહ્યું છે. મંડળના નિર્દેશો મુજબ, ટ્રેનોનું સંચાલન કરતા લોકો પાઇલોટ નિર્ધારિત ગતિનું પાલન કરી રહ્યા છે અને વિશેષ સાવધાની સાથે કામ કરી રહ્યા છે. ભાવનગર રેલ્વે મંડળના લોકો પાયલોટની તકેદારી અને વન વિભાગના ફોરેસ્ટ ટ્રેકર્સની મદદથી ચાલુ નાણાકીય વર્ષમાં અત્યાર સુધીમાં કુલ 104 સિંહોના જીવ બચાવાયા છે.

ચિલ્ડ્રન બેન્ક ઓફ ઈન્ડિયાની નોટ

મળતી માહિતી અનુસાર, સારોલી પોલીસ મથકના કોન્સ્ટેબલ વિપુલસિંહ અને વિલેશને મળેલી બાતમીના આધારે સારોલી પોલીસ મથકના સર્વેલન્સ સ્ટાફે શનિવારે (14મી ડિસેમ્બર) સાંજે નિયોલ ચેક પોસ્ટ પાસેથી ચાલતા ચાલતા સુરત તરફ આવતા ત્રણ યુવાનો દત્તાત્રેય રોકડે, ગુલશન ગુગલે અને રાહુલ વિશ્વકર્માને અટકાવી તેમની જડતી લેતા તેમની પાસેથી ત્રણ મોબાઈલ ફોન મળ્યા હતા.પોલીસે ત્રણેય પાસેની બેગની જડતી લેતા તેમાંથી 500ના દરની નોટોના 43 અને 200ના દરની નોટોના 21 બંડલ મળ્યા હતા. બેન્કમાંથી અપાતા બંડલમાં જે રીતે પારદર્શક પ્લાસ્ટીક વીંટાળેલું હોય તે રીતે મળેલા આ બંડલોને પોલીસે ચકાસતા તેમાં ઉપર અને નીચે 500 અને 200 રૂપિયાની અસલી નોટ હતી, જ્યારે વચ્ચે મનોરંજન બેન્ક અને ચિલ્ડ્રન બેન્ક ઓફ ઈન્ડિયાની નોટ વ્યવસ્થિત મુકેલી હતી.

આરોપીઓ ગુનાહિત ઈતિહાસ ધરાવે છે

આરોપી ગુનાહિત ઈતિહાસ ધરાવે છે સાથે સાથે આરોપીઓ સુરતમાં કોને આ ચલણી નોટો આપવાના હતા તે દિશામાં પણ તપાસ હાથધરી છે ત્યારે સુરતમાં અન્ય કોણ આરોપીઓ આ કૌંભાડમાં સંકળાયેલા છે તેને લઈ તપાસ હાથધરી છે,મહત્વનું છે કે,આરોપીઓએ અગાઉ પણ મુંબઈમાં આ રીતે નકલી ચલણી નોટો પધરાઈ હોઈ શકે છે,અને પોલીસ આ મામલે વધુ રિમાન્ડ માંગશે અને ઉંડાણપૂર્વક આરોપીઓની પૂછપરછ પણ કરી છે,નોટો કયા છાપતા હતા તે દિશામાં તપાસ તેજ કરી છે.

સારોલી પોલીસે ત્રણ ગઠીયાઓની કરી ધરપકડ 

સારોલી પોલીસને બાતમી મળી હતી કે સુરતમાં ત્રણ આરોપીઓ નકલી નોટો સાથે આવી રહ્યાં છે ત્યારે બાતમીના આધારે પોલીસે ત્રણ આરોપીઓની ધરપકડ કરી છે,મુંબઈમાં નોટો છાપવાની અને સુરતમાં આવીને નોટો આપવાનું કામ આરોપીઓ કરતા હતા,આરોપીઓ બેંક સહિતની જગ્યાએ છેતરપિંડી કરતા હોવાની વાત સામે આવી છે,નોટના બંડલમાં પહેલી અને છેલ્લી નોટ અસલી અને બંડલની વચ્ચે બનાવટી નોટ મૂકીને અન્ય લોકોને પધરાવી દેતા હતા.  

સુરતમાં 2.50 કરોડની નકલી ચલણી નોટો સાથે 3 આરોપીઓ ઝડપાયા, મુંબઈથી આવ્યા હતા આપવા

સુરતમાં નકલી નોટો સાથે ત્રણ ગઠિયાઓની ધરપકડ સારોલી પોલીસે કરી છે,આરોપીઓ પાસેથી અઢી કરોડની નકલી નોટો પોલીસે ઝડપી પાડી છે.ત્રણ બેગમાં અઢી કરોડ નકલી નોટો જોઈ પોલીસ પણ ચૌંકી ઉઠી હતી,આરોપીઓની તપાસમા સામે આવ્યું છે કે,ચલણી નોટોની સાથે બનાવટી નોટો મૂકી ફ્રોડ કરવામાં આવતું હતુ અને મુંબઈથી આરોપીઓ આ સમગ્ર કૌંભાડ ચલાવતા હતા.

વાંચો 03 વાગ્યા સુધીના મહત્વના સમાચાર

01 - IND vs AUS: બુમરાહે રચ્યો ઈતિહાસ, આ કારનામું કરનારો બીજો ભારતીય બન્યો

02 - Mehsanaમાં રખડતા ઢોરે કિશોરને શીંગડે લઈ નીચે પટકાવ્યો, પીલાજી ગંજમાં બની ઘટના

03 - Dahodના અગારા ગામે ભક્ષક દીપડાએ એક દિવસમાં 2 લોકો પર કર્યો હુમલો

04 - 'વન નેશન વન ઇલેક્શન' બિલ મોકૂફ, સોમવારે લોકસભામાં રજૂ નહીં થાય

05 - Jamnagarમાં રાજાશાહી વખતનું બિલ્ડીંગ તૂટયું, શહેરીજનોમાં નારાજગી પ્રવર્તી

06 - Noida: 16 કરોડનું ઘર, 15 કરોડની શાળા, 60 લાખની કિંમતના ઘરેણાં

07 - INDIGO ફ્લાઈટ કેન્સલ થવાને કારણે ફસાયેલા મુસાફરો માટે ૨ વિમાનો રવાના

08 - શાહરુખ સાથે કામ કરવા આ હોલિવૂડ એક્ટ્રેસની ઇચ્છા, જીતી ચૂકી છે ઓસ્કાર

09 - Suratમાં ખેતરમાં સુઈ રહેલી બાળકીનું કાર ચાલકની બેદરકારીથી મોત, પોલીસે નોંધ્યો ગુનો

10 - અતુલ સુભાષની પત્ની નિકિતા સિંઘાનિયા કેટલા વર્ષ માટે જેલમાં જશે?

ખાણીપીણીની સાથે વિવિધ રાઈડની મોજ 

સામાન્ય દિવસોમાં શનિવાર અને રવિવારની રજામાં સુરતીઓ ફરવા માટે ડુમસ, સુંવાલી કે ઊભરાટ બીચ પર ઊમટી પડે છે. ત્યારે સુંવાલી ખાતે બીચ ફેસ્ટીવલ તો યોજાશે, પરંતુ ખાવાના શોખિન સુરતીઓ ફરવાની સાથે અહીંયા ખાણી-પીણીની પણ મોજ માણી શકશે. અહીંયા ફૂડ સ્ટોલની સાથે સાથે ક્રાફ્ટના સ્ટોલ, સેલ્ફી પોઈન્ટ્સ અને ડાંગની વસ્તુંને પ્રોત્સાહન આપવા વિવિધ સ્ટોલ મૂકાશે. આ ઉપરાંત બાળકો ઘોડા અને ઊંટની સવારીથી માંડીને બાઈક રાઈડ્સની મજા પણ માણી શકશે.

આ વર્ષે વધુ ઘસારો થાય તેવી આશા 

તંત્રનુ માનવું છે કે આ વર્ષે દર વર્ષ કરતા વધારે ઘસારો રહેશે સાથે સાથે આયોજન પણ તમામ પ્રકારના કરી લેવામાં આવ્યા છે,સુંવાલીની આસપાસના લોકોને રોજગારી મળશે તેમજ ફરવાના શોખિન સુરતીઓને વધુ એક સ્થળ મળશે હજીરાપટ્ટી ના સુંવાલી ખાતે આ વર્ષે પણ શિયાળામાં 15 થી 30 ડિસેમ્બરની વચ્ચે બીચ ફેસ્ટિવલનું આયોજન થનાર છે.શહેરીજનોના ફરવા માટે ના અવનવા ડેસ્ટિનેશન વચ્ચે સુરતના છેવાડે આવેલ સુંવાલી બીચ પર ફરવા જનારાઓની સંખ્યા વધી રહી છે.તેને ધ્યાન માં રાખીને ગત વર્ષે સુંવાલી બીચ ફેસ્ટિવલનું આયોજન થયું હતું.

સાંસ્કૃતિક કાર્યક્રમોનું આયોજન કરાશે

બે દિવસીય બીચ ફેસ્ટિવલમાં સાંસ્કૃતિક કાર્યક્રમો પણ યોજાશે તેમજ સુવાલીની આસપાસના લોકોને રોજગારી મળશે સાથે સાથે સુવાલી બીચના ડેવલપમેન્ટનું પ્લાનિંગ કરવામાં આવશે,સુવાલી બીચને અંદાજિત 48 કરોડના ખર્ચે વિકસાવાશે તેમજ સુડાએ આ માટે 10 કરોડ રૂપિયા પણ મંજૂર કર્યા છે,ત્રણ વર્ષમાં તબક્કાવાર રીતે બીચનું ડેવલપમેન્ટ કરવામાં આવશે.ગત વર્ષે ઉનાળામાં આ ફેસ્ટિવલનું આયોજન કરાયું હતું જેમાં ગત વર્ષે 80 હજારથી વધુ લોકોએ મુલાકાત લીધી હતી. 

સુરતમાં વર્ષના અંતે સુવાલીમાં યોજાશે બીચ ફેસ્ટિવલ, 50 લાખની ગ્રાન્ટ મંજૂર થઈ

સુરતમાં વર્ષના અંતે સુવાલીમાં બીચ ફેસ્ટિવલ યોજાશે જેમાં બીચ ફેસ્ટિવલ અંગે પર્યાવરણ મંત્રી મુકેશ પટેલે નિવેદન આપ્યું છે કે,પ્રવાસન વિભાગ દ્વારા 50 લાખની ગ્રાન્ટ મંજૂર કરવામાં આવી છે,ગયા વર્ષે 80 હજારથી વધુ લોકોએ મુલાકાત લીધી હતી તેમજ ડિસેમ્બરના અંતમાં બે દિવસીય બીચ ફેસ્ટિવલ યોજાશે જેમાં આ વર્ષે વધુ પ્રવાસીઓ આવે તેવી આશા તંત્ર દ્વારા રાખવામાં આવી છે.

