- દિવાળી ટાણે 2ના મોત
- સુરતમાં જ 2 આધેડોએ ગુમાવ્યા જીવ
- હાર્ટએટેકથી 2ના મોત થયાનું તારણ
સુરતમાં દિવાળીના દિવસે જ હાર્ટએટેકથી 2 લોકોના મોત થયા હોવાની જાણકારી સામે આવી છે, અહીં અઠવા વિસ્તારમાં રહેતા એક 49 વર્ષીય આધેડનું હૃદયરોગના હુમલાથી મોત થયું હોવાનું સામે આવ્યું છે. તો સાથે જ પાંડેસરા અંબિકા નગર ખાતે રહેતા એક વ્યક્તિનું પણ હૃદયરોગથી મોત થયું હોવાની પ્રાથમિક માહિતી સામે આવી છે.
આ ઘટનાની વધુ વિગતો પ્રમાણે સુરતમાં 2 લોકોના હાર્ટએટેકથી મોતની માહિતી સામે આવી છે. અઠવા વિસ્તારમાં રહેતા એક 49 વર્ષીય આધેડ જેનું નામ પુષ્પમ જૈન હતું તેમનું હૃદયરોગના હુમલાથી મોત થયું હોવાની જાણકારી મળી હતી. પુષ્પમ જૈન કાપડના વેપારી હતી અને અઠવા વિસ્તારમાં રહેતા હતા. તેઓ ગત બપોરે પોતાના નિવાસે જમીને પોઢ્યા હતા. પરંતુ સાંજ પડી હોવા છતાં લાંબા સમયથી ઉઠ્યા ન હોવાથી પરિવાર દ્વારા તેમને ઉઠાડવામાં આવ્યા છતાં તેઓ ઉઠ્યા નહોતા. આમ ઉંઘમાં જ તેમનું હૃદયરોગના હુમલાના લીધે મોત નીપજ્યાનું પ્રાથમિક તારણ સામે આવ્યું છે. આ મામલે પરિવાર દ્વારા 108ને બોલાવવામાં આવી હતી, જેના પછી પરિવારને ખયાલ આવ્યો કે તેમનું ઉંઘમાં જ મોત થઈ ચૂક્યું છે.