અંકલેશ્વરમાં પણ રખડતા ઢોરનો વધ્યો ત્રાસ

અંકલેશ્વર જી.આઈ.ડી.સી.માં રખડતા પશુઓના ત્રાસને પગલે ગતરોજ અંકલેશ્વર નોટિફાઇડ એરીયા ઓથોરીટી હરકતમાં આવી હતી.નોટિફાઇડ એરીયા ઓથોરીટી દ્વારા રસ્તે રખડતા ઢોર પકડવાની ઝુંબેશ શરૂ કરવામાં આવી હતી જે આજે એટલે કે બીજા દિવસે પણ યથાવત રહી હતી. નોટિફાઇડ એરીયા ઓથોરિટીની ટીમ દ્વારા વિવિધ વિસ્તારોમાં ફરી રસ્તે રખડતા ઢોર પકડવામાં આવ્યા હતા.આ દરમિયાન પશુપાલકો સાથે ઘર્ષણના દ્રશ્યો પણ જોવા મળ્યા હતા. 

રખડતા ઢોરનો ફરી વધ્યો ત્રાસ

રખડતા ઢોરનો ત્રાસ ઘટવાને બદલે વધી રહ્યો છે,ત્યારે સ્થાનિકોને પણ ઘરની બહાર નીકળવું મુશ્કેલ બન્યું છે.મહેસાણામાં જે ઘટના બની તે ઘટના જોઈને લાગે છે કે જો કોઈ નાનું બાળક હોત તો તેનું મોત નિપજયું હોત,હાલમાં બાળકની તબિયત થોડી સુધારા પર છે ત્યારે પરિવારજનોએ તેમજ સ્થાનિકોએ નગરપાલિકાની કામગીરી પર સવાલ ઉભા કર્યા હતા,સ્થાનિકોનો આક્ષેપ છે કે ઢોરને લઈ અવાર-નવાર રજૂઆત નગરપાલિકામાં કરી હતી તો પણ કોઈ કામગીરી કરવામાં આવતી નથી.

શેરીમાં બની ઘટના

રખડતા ઢોરનો ત્રાસ દિવસેને દિવસે વધતો જાય છે ત્યારે વધુ એક ઘટના મહેસાણામાં બની છે જેમાં રખડતા ઢોરે યુવકને અડફેટે લઈ લીધો છે,યુવક શેરીમાં હતો તે દરમિયાન અચાનક સામેથી ઢોર આવે છે અને તેને શીંગડા પર બેસાડીને નીચે પછાડે છે,યુવક થોડીવાર તો ઢળેલો જ રહે છે અને આસપાસના લોકો ત્યાં આવીને તેને ઉભો કરે છે અને સારવાર માટે ખસેડે છે,જો યુવક એકલો હોત અને તેને કોઈ સારવાર માટે ના લઈ ગયુ હોત તો મોટી દુર્ઘટના પણ સર્જાઈ શકી હોત.

મહેસાણામાં રખડતા ઢોરે કિશોરને શીંગડે લઈ નીચે પટકાવ્યો, પીલાજી ગંજમાં બની ઘટના 

મહેસાણામાં રખડતા ઢોરે કિશોરને શીંગડે લઈ નીચે પટકાવ્યો હતો જેના કારણે કિશોરને માથાના ભાગે ગંભીર ઈજા પહોંચી હતી,મહેસાણાના પીલાજી ગંજમાં આ ઘટના બની હતી હાલમાં યુવકની હાલત ગંભીર છે અને તે જીવન-મરણના ઝોલા ખાઈ રહ્યો છે,રાત્રીના સમયે આ ઘટના બની હતી સાથે સાથે સ્થાનિકોએ નગરપાલિકાને આ બાબતે ધ્યાન દોર્યુ છે.

દાહોદામાં દીપડાનો વધ્યો આંતક 

સંજેલી તાલુકાના કડવાના પડ ગામે રાત્રી દરમિયાન બે દીપડો લટાર મારતા રસ્તો ઓળંગતા હોવાનો વીડિયો સોશિયલ મીડિયામાં વાયરલ થયો છે, સંજેલી તાલુકાની ચારે બાજુ જંગલ અને ડુંગરાળ વિસ્તાર આવેલો છે, જંગલ વિસ્તારમાંથી અવાર-નવાર દીપડાઓ રાત્રીના સમયે શિકારની શોધમા આવતા હોય છે, ભુતકાળમાં પણ સંજલી તાલુકાના જંગલ વિસ્તાર નજીકના ગામોમા દીપડાએ પશુઓનો શિકાર કરવાની ઘટનાઓ સામે આવી ચુકી છે.

વન વિભાગે ગોઠવ્યું પાંજરૂ

સમગ્ર ઘટનાની જાણ થતાની સાથે જ વન વિભાગની ટીમ ઘટના સ્થળે પહોંચી હતી અને દીપડો કઈ દિશામાં ગયો તે તરફ તપાસ કરી હતી સાથે સાથે દીપડો ઝડપાય તેને લઈ વન વિભાગે પાંજરૂ પણ ગોઠવ્યું છે,દીપડો કયારે પાંજરે પુરાય તેને લઈ ગ્રામજનો રાહ જોઈ રહ્યાં છે.ગ્રામજનોનો એ પણ આક્ષેપ છે કે વાંરવાર દીપડો ગામની અંદર આંટાફેરા પણ મારતો હોય છે અને પશુનું મારણ પણ કરતો હોય છે,ત્યારે વન વિભાગે જંગલ તરફ પણ એક પાંજરૂ ગોઠવ્યુ છે જેથી દીપડો જંગલ તરફથી ગામમાં આવતો હોય તો ઝડપાઈ જાય.

આગરા ગામે દીપડાએ કર્યો હુમલો

લીમખેડા તાલુકાના અગારા ગામે દીપડાએ એક યુવક અને એક મહિલા પર હુમલો કરતા સ્થાનિકોને ઘરની બહાર નીકળવામાં બીક લાગી રહી છે,વહેલી સવારે 7:00 વાગ્યે યુવક કુદરતી હાજતે યુવક ગયો હતો તે સમયે દીપડાએ હુમલો કર્યો છે,યુવકને વધુ ઈજા પહોંચી છે,દીપડાએ મોઢા,હાથ,છાતીના ભાગે પંજો મારવામાં આવ્યો હતો,તો બીજી તરફ મહિલા ખેતરમાં કામ કરતી હતી તે દરમિયાન ઘાસ કાપતી મહિલા પર દીપડાએ હુમલો કરતા મહિલા ઈજાગ્રસ્ત થઈ હતી.

દાહોદના લીમખેડાના અગારા ગામે ભક્ષક દીપડાએ એક દિવસમાં 2 લોકો પર કર્યો હુમલો

દાહોદના લીમખેડાના અગારા ગામે દીપડાનો આતંક જોવા મળ્યો છે જેમાં એક જ દિવસમાં દીપડાએ 2 લોકો પર હુમલો કર્યો છે જેના કારણે લોકોમાં ફફડાટ વ્યાપ્યો છે.યુવક અને મહિલા પર હુમલો કરતા બન્ને લોકો ગંભીર રીતે ઈજાગ્રસ્ત થયા છે,ઈજાગ્રસ્તોને તાત્કાલિક સારવાર હેઠળ હોસ્પિટલ ખસેડવામાં આવ્યા છે.વન વિભાગે દીપડાને પકડવા માટે પાંજરું ગોઠવ્યું છે.

કોર્પોરેશનની આર્થિક સ્થિતિ નબળી !

જામનગર મહાનગરપાલિકા દ્રારા રેલ તંત્ર પાસેના બાકી મિલ્કતવેરાના રૂ. 35 કરોડની ઉઘરાણી પેટે શહેરના ગાંધીનગર રેલ્વે સ્ટેશન, હાપા રેલ્વે સ્ટેશન, ઈજનેર ઓફીસ, આસીસ્ટન્ટ ડિવીઝનલ એન્જીનિયર બંગલો સહિતની કુલ 10 મિલ્કતોનો સાંકેતિક કબ્જો લેવાની કાર્યવાહી કરી છે. જે પેટે મહાનગરપાલિકાના તંત્રએ જાહેર જનતાને જાણ કરતી નોટીસ પણ બહાર પાડવામાં આવી છે. સૌરાષ્ટ્રનું પેરિસ એટલે કે જામનગર જામનગરમાં આમ તો વિકાસના કામના નામે અનેકો આયોજનોની જાહેરાતો કરવામાં આવે છે અને કામો પણ થતા હોય છે. બીજી બાજુ જામનગર મહાનગર પાલિકાની આર્થિક સ્થિતિ ક્યારેક ડામડોળ હોય  ક્યારેક કર્મચારીઓના પગાર ચૂકવવામાં પણ સાંસા પડતા હોય છે. ભૂતકાળમાં જામ્યુકોની તિજોરી તળિયા જાટક થતાં ગ્રાન્ટ આધારિત આ મહાનગર પાલિકા કોર્પોરેશનના પ્લોટ વહેંચીને તિજોરીમાં આવક જમા કરી હતી. ત્યારે કોપોરેશન તેની આર્થિક સ્થિતિ ક્યારે સુધરશે તે જોવાનું રહ્યું.

રાજાશાહી વખતનું છે બિલ્ડીંગ

આ ઈમારત બનીને કાર્યરત થાય તે પહેલા રાજાશાહીના સમયમાં 1925-30 દરમિયાન બનેલી રેલ્વે પાર્સલ બુકીંગ ઓફીસની જગ્યામાં લોકશાહીની સ્થાપના બાદથી જામનગર નગરપાલિકા અને મહાનગરપાલિકાની કચેરી બેસવા લાગી હતી. આ ઈમારત બાદમાં જર્જરિત થતાં તંત્રએ નવું બિલ્ડીંગ બનાવીને આ ઈમારતનો ઉપયોગ બંધ કર્યો હતો. હાલ આ ઈમારતમાં એસ્ટેટ શાખા અને શિક્ષણ શાખા તરીકે બે રૂમનો ઉપયોગ ચાલુ છે. કોર્પોરેશન પાસે ડિમોલીશન માટે એસ્ટેટ શાખા મોજુદ હોવા છતાં આ ઈમારતો તોડવા બહાર પડાયેલા ટેન્ડરથી આશ્વર્ય સર્જાયું છે. 

નવુ બિલ્ડીંગ બનીને થશે તૈયાર 

જામનગર મહાનગરપાલિકાના પટાંગણમાં રૂ. 8 કરોડના ખર્ચે બે માળનું નવું જનરલ બોર્ડના બિલ્ડીંગનું કામ માર્ચ-ર023થી શરુ થયું છે. જે માર્ચ-2025 સુધીમાં પુરું થવા ધારણા છે. બે માળમાં 50થી વધુ લોકો સમાઈ શકે તેવું વિશાળ ડાયસ સહિત 140ની બેઠક ક્ષમતા ધરાવતા જનરલ બોર્ડનો મીટીંગ હોલ બાલ્કની સાથે બની રહ્યો છે.આ બિલ્ડીંગમાં ઓફીસ, વિઆઈપી વેઈટીંગ, વીડીયો કોન્ફરન્સીંગ માટે અને સેમીનાર હોલ તરીકે ઉપયોગમાં લઈ શકાય તેવા મીટીંગ હોલ, ઓફીસ, બે લીફ્ટ સહિતની સગવડતા ઉભી કરવામાં આવ્યા બાદ આગામી મહિનાઓમાં આ સ્થળે જનરલ બોર્ડની કાર્યવાહી સહિતની મીટીંગો યોજાતી રહેશે. 

જામનગરમાં રાજાશાહી વખતનું બિલ્ડીંગ તૂટયું, શહેરીજનોમાં નારાજગી પ્રવર્તી

જામનગર કોર્પોરેશન દ્વારા બાકી મિલ્કતવેરાની 35 કરોડની ઉઘરાણી પેટે રેલ્વેની 10 મિલ્કતોનો સાંકેતિક કબ્જો મેળવવા કાર્યવાહી કરવામાં આવી રહી છે ત્યારે બીજી તરફ શહેરમાં બાંધકામ તોડતી એસ્ટેટ શાખા પાસે કામ લેવાને બદલે મનપાએ પોતાની જ જુની ઇમારત તોડવા ટેન્ડર બહાર પાડતા ક્યારે કોપોરેશન આર્થિક રીતે સધ્ધર થશે તેવી ચર્ચા ઉઠી છે.

અધિકારીઓને આપી સૂચના

આ ઉપરાંત મંત્રીએ કેન્દ્ર અને રાજ્ય સરકારની યોજનાઓના લાભ લોકોને સરળતાથી મળી રહે તે દિશામાં કામગીરી કરવા જણાવ્યું હતું.આ બેઠકમાં ચોટીલા ધારાસભ્ય શ્રી શામજીભાઈ ચૌહાણ, અગ્રણી શ્રી હિતેન્દ્રસિંહ ચૌહાણ, નિવાસી અધિક કલેકટર શ્રી આર.કે.ઓઝા, આસિસ્ટન્ટ કલેક્ટર કલ્પેશ શર્મા સહિત જિલ્લાના વિવિધ વિભાગના અધિકારીઓ અને નગરપાલિકાના અધિકારી/ કર્મચારીઓ ઉપસ્થિત રહ્યા હતા. 

વિકાસ કામો પર નજર કરી

બેઠકમાં પ્રભારી મંત્રીએ સ્વર્ણિમ જયંતી મુખ્યમંત્રી શહેરી વિકાસ યોજના, નાણાપંચ, અમૃત ૨.૦, નલ સે જલ, મુખ્યમંત્રી શહેરી સડક યોજના અંતર્ગત પ્રગતિ હેઠળના કામો, પૂર્ણ કામો અને શરૂ કરવામાં ન આવેલા કામોની સમીક્ષા કરી હતી. વધુમાં તેમણે નગરપાલિકામાં ચાલતા વિવિધ વિકાસ કામોની ચીફ ઓફિસર પાસેથી જાણકારી મેળવી આ વિકાસ કામો ઝડપથી પૂર્ણ થાય તે દિશામાં કામગીરી હાથ ધરવા તાકીદ કરી હતી. મંત્રીશ્રીએ નગરપાલિકા વિસ્તારમાં લોકોને પૂરતા પ્રમાણમાં પીવાનું પાણી, યોગ્ય રસ્તાઓ અને ગટર લાઈન, સાફ-સફાઈ  જેવી સુવિધાઓ સરળતાથી મળી રહે તે મુજબની કામગીરી કરવા જણાવ્યું હતું. 

સુરેન્દ્રનગરમાં  થાનગઢ નગરપાલિકાના વિકાસ કાર્યો સંદર્ભે બેઠક યોજાઇ

ચોટીલા પ્રાંત કચેરી ખાતે પ્રવાસન, વન અને પર્યાવરણ મંત્રી અને જિલ્લા પ્રભારી મંત્રી મુળુભાઈ બેરાનાં અધ્યક્ષસ્થાને થાનગઢ નગરપાલિકાના વિકાસ કાર્યો અનુસંધાને એક બેઠક યોજાઈ હતી. આ બેઠકમાં પ્રભારી મંત્રીએ નગરપાલિકામાં ચાલતા વિવિધ પ્રોજેક્ટ અને વિકાસ કામોની સમીક્ષા કરી સંબંધિત અધિકારીઓને જરૂરી સૂચનો/માર્ગદર્શન આપ્યા હતા.

9 ડિસેમ્બરે ઓલપાડમાં બની આવી ઘટના

સુરતના ઓલપાડના ગ્રામ્ય વિસ્તારમાં કારની અડફેટે બાળકીનું મોત થયું છે.બાળકી રમતી હતી અને તે દરમિયાન અચાનક કાર ચાલકે રીવર્સ લેતા આ ઘટના બની હોવાની વાત સામે આવી છે,અટોદરાની સ્વર્ગ સોસાયટીમાં બાળકી રમતી હતી અને આ ઘટના બની હોવાની માહિતી સામે આવી છે,પોલીસે કાર ચાલક અરવિંદ વિશ્વકર્માની અટકાયત કરી છે અને તપાસ હાથધરી છે.નવસારીનો કાર ચાલક છે અને તેની બેદરકારીના કારણે આ બાળકીનું મોત થયું હોવાની વાત સામે આવી 

બાળક રમતું હોય જાહેર જગ્યાએ તો તેને એકલું ના મૂકો

જયારે તમારૂ બાળક જાહેર જગ્યામાં કે ફલેટના પ્લોટ વિસ્તારમાં રમતું હોય તો તેને એકલુ ના મૂકો,આવી ઘટના એક વાર નહી પરંતુ અનેક વાર બની ચૂકી છે,માતા-પિતાની બેદરકારીની કારણે બાળકને જીવ ગુમાવવાનો વારો આવતો હોય છે.બાળક જયારે રમતુ હોય ત્યારે માતા અથવા પિતા અથવા તો ઘરનો એક સભ્ય હાજર હોય તો આવી ઘટનાથી તમારૂ બાળક જશી જશે.

સારવાર મળે તે પહેલા જ બાળકનું મોત

ખેત મજૂરી કરતા 4 માસના બાળકનું મોત થયું છે.શેરડી કાપતાં મજુરે પોતાના બાળકને રોડના વળાંકમાં બાજુ માં દીવાલ પાસે સુવડાવ્યું હતું અને કાર ચાલકે કાર રીવર્સ લેતા આ ઘટના બની છે,ફાર્મમાં જવાના રોડ પર આ ઘટના બની હતી,કાર ચાલક વળાંક લઈ પસાર થતો હતો તે દરમિયાન ટાયરનો ભાગ સુતેલા બાળકને માથાના ભાગે અડી ગયો જેના કારણે તેનું મોત થયું છે.કામરેજ પોલીસે કાર ચાલક વિરુદ્ધ ગુનો નોંધી વધુ તપાસ હાથધરી છે.

સુરતમાં ખેતરમાં સુઈ રહેલી બાળકીનું કાર ચાલકની બેદરકારીથી નીપજયું મોત, પોલીસે નોંધ્યો ગુનો

સુરતમાં 4 મહિનાના બાળકનું મોત થયું છે,જેમાં કાર ચાલકે રિવર્સ લેતા સમયે આ ઘટના બની હતી,બાળકને માથાના ભાગે ઈજા પહોંચી હતી અને સારવાર મળે તે પહેલા તેનું મોત થયું છે,પોલીસે કારચાલક સામે ગુનો નોંધીને તપાસ હાથધરી છે,અને કારને પોલીસ સ્ટેશન ગુનાના ભાગરૂપે લીધી છે,પોલીસે મૃત બાળકીના માતા-પિતાના પણ નિવેદન નોંધ્યા છે.

રાજ્યમાં ઠંડીનું આગમન થઈ ગયું છે : અંબાલાલ પટેલ

ઠંડીનો ચમકારો વધતા રાજ્યભરમાં તાપમાનનો પારો નીચે ગગડ્યો છે. ત્યારે બાલાલ પટેલ આગાહી કરતા કહ્યું કે, ડિસેમ્બરના પહેલા સપ્તાહ સુધી ગુજરાતમાં શિત લહેરની કોઈ જ સંભાવના નથી. તેમ છતાં ઉત્તર ગુજરાતના મહેસાણા, સાબરકાંઠા તેમજ અરવલ્લીના ભાગોમાં ન્યૂનતમ તાપમાન 12 ડિગ્રી સુધી રહેવાની શક્યતા છે જ્યારે 4 ડિસેમ્બર પછી ન્યૂનતમ તાપમાન વધવાની શક્યતાઓ છે. તો કેટલાક ભાગોમાં 13 ડિગ્રી તાપમાન રહેવાની શક્યતા છે.

ગાત્રો થીજવતી ઠંડીની આગાહી : અંબાલાલ પટેલ

પશ્ચિમ સૌરાષ્ટ્રના મોટાભાગના વિસ્તારોમાં લઘુતમ તાપમાન 20 અને મહત્તમ તાપમાન 30 ડિગ્રી રહે તેવુ અનુમાન લગાવવામાં આવ્યુ છે. ગુજરાતના ભાગોમાં ડિસેમ્બરની શરુઆતમાં ઠંડા પવનો ફુંકાશે. જેના કારણે ગાત્રો થીજવતી ઠંડી 22 ડિસેમ્બર બાદ આવી શકે છે.ડિસેમ્બરની શરુઆતમાં લઘુતમ તાપમાન વધવાની શક્યતા રહેશે. મધ્ય ગુજરાતમાં 17 ડિગ્રી તાપમાન રહેશે. કચ્છના ભાગોમાં લઘુતમ તાપમાન 18 ડિગ્રી ઉપર અને મહત્તમ તાપમાન 31 ડિગ્રી રહેવાની શક્યતા છે. ઉત્તર ગુજરાતમાં 15 ડિગ્રી જેટલું તાપમાન રહેતા ઠંડીના ચમકારાનો અનુભવ થશે.

વાદળછાયું વાતાવરણ રહેશે : અંબાલાલ પટેલ

અંબાલાલ પટેલે વધુમાં કહ્યું કે ગુજરાતમાં ઉત્તર ગુજરાત અને દક્ષિણ ગુજરાતમાં કમોસમી વરસાદ પણ વરસી શકે છે,મધ્ય ગુજરાત, સૌરાષ્ટ્ર-કચ્છમાં સામાન્ય વરસાદ પડી શકે છે.2થી 3 ડિસેમ્બર પવનની ગતિમાં વધારો થતાં ઠંડી વર્તાશે અને 4 થી 8 ડિસેમ્બર સુધી લઘુતમ તાપમાનમાં પણ વધારો નોંધાઈ શકે છે.10 ડિસેમ્બરથી રાજ્યમાં કડકડતી ઠંડી પડશે,મોટાભાગના વિસ્તારમાં તાપમાન 10 ડિગ્રીથી નીચું જઈ શકે છે.હવામામાં બદલાવ આવશે તે નક્કી છે.

26 જાન્યુઆરી બાદ રાજ્યમાં ફરી ઠંડીનું જોર વધશે : અંબાલાલ પટેલ

અંબાલાલ પટેલે વધુમાં કહ્યું કે,26 જાન્યુઆરી બાદ રાજયમાં ફરી ઠંડીનું જોર વધશે સાથે સાથે,મધ્ય ગુજરાતમાં લઘુત્તમ તાપમાન 15 ડિગ્રી રહેશે દક્ષિણ ગુજરાતમાં તાપમાન 18 ડિગ્રી રહેશે તો ઉત્તર ગુજરાત,પંચમહાલમાં 10 ડિગ્રીથી નીચું તાપામાન રહેશે અને ઉતરાયણ અને આસપાસના સમયમાં વાતાવરણમાં પલટો આવવાની શકયતા છે.

અંબાલાલ પટેલની મોટી આગાહી, ભારે પવન સાથે રાજયમાં વરસાદ અને કરા પડશે

હવામાન નિષ્ણાંત અંબાલાલ પટેલે રાજયમાં ફરી વરસાદ સાથે કરા પડવાની આગાહી આપી છે,ડિસેમ્બરના અંતમાં રાજ્યમાં માવઠાનું સંકટ રહેલું છે તેવી આગાહી કરવામાં આવી છે,26 ડિસેમ્બરથી 4 જાન્યુઆરી વચ્ચે માવઠાનું સંકટ રહેલું છે,26 ડિસેમ્બરે બંગાળના ઉપસાગરમાં સિસ્ટમ બનશે જેના કારણે વરસાદ થવાની શકયતા છે,સાથે સાથે 16 થી 22 ડિસેમ્બર સુધી વાદળછાયુ વાતાવરણ રહેશે અને લઘુત્તમ તાપમાનમાં થઇ શકે છે સામાન્ય વધારો.

વાંચો 12 વાગ્યા સુધીના મહત્વના સમાચાર 

01 - Gold Price Today: 15 ડિસેમ્બરે ઘટ્યા સોનાના ભાવ, જાણો 24 કેરેટની કિંમત

02 - IND vs AUS: ઓસ્ટ્રેલિયા ક્રિકેટને ભારે નુકસાન,પ્રથમ દિવસની રમત રદ થવાથી મુશ્કેલી

03 - Banaskanthaમાં કાનૂની સેવા સત્તા મંડળ દ્વારા લોક અદાલતનું કરાયું આયોજન

04 - Sambhal: 46 વર્ષે પહેલીવાર મંદિરમાં થઇ આરતી, શ્રદ્ધાળુઓએ કર્યા પૂજાપાઠ 

05 - Gujaratમાં રવિ સિઝનના ડિજિટલ ક્રોપ સર્વેનો આજથી શુભારંભ, ખેડૂતો વાંચી લો સમાચાર

06 -Petrol Diesel Price Today: ગુજરાતમાં પેટ્રોલ ડીઝલના ભાવમાં ફેરફાર, જાણો લેટેસ્ટ રેટ

07 - Unjha APMCની ચૂંટણી, ભાજપે મેન્ડેટ આપ્યા છતાં ચૂંટણીમાં વર્ચસ્વની લડાઈ !

08 - Gujarat પોલીસના અધિકારીઓએ જ વિભાગને કર્યો બદનામ ! વાંચો Inside Story

09 - IND vs AUS: બોર્ડર-ગાવસ્કર સીરીઝ આ 3 ખેલાડીઓને ભારત રવાના કરી દેવાયા

10 - Ahmedabadના વસ્ત્રાલમાં રોજ સર્જાય છે સાંજે ટ્રાફિક જામની સ્થિતિ, પોલીસ પણ કંટાળી

પ્રાણીઓનું રક્ષણ કરાશે

આમ સિંહોની સુરક્ષા અને સંવર્ધન માટે હવે વન વિભાગ હાઇટેક બની રહ્યું છે.ત્યારે ફાઇબર ઓપ્ટિક્સની મદદથી હવે વિભાગ વધુ મજબૂત રીતે કામ કરી અને પુણ્ય પ્રાણીઓનું રક્ષણ કરી શકવા સક્ષમ બનશે.

અકસ્માતોને અટકાવી શકાશે 

આ ટેકનોલોજી આવવાથી રેલવે ટ્રેક ઉપર વારંવાર આવી જતા વન્ય પ્રાણીઓ ના થતા અકસ્માતને અટકાવી શકવામાં પણ ખૂબ જ મદદ મળશે આ ટેકનોલોજીથી રેલવે તેમજ વન વિભાગના સ્ટાફને જ્યારે કોઈ અન્ય પ્રાણી રેલવે લાઈનની આજુબાજુમાં આવશે તો તે માટે કંટ્રોલ સેન્ટરમાં પ્રવેશ કરશે અને ત્યાં મેસેજ આવશે ઉપરાંત આ વિસ્તારમાં વન વિભાગ જ કામ કરતો હશે તેને અને રેલ્વે કર્મચારી ને પણ જાણ કરી એલર્ટ કરવામાં આવશે જેનાથી સિંહના અકસ્માતોને અટકાવી શકાશે.

ફાયબર ઓપ્ટિક સિસ્ટમ

સ્પીડ મોનિટરની સિસ્ટમ લગાવવામાં આવી છે જેમાં અલગ અલગ કેમેરા 1 km સુધી લગાવવામાં આવ્યા છે જેનાથી ત્યાંથી પસાર થતી તમામ ગાડીઓ અને વન્ય પ્રાણીઓના વીડિયો તાત્કાલિક મળી જાય તેવી વ્યવસ્થા ઊભી કરવામાં આવી છે.આજે તેને ટ્રાન્સફર કરવા માટે ફાયબર ઓપ્ટિક્સ મદદ વગર શક્ય નથી જે માટે ખૂબ જ અગત્યનું પાસું ફાયબર ઓપ્ટિક્સ ગણવામાં આવે છે.જેનાથી સાસણમાં મોનિટરિંગ સિસ્ટમ શરૂ કરવામાં આવી છે ત્યાં ડેટા લઈ જવા માટે આ ફાયબર ઓપ્ટિક્સની મદદ જરૂરી બનશે.

જૂનાગઢના ગીર જંગલ વિસ્તારમાં સિહોના સંવર્ધન માટે વન વિભાગ સતર્ક

ગીર જંગલ વિસ્તારમાં સિંહોના સંવર્ધન માટે હવે વન વિભાગ વધુને વધુ ટેકનોલોજીનો ઉપયોગ કરી રહ્યું છે.જૂનાગઢ વન વિભાગ દ્વારા ફાયબર ઓપ્ટિકલ સિંહની સુરક્ષા માટે ખૂબ જ ફાયદાકારક સાબિત થશે.દિવસે દિવસે વન વિભાગ સિહોની સુરક્ષા અને સંવર્ધન માટે નવી નવી ટેકનોલોજીનો ઉપયોગ કરી રહી છે જેમાં પ્રથમ માઈક્રોચીપ રેડિયો કોલર સેટેલાઇટ સહિતના ટેકનોલોજીની મદદથી સિંહ સુરક્ષા માટે ઉપયોગ કરતો હતો પરંતુ હવે તેમાં પણ વન વિભાગ અપડેટ કરીને વાણીયાવાવ વિસ્તારમાં કેમેરા સીસીટીવી લગાવવામાં આવ્યા છે. જે અલગ અલગ ટેકનોલોજી સાથે સંકળાયેલા છે.

ગ્રાહકોએ જમતા પહેલા હોટલ-રેસ્ટોરન્ટ-ધાબાના રસોડાની સ્વચ્છતા જોઇને ચકાસવી 

ગ્રાહકોએ જમતા પહેલા હોટલ-રેસ્ટોરન્ટ-ધાબાના રસોડાની સ્વચ્છતા જોઇ ચકાસી જમવાનો આગ્રહ રાખવો જોઇએ. આ તંત્ર દ્વારા હાઇજીન રેટીંગ સ્કીમ હેઠળ હોટલ-રેસ્ટોરન્ટ-ધાબાઓને હાઇજીન અને સેનીટેશન બાબતે થર્ડ પાર્ટી ઓડીટ કરી તાલીમ આપી રાજ્યમાં હોટલ/રેસ્ટોરન્ટના હાયજીન રેટિંગ કરવામાં આવેલ છે જેના થકી ગ્રાહકોને હોટલની પસંદગી કરી શકે છે. જો કોઇ ગ્રાહકને તેઓને પીરસેલા કોઇ ખોરાકમાં જીવ જંતુઓ મળી આવે તો તેઓએ જેતે કોર્પોરેશન /જીલ્લાની ફુડ વિભાગની ઓફીસનો ફરિયાદ કરી શકાય છે.વધુમા રાજ્ય કક્ષાએ કાર્યરત ફુડ સેફ્ટી હેલ્પડેસ્કના ટોલ ફ્રી નબર: ૧૮૦૦૨૩૩૫૫૦૦, ૧૪૪૩૫ તથા મોબાઇલ નબર ૯૦૯૯૦૧૩૧૧૬, ૯૦૯૯૦૧૨૧૬૬ અથવા હેલ્પ ડેસ્કના ઇ-મેઇલ [email protected] પર ફરિયાદ નોંધાવી શકાય છે.

બનાસકાંઠામાં પણ ફૂડ વિભાગે સાત દિવસ પહેલા પાડયા દરોડા

ફૂડ વિભાગે ઘીનો વેપાર કરતા વેપારીને ત્યાં દરોડા પાડ્ય છે. શહેરના ચડોતર નજીક કોમ્પ્લેક્સમાંથી શંકાસ્પદ ઘી મળ્યું હતુ, જેમાં અધિકારીઓને જોઇને વેપારી ફરાર થઈ ગયો હતો. ફૂડ વિભાગે પોલીસ બોલાવી ગોડાઉનને સીલ કર્યું છે, વિભાગે બાતમીની આધારે દરોડા પાડ્યા હતા. પાલનપુરના ચડોતર નજીક ખાનગી કોમ્પ્લેક્સમા શંકાસ્પદ ઘીના ગોડાઉન ઉપર ફૂડ વિભાગે રેડ કરી હતી. ફૂડ વિભાગના અધિકારીઓને જોઈને વેપારી ગોડાઉનને લોક મારી ચાવી લઈને ભાગી ગયો હતો. આ શંકાસ્પદ ઘીનું ગોડાઉન ચડોતરના કેબી લોજિસ્ટમાં આવેલું છે.

અમદાવાદમાં પનીર-જામના પાંચ સેમ્પલ ફેલ

બહારનું ખાતા પહેલા જરા ચેતી જજો કેમકે અમદાવાદમાં પનીર-જામના પાંચ સેમ્પલ ફેલ થયા છે.બટર, પનીર, જામ ખાતા પહેલા સાવચેત રહેજો કેમકે હોટલ-રેસ્ટોરન્ટના બટર-પનીરના સેમ્પલ ફેઇલ થયા છે,મકરબામાં ગુલશન ગૃહ ઉદ્યોગના જામનું સેમ્પલ ફેલ,વસ્ત્રાલમાં મઢુલી એન્ટરપ્રાઇઝના પનીરનું સેમ્પલ ફેલ,રાજસ્થાન ભોજનાલયના પનીરનું સેમ્પલ ફેલ,શાહીબાગમાં આશાપુરા ભોજનાલયનું પનીર અખાદ્ય તેમજ વસ્ત્રાલમાં પુજા ભાજીપાઉનું બટર સબસ્ટાન્ડર્ડ જાહેર કરવામાં આવ્યું છે.

આરોપી કાર્તિક પટેલ હજી ફરાર

ખ્યાતિ હોસ્પિટલ કૌભાંડમાં નાસતા ફરતા આરોપી ચેરમેન ડો.કાર્તિક પટેલની આગોતરા જામીન અરજીમાં શહેર ક્રાઈમબ્રાન્ચ દ્રારા સોગંદનામું રજૂ કરી આરોપીને કોઈપણ સંજોગોમાં જામીન નહીં આપવા ઉગ્ર રજૂઆત કરવામાં આવી હતી. ક્રાઈમ બ્રાન્ચ તરફથી એવો મોટો ખુલાસો કોર્ટ સમક્ષ કરવામાં આવ્યો હતો કે, આરોપી ચેરમેન કાર્તિક પટેલ દ્વારા જ માર્કેટીંગ ટીમને વધુમાં વધુ ફ્રી મેડિકલ કેમ્પનું આયોજન કરવા અને વધુમાં વધુ અમદાવાદ શહેર અને તેની આસપાસના ગામડાઓના વિસ્તારોના ક્લીનીક્સના ડોક્ટર્સનો સંપર્ક કરી PMJAY કાર્ડધારક વ્યક્તિઓને મોટી સંખ્યામાં સારવારના બહાને ખ્યાતિ હોસ્પિટલમાં લાવવા ફરમાન કરાતું હતું.

હોસ્પિટલમાં ડિરેક્ટર રાજશ્રી અને પ્રદીપનો 3.61 ટકા હિસ્સો

હોસ્પિટલમાં ડિરેક્ટર રાજશ્રી અને પ્રદીપનો 3.61 ટકા હિસ્સો છે, હોસ્પિટલના ડિરેક્ટરો અને ચેરમેનની મીટિંગ મળતી હતી. જેમાં તેઓ વધુને વધુ ગામોમાં ફ્રી કેમ્પ યોજવાનું નક્કી કરતા હતા. ત્યારબાદ તેઓ ગામમાંથી જે દર્દીઓના PMJAY કાર્ડ હોય તેવા દર્દીઓ શોધી કાઢતા હતા. તેઓ દર્દીઓને બીમારીના ઓથા હેઠળ ડરાવતા હતા અને ત્યારબાદ હોસ્પિટલ લાવતા હતા. જ્યાં તેમનું ઓપરેશન કરી દેવામાં આવતું હતું.

અગાઉ રાજશ્રીએ ત્રણ કેસમાં કરી હતી આગોતરા જામીન અરજી

ખ્યાતિ હોસ્પિટલ કાંડમાં આરોપી રાજશ્રી કોઠારી ધરપકડથી બચવા માટે ત્રણ કેસમાં આગોતરા જામીન અરજી કરી હતી. જે અંગે અમદાવાદ ગ્રામ્ય સેશન્સ કોર્ટમાં ગુરુવારે સુનાવણી હાથ ધરાઈ હતી જેમાં તેમના વકીલ દ્વારા કોર્ટ સમક્ષ રજૂઆત કરાઈ હતી કે, હું નિર્દોષ છું, મારે આ કેસ સાથે કોઈ જ લેવાદેવા નથી, મને ખોટી રીતે ફસાવી દેવામાં આવી છે, ક્યાંય નાસી કે ભાગી જાઉં તેમ નથી, કોર્ટ પાસે જામીન આપવાની સત્તા છે અને કોર્ટ જામીન આપે તો તમામ શરતોનું પાલન કરવા તૈયાર છું. તેથી જામીન પર મુક્ત કરવા જોઈએ.

એક વર્ષના સમયમાં હોસ્પિટલે 6 કરોડનો નફો કર્યો

એક વર્ષના સમયગાળામાં હોસ્પિટલે સારો એવો નફો કર્યો છે,4 પાર્ટનરોના ભાગે આવ્યા 1.50-1.50 કરોડ રૂપિયા અને નફાના રૂપિયાથી ખ્યાતિ હોસ્પિટલ શરૂ કરી હતી સાથે સાથે એશિયન બેરીયાટીકના સ્થાને ખ્યાતિ હોસ્પિટલ શરૂ કરી હતી જેમાં કાર્તિક પટેલ, ચિરાગ રાજપુત પાર્ટનર હતા અને સંજય પટોડીયા અને રાજશ્રીનો પતિ હતો પાર્ટનર.

ખ્યાતિ હોસ્પિટલને લઈ મોટો ખુલાસો,  માલિકોએ અન્ય હોસ્પિટલ ભાડે રાખી હતી

ખ્યાતિ હોસ્પિટલ કાંડમાં મોટો ખુલાસો થયો છે જેમાં રાજશ્રી કોઠારીની ધરપકડ  બાદ ખુલાસો થયો છે,પોલીસ તપાસમાં મોટી હકીકત સામે આવી છે જેમાં ખ્યાતિના માલિકોએ અન્ય હોસ્પિટલ ભાડે રાખી હતી અને એશિયન બેરીયાટીક હોસ્પિટલ ભાડે રાખી હતી જેમાં ખ્યાતિ હોસ્પિટલ શરૂ કરતા પહેલા આ હોસ્પિટલ ભાડે રાખી હતી તો મહિને 16 લાખ રૂપિયાના ભાડે રાખી હતી હોસ્પિટલ અને વર્ષ 2020 માં એશિયન બેરીયાટીક ભાડે રાખી હતી.

આર્થિક સહાય યોજના માટે કેમ્પનું આયોજન

બનાસકાંઠા જિલ્લામાં ફરજ બજાવતા તમામ ન્યાયાધીશો, વકીલો, બેંક/ઈન્શ્યોરન્સ કંપનીના અધિકારીઓ, કોર્ટમાં ફરજ બજાવતા કર્મચારીઓ તેમજ કેસોના પક્ષકારોના સાથ સહકારથી સદરહું રાષ્ટ્રીય લોક અદાલત ખૂબ જ સફળ રહી હતી.તદુપરાંત, જિલ્લા કાનૂની સેવા સત્તા મંડળ, પાલનપુર દ્વારા સમાજ સુરક્ષા અધિકારીની કચેરીના સહયોગથી બૌધ્ધિક અસમર્થતા ધરાવતા (મનોદિવ્યાંગ) વ્યકિતને આપવાની આર્થિક સહાય યોજના માટેના કેમ્પનું આયોજન પણ કરાયું હતું. જેમાં કુલ ૩૫(પાંત્રીસ) લાભાર્થીઓને લાભ આપવામાં આવ્યા હતા, જે પૈકી ૨૧(એકવીસ) લાભાર્થીઓને મનોદિવ્યાંગ આજીવન પેન્શન પેટે ER મહીને રુા.૧.૦૦૦/-નો ચેક તેમજ ૧૪ (ચૌદ) લાભાર્થીઓને ગુજરાત સરકારની એસ. ટી. બસમાં લાભાર્થી તથા તેમના કેર ટેકરને ગુજરાત રાજ્ય તથા ગુજરાત રાજયની બસ જયાં સુધી જતી હોય ત્યાં સુધી કોઈપણ કેટેગરીની બસના મફત મુસાફરી પાસનું વિતરણ કરાયું હતું તેમ બનાસકાંઠા જિલ્લા કાનૂની સેવા સત્તા મંડળના સચિવ દ્વારા એક યાદીમાં જણાવ્યું છે.

આટલા કેસોનો કરાયો નિકાલ

આ લોક અદાલતમાં મુખ્ય જિલ્લા ન્યાયાધીશ અને અધ્યક્ષ, જિલ્લા કાનૂની સેવા સત્તા મંડળ, પાલનપુરના સઘન પ્રયત્નોથી સમગ્ર જિલ્લામાં પ્રી-લીટીગેશનનાં ટ્રાફીક ચલણનાં કુલ : ૪,૩૩૯/- કેસો મળી, ૫,૦૨૬ કેસો સેટલ થયેલ, જેમાં કુલ ૩,૩૬,૯૦,૯૪૯/-(અંકે રુપિયા ત્રણ કરોડ છત્રીસ લાખ નેવું હજાર નવસો ઓગણ પંચાસ પૂરા)નું સેટલમેન્ટ થયેલ તથા બનાસકાંઠા જિલ્લાની તમામ કોર્ટોમાં ચાલુ કેસો તેમજ ડોરમેન્ટના કેસો સાથે કુલ ૩,૫રર કેસોનો નિકાલ થયેલ, જેમાં કુલ રુા. ર૪,૧૬,૧૩,૩૭૭/- (અંકે ચોવીસ કરોડ સોળ લાખ, તેર હજાર ત્રણસો સીત્તોતર રુપિયા પૂરા)નું સેટલમેન્ટ થયેલ, જયારે મોટર અકસ્માત વળતરનાં કુલ ૫૯ કેસોમાં સમાધાન થતાં, કુલ રુ. ૫,૩૩,૧૦,૦૦૦/- (અંકે રુપિયા પાંચ કરોડ તેત્રીસ લાખ દશ હજાર પૂરા)નું વળતર ચૂકવવાનો હુકમ કરાયો હતો. આમ, બનાસકાંઠા જિલ્લાની અદાલતોમાં ચાલતા કેસો પૈકી લીટીગેશન તેમજ પ્રી-લીટીગેશનનાં મળી, કુલ ૮,૬૦૭ કેસોનો નિકાલ થયેલ, જેમાં કુલ રુા. ૨૯,૪૯,૨૩,૩૭૭/-(અંકે રુપિયા ઓગણત્રીસ કરોડ ઓગણપચાસ લાખ ત્રેવીસ હજાર ત્રણસો સીત્યોતેર પુરા) નું વળતર ચૂકવવાનો હુકમ થયેલ.

બનાસકાંઠામાં કાનૂની સેવા સત્તા મંડળ દ્વારા દીવાની તથા ફોજદારી કેસો માટે લોક અદાલતનું કરાયું આયોજન

ગુજરાત રાજ્ય કાનૂની સેવા સત્તા મંડળ, અમદાવાદના માર્ગદર્શન હેઠળ જિલ્લા કાનૂની સેવા સત્તા મંડળ, પાલનપુરની કચેરી દ્વારા તમામ પ્રકારના દીવાની તથા ફોજદારી કેસો માટે લોક અદાલતનું આયોજન કરાયું હતું. આ અદાલતમાં બનાસકાંઠા જિલ્લામાં રહેતા તમામ પક્ષકારોનો અભૂતપૂર્વ પ્રતિસાદ મળ્યો હતો.

નવસારીમાં બોગસ ડોક્ટર સામે SOGની તવાઈ

પીપલખેડ અને સારવણીમાંથી 2 બોગસ તબીબ પકડાયા,ડિગ્રી વગર મેડિકલ પ્રેક્ટિસ કરતા બોગસ તબીબ ઝડપાયા,ઝોલાછાપ તબીબા લાંબા સમયથી ચલાવતા દવાખાનું,મેડિકલ પ્રેક્ટિસના સાધનો સહિત દવાઓનો જથ્થો જપ્ત,30 હજારથી વધુનો મુદ્દામાલ જપ્ત કરી હાથધરી કાર્યવાહી.

ખેડૂતોને વધુ સુગમતા રહેશે

આ ડિજિટલ ક્રોપ સર્વેના લીધે જે અગાઉ મહેસૂલ વિભાગ દ્વારા પાણીપત્રક નમૂના નં. ૧૨ ની નોંધણી કરવામાં આવતી હતી, જે પૂરે પૂરી થતી નહોતી, જે ડિજિટલ ક્રોપ સર્વે થકી જે-તે સર્વે નંબર ડિજિટલાઈઝ ક્રોપ સર્વે થતાં ૧૦૦ % પાણીપત્રક નમૂના નં. ૧૨ માં નોંધણી થશે. જેથી નમૂના નં. ૧૨ માં પાકની નોંધણી સદર બાબતે ખેડૂતોને વધુ સુગમતા રહેશે.

સર્વે પ્લોટને આવરી લેવાશે

હવે રવિ સીઝન શરૂ થતા રાજ્યના ૩૩ જિલ્લાના તમામ ખેતર માટે રવિ ૨૦૨૪-૨૫ ડિજિટલ ક્રોપ સર્વેની કામગીરી હાથ ધરવામાં આવશે. આજ તા. ૧૫મી ડિસેમ્બરથી રાજ્યભરમાં ૪૫ દિવસ સુધી જે-તે ગ્રામ્ય લેવલે પસંદ કરેલ સર્વેયર દ્વારા ડિજિટલ ક્રોપ સર્વે કરવામાં આવશે. જે અંતર્ગત રાજ્યના ૩૩ જિલ્લાના ૧૮,૪૬૪ ગામોમાં તમામ ખેતીલાયક વિસ્તારના આશરે એક કરોડથી વધારે સર્વે પ્લોટને આવરી લેવાશે. 

ગુજરાતમાં રવિ સિઝનના ડિજિટલ ક્રોપ સર્વેનો આજથી શુભારંભ

ગુજરાતમાં આગામી ૪૫ દિવસ દરમિયાન રાજ્યના ૧૮,૪૬૪ ગામોના આશરે એક કરોડથી વધારે ખેતીલાયક પ્લોટનો સર્વે કરાશે જેમાં ભારત સરકાર દ્વારા વર્ષ ૨૦૨૪-૨૫થી દેશના તમામ રાજ્યોમાં ડિજિટલ ક્રોપ સર્વેની નવતર પહેલ શરૂ કરવામાં આવી છે. જેના ભાગરૂપે ગુજરાતમાં  ખરીફ ૨૦૨૪-૨૫ સીઝનનો ડિજિટલ ક્રોપ સર્વે ગત તા. ૨૫ ઓક્ટોબરે પૂર્ણ કરવામાં આવ્યો હતો. 

ચિત્ર સ્પષ્ટ નહીં થતાં સટ્ટા બજાર પણ અસમંજસમાં 

ચૂંટણી મામલે જિલ્લા ભાજપ પ્રમુખ ગિરીશ રાજગોરનું નિવેદન સામે આવ્યું છે જેમાં વેપારી વેપારી પેનલના સમર્થન માટે ઊંઝામાં જાહેર સભા યોજાઈ છે,નારાજ પૂર્વ વાઇસ ચેરમેન અરવિંદભાઈએ પણ મેન્ડેડ વાળા ઉમેદવારોને ટેકો આપ્યો છે સાથે સાથે ચૂંટણીના પરિણામ આવતા મેન્ડેડ વાળા ઉમેદવારો જીતશે તેવું ગિરીશ રાજગોરનું કહેવું છે,જેને મેન્ટેડ અપાયા તેવા ત્રણ ઉમેદવારો પણ સભામાં ગેરહાજર , તેમને બાદમાં મળીશું તેમજ મેન્ડેડ વાળી 15 સીટો ભાજપ પાસે જ હશે સાથે સાથે અત્યાર સુધી છ ઉમેદવારોએ મેન્ડેડ વાળા ઉમેદવારોને સમર્થન જાહેર કર્યું છે.

ઉમેદવારી પાછી ખેંચવાની મુદત પૂરી 

ગુજરાતની સૌથી વધુ સમૃદ્ધ ગણાતી ઊંઝા એપીએમસી પર કબજો જમાવવા માટે ભાજપના જ બેથી ત્રણ ગ્રૂપમાં પડાપડી થઈ છે. વેપારીઓના ચાર અને ખેડૂતોના દસ મળી 14 ઉમેદવારોની જગ્યા માટે ઉમેદવારી પત્રક પાછા ખેંચાયા ત્યારે 36 ઉમેદવારો મેદાનમાં રહ્યા હતા. તેમાંથી ખેડૂત પ્રતિનિધિ તરીકેની 10 જગ્યા માટે 20 ઉમેદવાર અને વેપારીઓના ચાર પ્રતિનિધિની જગ્યા માટે 16 ઉમેદવારોએ મોદાનમાં ઉતર્યા છે. 

વેપારી વિભાગમાં 10 બેઠક માટે 15 ઉમેદવારો 

મેન્ડેટ વિનાના 5 ઉમેદવારોને મનાવવામાં ભાજપ નિષ્ફળ હોય તેમ લાગી રહ્યું છે.વિવાદ વચ્ચે વેપારી વિભાગ માટે ભાજપની ચૂંટણીસભા નારાજ પૂર્વ વાઇસ ચેરમેનનો મેન્ડેટ ઉમેદવારને ટેકો આપ્યો છે,મેન્ડેટ કપાતા અરવિંદ પટેલે આપ્યું હતું રાજીનામું તો મેન્ડેટવાળા ઉમેદવારો જીતશે તેવો ભાજપનો દાવો છે,આ મામલે મહેસાણા જિલ્લા ભાજપ પ્રમુખનું નિવેદન સામે આવ્યું છે,તેમનું કહેવું છે કે,APMC ચૂંટણીમાં ઘીના ઠામમાં ઘી ઠરશે તેમજ લોકશાહીમાં ચૂંટણી લડવાનો અધિકાર છે,ચૂંટણી સમરસ થાય તેવા પ્રયાસ અમારી તરફથી છે તો બીજી તરફ ચૂંટણી ના યોજાય ત્યાં સુધી જૂથબંધી ન કહી શકાય તેવું તેમનું કહેવું છે.ચૂંટણીમાં પ્રમુખ પદ માટે મામલો જિલ્લા પ્રમુખ પાસે પહોચ્યો છે.પૂર્વ ચેરમેન દિનેશ પટેલ અને ધારાસભ્ય કે.કે.પટેલ સાથે કમલમમાં થઈ ચર્ચા.

ઉંઝા એપીએમસીની ચૂંટણી, ભાજપે મેન્ડેટ આપ્યા છતાં ચૂંટણીમાં વર્ચસ્વની લડાઈ 

ઉંઝા APMCની ચૂંટણીને લઈ સૌથી મોટા સમાચાર સામે આવી રહ્યાં છે જેમાં ભાજપે મેન્ડેટ આપ્યા છતાં ચૂંટણીમાં વર્ચસ્વની લડાઈ જામી છે,MLA અને પૂર્વ મંત્રીના પૌત્ર અને પૂર્વ ચેરમેનનું જૂથ મેદાને ઉતર્યુ છે,ત્રણેય ભાજપના આગેવાનો વચ્ચે વર્ચસ્વની લડાઈ જોવા મળી છે,વર્ચસ્વ માટે પક્ષના વિરુદ્ધ નેતાઓની ઉમેદવારી છે,મેન્ડેટમાં ત્રણેય જૂથને સાચવવા ભાજપે કર્યો હતો પ્રયાસ પરંતુ ખેડૂત વિભાગના બંને જૂથના 10 ઉમેદવારોને મેન્ડેટ છે જેમાં 20માંથી 10 ઉમેદવારે હજુ ભાજપને ટેકો જાહેર કર્યો નથી.

અંદરો અંદર મારા મારી બદલ 3 PI સસ્પેન્ડ

ખેડા જિલ્લામાં નડિયાદ ટાઉન, નડિયાદ પશ્ચિમ અને વડતાલ પોલીસ સ્ટેશનના પીઆઈ સહિત કેટલાક લોકો વચ્ચે મારામારીનો વીડિયો સોશિયલ મીડિયામાં વાઈરલ થતાં ચકચાર મચી હતી. શિસ્તબદ્ધ ગણાતા પોલીસ વિભાગના અધિકારીના આ વીડિયોને ગંભીરતાથી લઈ એસપી દ્વારા તપાસના આદેશ આપવામાં આવ્યા હતા. આ મામલે નડિયાદ ટાઉનના તત્કાલીન પીઆઈ હરપાલસિંહ ચૌહાણ, નડિયાદ પશ્ચિમના તત્કાલીન પીઆઈ યશવંત ચૌહાણ અને વડતાલના તત્કાલીન પીઆઈ આર. કે. પરમારને તાત્કાલિક અસરથી સસ્પેન્ડ કરી દીધા હતા.

સૌથી મોટા તોડમાં અમદાવાદના પૂર્વ પીસીબી પીઆઈ તરલ ભટ્ટ પણ સસ્પેન્ડ 

જાન્યુઆરી 2024માં તરલ ભટ્ટ તોડકાંડ સામે આવ્યો હતો. જેમાં કેરળના વેપારી કાર્તિક ભંડારીનું બેંક એકાઉન્ટ જૂનાગઢ SOG દ્વારા ફ્રીજ કરવામાં આવ્યું હતું. આ મામલે તેમણે પોલીસનો સંપર્ક કરતા વેપારીને જૂનાગઢ આવવા માટે કહેવાયું હતું. અહીં આવવા પર વેપારીને EDમાં રિપોર્ટ કરવાની ધમકી આપવામાં આવી હતી અને એકાઉન્ટ અનફ્રીઝ કરવા માટે રૂ.25 લાખની માંગણી કરવામાં આવી હતી.

અમદાવાદ ભૂતપૂર્વ પીસીબી પીઆઈ એમ.સી.ચૌધરીની રાતોરાત બદલી

અમદાવાદના  ભૂતપૂર્વ પીસીબી પીઆઈ એમ.સી.ચૌધરીની પણ રાતોરાત બદલી કરી દેવામાં આવતા અમદાવાદ શહેરમાં ફરજ બજાવતા પોલીસ ઈન્સ્પેકટરોમાં ચર્ચાનો વિષય બન્યો છે,પીસીબી એટેલ પોલીસ કમિશનરની સ્પેશિયલ સ્કોર્ડ ગણવામાં આવે છે અને તે પણ બદલી ગાંધીનગરથી કરવામાં આવી એટલે તેની પાછળ કોઈ કારણ હશે તો જ બદલી કરવામાં આવી હશે,ત્યારે પીઆઈ એમ.સી.ચૌધરીની તાત્કાલિકના ધોરણે ભાવનગર બદલી કરવામાં આવી છે.

ફરજમાં બેદરાકારી બદલ સસ્પેન્ડ પીઆઈ

01 -મોડાસા રૂરલ પીઆઇ જી.એસ સ્વામી

02 - અમદાવાદ એલિસબ્રિજ પીઆઈ બી ડી ઝીલરીયા

03 - અમદાવાદ કાગડાપીઠ પીઆઈ એસ.એ.પટેલ

04 - ટંકારા પીઆઈ વાય.કે.ગોહીલ

05-અમદાવાદ રાણીપ પીઆઈ ભગીરથસિંહ ગોહીલ

06-જૂનાગઢના પીઆઈ સંજય પાદરિયા

07 -મહેસાણા એ ડિવિઝન પીઆઈ વી.બી.પટેલ

08-અમદાવાદ ઘોડા કેમ્પના પીઆઈ એમ.એસ.બારોટ

પોલીસની રહેમનજર હેઠળ દારુની બેફામ હેરાફેરી 

ગુજરાતમાં ઘણી પોલીસની રહેમ નજર હેઠળ દારૂની બેફામ હેરાફેરી થાય છે તેવા આક્ષેપો પણ લાગ્યા છે.બુટલેગર સાથે પોલીસ ઇન્સ્પેક્ટર્સની સાઠગાંઠ હોવાની વાતો પણ આવે છે.જે-તે વિસ્તારના પોલીસ ઇન્સ્પેક્ટર્સની રહેમ નજર હેઠળ બે નંબરના ધંધા પણ થતા હોય છે પરંતુ વહીવટના કારણે કયારેય કોઈ મુદ્દાઓ લોકોની સમક્ષ આવતા નથી,અન્ય કામોમાં રસ દાખવવા મુદ્દે HCએ લગાવી હતી ફટકાર અને રિકવરી એજન્ટની કામગીરીથી દૂર રહેવા કરી હતી ટકોર.કમિશન લઇ રિકવરીનું કામ કરતા હોવાના થયા છે આક્ષેપ.

ગુજરાત પોલીસના અધિકારીઓએ જ વિભાગને કર્યો બદનામ ! 

ગુજરાત પોલીસ અધિકારીઓએ જ વિભાગને બદનામ કર્યો હોય તેવો ગણગણાટ પોલીસમાં શરૂ થયો છે,ગુજરાતમાં 12 મહિનામાં 10 પોલીસ ઇન્સ્પેક્ટરો સસ્પેન્ડ થયા છે,ત્યારે દારુ અને તોડકાંડમાં પોલીસ અધિકારીઓની સંડોવણી હોય તેવી માહિતી સામે આવી છે અને તેના કારણે ઘણા પીઆઈ,પીએસઆઈ અને પોલીસ કોન્સ્ટેબલો પણ સસ્પેન્ડ થયા છે અને ઘણા વહીવટદારોની જિલ્લા બહાર પણ બદલી થઈ છે.દારુકાંડ અને હપ્તાકાંડમાં PI કક્ષાના અધિકારી સામે કાર્યવાહી કરાઈ છે.

કેવી રીતે AI ડેશકેમથી વાહન ચાલકને મળશે મેમો?

અમદાવાદ શહેરમાં ટ્રાફિક પોલીસ દ્વારા 32 વ્હીકલમાં તેમજ 28 પોલીસ કોન્સ્ટેબલોને મૂવિંગ ડેશ કેમ ફાળવવામાં આવ્યા છે. આ તમામ ડેશ કેમ AI બેઝ્ડ કામ કરે છે. જ્યારે AI ડેશ કેમથી સજ્જ વાહન ચાલશે ત્યારે તેમાં લાઈવ રેકોર્ડિંગ ચાલતું હશે. દરમિયાન રોડ પર હેલ્મેટ વિના જતા, જોખમી રીતે વાહન ચલાવતા કે સીટ બેલ્ટ વગર વાહન ચલાવતા ચાલકોને કેપ્ચર કરીને તેનો ફોટો પોલીસ કન્ટ્રોલ રૂમને મોકલશે. જ્યાંથી ટ્રાફિક ઉલ્લંઘનની ખરાઈ કર્યા બાદ વાહન ચાલકને મેમો આપવામાં આવશે.

પાંજરાપોળ ચાર રસ્તાનો કટ બંધ

સ્થાનિક સૂત્રો તરફથી મળતી માહિતી પ્રમાણે વાત કરવામાં આવે તો રોજ સાંજના 7 થી રાતના 10 વાગ્યા સુધી આવી જ રીતે ટ્રાફિક જામ સર્જાય છે જેના કારણે ઓફીસથી છૂટીને ઘરે જતા લોકોને એક-એક કલાક સુધી ટ્રાફિકમાં ફસાઈને રહેવું પડે છે સાથે સાથે જે લોકો પાસે કાર છે તે લોકોને તો એક કલાક કરતા વધારે સમય સુધી ટ્રાફિકની બહાર નીકળતા લાગે છે,પોલીસમાં ફરજ બજાવતા ટ્રાફિકના કોન્સ્ટેબલો પણ આ સમસ્યાથી કંટાળી ગયા છે પરંતુ અધિકારીઓએ રોડની કટ બંધ કરી દીધી તેના કારણે આ પરિસ્થિતિનું સર્જન થાય છે,ત્યારે વસ્ત્રાલના સ્થાનિકોનું કહેવું છે કે રોડ પર તો ટ્રાફિક સર્જાય છે પરંતુ લોકો ટ્રાફિકથી બચવા સર્વિસ રોડ પર ઘુસી જાય છે જેના કારણે પણ ટ્રાફિક સર્જાય છે.

રીંગરોડ પર ભારે ટ્રાફિક

અમદાવાદના પૂર્વ વિસ્તારમાં એટલે કે વસ્ત્રાલમાં રોજ સાંજે ભારે ટ્રાફિક જામની સમસ્યા સર્જાય છે,રોડ પર ટ્રાફિક પોલીસે બે રોડની કટ બંધ કરી દેતા આ પરિસ્થિતિનું સર્જન થયું છે,આ ટ્રાફિક એટલી હદે થાય છે કે અંદર કોઈ એમ્બ્યુલન્સ ફસાઈ હોય છે તો તેને પણ બહાર નીકળવાની જગ્યા મળતી નથી તો ભારે વાહનો હોવાથી બે-ત્રણ કિમી સુધી ટ્રાફિકની સમસ્યા સર્જાય છે,સ્થાનિકોને પણ કટ બંધ હોવાથી બે-ત્રણ કિમી ફરીને જવાનો વારો આવ્યો છે,ટ્રાફિક પોલીસના પીઆઈ તેમજ ડીસીપી સાહેબ જરા આ સમસ્યાનું નિરાકરણ લાવો તો શહેરીજનોના આશીર્વાદ મળશે અને ટ્રાફિકની સમસ્યા થોડી હલ થશે.

અમદાવાદના વસ્ત્રાલ ચાર રસ્તા પર સાંજથી મોડી રાત સુધી સર્જાય છે ભારે ટ્રાફિક જામ

અમદાવાદના પૂર્વ વિસ્તારમાં આવેલ રીંગ રોડ પર પાંજરાપોળ  ચાર રસ્તાથી વસ્ત્રાલ ચાર રસ્તા પર ભારે વાહનોની અવરજવરથી રાત્રે 10:30 વાગ્યાની આજુ બાજુ ટ્રાફિક જામના દ્રશ્યો રોજ જોવા મળે છે.પાંજરાપોળ ચાર રસ્તાનો કટ બંધ કરવાથી આ ટ્રાફિકની લાઈન પાંજરાપોળ ચાર રસ્તાને ક્રોસ કરી રોયલ હોટલ સુધી લંબાઈ છે જેના કારણે ટ્રાફિક જામની સમસ્યા સર્જાય છે,આસપાસના સ્થાનિકો એ હદે કંટાળી ગયા છે કે પોલીસ પણ ટ્રાફિક દૂર કરવા માટે કંઈ કરી શકતી નથી.

23 ડિસેમ્બરથી ઠંડી વધવાની શકયતા : અંબાલાલ પટેલ

હવામાન નિષ્ણાંત અંબાલાલ પટેલનું કહેવું છે કે આ સિસ્ટમના કારણે ડિસેમ્બરના છેલ્લા સપ્તાહમાં મજબૂત પશ્ચિમી વિક્ષેપ આવવાની શક્યતા રહેશે,આ સિસ્ટમ બનવાથી 23 ડિસેમ્બર બાદ કાતિલ ઠંડી પડવાની શક્યતા રહેશે અને બર્ફીલા પવનો ફૂંકાશે જેના કારણે કાતિલ ઠંડી પડશે,16 થી 22 દરમિયાન ગુજરાતના અનેક ભાગોમાં વાદળો આવવાની શક્યતા રહેશે,દક્ષિણ ગુજરાતના ભાગોમાં છાંટા થઈ શકે છે,જાન્યુઆરી માસમાં રાજ્યમાં પડશે હાડ થીજવતી ઠંડી પડશે.

17 ડિસેમ્બરથી ઠંડીમાં ઘટાડો થશે : અંબાલાલ પટેલ

હવામાન નિષ્ણાંત અંબાલાલ પટેલે વધુમાં જણાવ્યું કે,ઉત્તર ગુજરાતમાં તાપમાન નીચુ રહેશે અને 10 ડિગ્રીથી નીચુ તાપમાન રહેશે સાથે સાથે મધ્ય ગુજરાતમાં લઘુત્તમ તાપમાન 15 ડિગ્રી રહેશે અને દક્ષિણ ગુજરાતમાં તાપમાન 18 ડિગ્રી રહેશે,રાજકોટમાં 15 ડિગ્રીથી નીચુ તાપમાન રહેશે મહત્તમ તાપમાન 28-30 ડિગ્રી સુધી રહેશે તો બીજી તરફ 4 જાન્યુઆરી બાદ ઠંડીમાં ફરી વધારો થશે,જાન્યુઆરી મહિનામાં ઠંડીનું પ્રમાણ સારુ રહેશે.

ભારતમાં ઠંડીની જામી લહેર

ભારતીય હવામાન વિભાગે આગાહીમાં જણાવ્યું કે, આગામી દિવસોમાં ઠંડી વધી શકે છે. દેશના મોટા ભાગના ભાગોમાં શિયાળા દરમિયાન સામાન્ય તાપમાન કરતાં વધુ નોંધાય તેવી શક્યતા છે ઓછા શીત લહેર દિવસો: ઉત્તર-પશ્ચિમ, મધ્ય અને ઉત્તર-પૂર્વ ભારતમાં ઓછા શીત લહેર દિવસો રહેશે. દક્ષિણ ભારતમાં ઠંડી વધી શકે છે. દક્ષિણ દ્વીપકલ્પ ભારતમાં તાપમાન સામાન્ય કરતાં ઓછું રહી શકે છે.ઉત્તરથી લઈને દક્ષિણ સુધી ચારેતરફ તીવ્ર ઠંડીનું મોજું ફરી ગયું છે. હિમાચલમાં હિમવર્ષાને કારણે ઠંડીનું મોજું વધ્યું છે. ડિસેમ્બરના આગમનની સાથે જ ઠંડીએ પણ પોતાના રંગ બતાવવાનું શરૂ કરી દીધું છે. પરંતું ડિસેમ્બરના આગામી દિવસો આના કરતા વધુ ભયાનક જશે તેવી આગાહી આવી ગઈ છે. હવામાન વિભાગે ઠંડીની નવી આગાહીને લઈને મોટું એલર્ટ આપ્યું છે.

રાજયમાં ગાત્રો થીજવતી ઠંડીનો અહેસાસ, આબુમાં ઠંડી માઈનસ 5 ડિગ્રીએ

રાજયમાં ગાત્રો થીજવતી ઠંડીનો અહેસાસ થઈ રહ્યો છે,જેમાં 17 જિલ્લાઓમાં તાપમાન 15 ડિગ્રીથી નીચે નોંધાયું છે,નલિયા 6 ડિગ્રી તાપમાન સાથે સૌથી ઠંડુ શહેર બન્યું છે,ઉત્તર પૂર્વના પવનનો ફૂંકાતા ઠંડીમાં વધારો થયો છે.ડીસામાં 9.1 ડિગ્રી, વડોદરામાં 10 ડિગ્રી,રાજકોટમાં 10.6 ડિગ્રી, ગાંધીનગરમાં 11.3 ડિગ્રી,અમદાવાદમાં 12.5 ડિગ્રી, અમરેલીમાં 12.2 ડિગ્રી,સુરેન્દ્રનગરમાં 13 ડિગ્રી, કેશોદમાં 13.7 ડિગ્રી,દ્વારકામાં 14.9 ડિગ્રી લઘુતમ તાપમાન નોંધાયું છે.

રાજ્યના 43 વેપારીઓ પર SGST ના દરોડા

વેડીંગ ગારમેન્ટસના 43 વેપારીઓ પર SGSTના દરોડા,વસ્ત્રો ભાડે આપવાના વેપારીઓના ત્યાં દરોડા,અંદાજીત 6.70 કરોડથી વધુની કરચોરી ઝડપાઈ,રાજ્યના 9 શહેરોના વેપારીઓના ત્યાં સર્ચ,બિનહિસાબી વેચાણની ગેરરીતિ પકડાઈ.વેરાની ઓછી જવાબદારી દર્શાવવાની ગેરરીતિ પકડાઈ,અમદાવાદ, વડોદરા, સુરત, રાજકોટમાં દરોડા,નવસારી, મહેસાણા, આણંદમાં દરોડા પાડ્યા,નડિયાદ અને અમરેલીમાં પાડવામાં આવ્યા દરોડા. 

વડોદરામાં બોગસ પ્રમાણપત્ર રજૂ કરનાર સામે કાર્યવાહી

આખરે ખેડૂતનું બોગસ પ્રમાણપત્ર રજૂ કરનાર જેલહવાલે,આરોપી ભવરલાલ ગૌડને જેલ ધકેલવા કોર્ટનો આદેશ,રિમાન્ડ પુરા થતા કોર્ટે કસ્ટડીમાં મોકલવા કર્યો આદેશ,રિમાન્ડમાં પોલીસને ન મળ્યા વર્ષો જૂના સહી સિક્કા,જુના અધિકારીઓ, કર્મચારીઓની થઈ શકે પૂછપરછ.

ભારત રત્ન લાલકૃષ્ણ અડવાણીની તબિયત સ્થિર

મેડિકલ બુલેટિન પ્રમાણે અડવાણીની તબિયત સ્થિર,અડવાણીની તબિયત લથડતા હોસ્પિટલ ખસેડ્યા,તબિયત લથડતા એપોલો હોસ્પિટલમાં સારવાર,બે સપ્તાહથી લાલકૃષ્ણ અડવાણીની તબિયત નાજુક,7 મહિનામાં ચોથી વખત તબિયત બગડી.

બહાર ખાવા જતા પહેલા ચેતી જજો

અમદાવાદમાં પનીર-જામના પાંચ સેમ્પલ ફેઇલ,બટર, પનીર, જામ ખાતા પહેલા સાવચેત રહેજો,હોટલ-રેસ્ટોરન્ટના બટર-પનીરના સેમ્પલ ફેઇલ,મકરબામાં ગુલશન ગૃહ ઉદ્યોગના જામનું સેમ્પલ ફેઇલ.વસ્ત્રાલમાં મઢુલી એન્ટરપ્રાઇઝના પનીરનું સેમ્પલ ફેઇલ,રાજસ્થાન ભોજનાલયના પનીરનું સેમ્પલ ફેઇલ,શાહીબાગમાં આશાપુરા ભોજનાલયનું પનીર અખાદ્ય,વસ્ત્રાલમાં પુજા ભાજીપાઉનું બટર સબસ્ટાન્ડર્ડ જાહેર.

પોલીસ અધિકારીઓએ જ વિભાગને કર્યો બદનામ

12 મહિનામાં 10 પોલીસ ઇન્સ્પેક્ટર સસ્પેન્ડ થયા,દારુ અને તોડકાંડમાં પોલીસ અધિકારીઓની સંડોવણી,દારુકાંડ, હપ્તાકાંડમાં PI કક્ષાના અધિકારી સામે કાર્યવાહી,પોલીસની રહેમનજર હેઠળ દારુની બેફામ હેરાફેરી.બુટલેગર સાથે પોલીસ ઇન્સ્પેક્ટર્સની સાઠગાંઠ,જે-તે વિસ્તારના પોલીસ ઇન્સ્પેક્ટર્સની રહેમ નજર,અન્ય કામોમાં રસ દાખવવા મુદ્દે HCએ લગાવી હતી ફટકાર,રિકવરી એજન્ટની કામગીરીથી દૂર રહેવા કરી હતી ટકોર,કમિશન લઇ રિકવરીનું કામ કરતા હોવાના થયા છે આક્ષેપ.