જામનગરના સિક્કા ગામમાં એક કુટુંબી મામાએ 8 વર્ષની માસૂમ બાળકી સાથે શારીરિક અડપલાં કર્યા બાદ તેણીનું માથું જમીનમાં અને દીવાલમાં પટકાવી બેરહેમીથી મોતને ઘાટ ઉતારી દેતા હાહાકાર મચી ગયો છે. ત્યારબાદ સમગ્ર મામલો પોલીસ મથકે પહોંચતા પોલીસ અધિકારીઓ પણ ચોંકી ઉઠ્યા હતા અને તપાસનો ધમધમાટ શરૂ કરી આરોપીને ગણતરીની કલાકોમાં ઉઠાવી લીધો છે.
મૂળ મીઠાપુરની વતની એક મહિલાના બે માસ અગાઉ છૂટાછેડા થયાં હતાં. બાદમાં મહિલા પોતાની ત્રણ પુત્રીઓ સાથે સિક્કામાં તેના કુટુંબી મોટા બાપુના પુત્રને ત્યાં રહેવા આવી ગઈ હતી. આ દરમિયાન કુટુંબી મામો 8 વર્ષની બાળકીને પહેલેથી જ હેરાન કરી મારકૂટ કરતો હતો. ત્યારબાદ તેણી સાથે શારીરિક અડપલાં પણ કરતો હતો. જે અંગે બાળકીએ માતાને જાણ કરતા માતાએ મામાને ટપાર્યો હતો, પરંતુ તેણે ઉશ્કેરાઇ જઇ માસુમ બાળકીને અને માતા બંનેને પતાવી દેવાની ધમકી આપી હતી. આ બનાવ બાદ બાળકીની માતા સિક્કામાં ખરીદી અર્થે બજારમાં ગઇ હતી અને તે દરમિયાન પાછળથી તેની આઠ વર્ષની પુત્રીને મામાએ શારીરિક અડપલા કર્યા બાદ માર મારીને દીવાલ સાથે અને જમીનમાં માથું પછાડીને ઘાયલ કરી બાળકીનો મામા નાસી છૂટ્યો હતો.
બીજી તરફ બાળકી સાથે અડપલા અને માર મારવામાં આવ્યો હોવાથી બાળકી બેશુદ્ધ અવસ્થામાં આવી હતી. જે મામલે તેણીની માતા ઘરે આવ્યા બાદ તેને સમગ્ર વિગતની જાણ થતા તાત્કાલિક બાળકીને સારવાર માટે સિક્કા હોસ્પિટલ ખાતે ખસેડવામાં આવી હતી. જ્યાં ફરજ પરના તબીબે બાળકીનું મોત અને પછી હોવાનું જાહેર કરતાં પરિવારજનોમાં અરેરાટી મચી ગઈ હતી. અને ત્યારબાદ સમગ્ર મામલો સિક્કા પોલીસ મથકમાં પહોંચ્યો હતો. જયાં 8 વર્ષની માસમ બાળકીની હત્યા નીપજાવવા અંગે અને તેણીની સાથે શારીરીક અડપલા કરવા અંગે બાળકીની માતાની ફરિયાદના આધારે કુટુંબી મામા સામે સિક્કા પોલીસે પોકસો તેમજ હત્યા સહિતની જુદી જુદી કલમો હેઠળ ગુના નોંધી તેની અટકાયત કરી છે.
મૂળ મીઠાપુરની વતની હિંદુ વાઘેર યુવતી કે જેના બે માસ પહેલા છુટાછેડા થઇ જતાં તેણી મીઠાપુર છોડીને છેલ્લા ૨ માસથી પોતાની ત્રણ પુત્રીઓને લઈને સિક્કામાં રહેતા તેના કુટુંબી મોટા બાપુ ઘેર રહેવા માટે આવી ગઈ હતી. અને ત્યાં ત્રણેય બાળકીઓ સાથે રહેતી હતી.તે દરમિયાન આઠ વર્ષની નાની બાળકી કે જેને તેનો કુટંબી મામો નીતિન માણેક હેરાન પરેશાન કરતો હતો. આઠ વર્ષની બાળકી કપડામાં જ પેશાબ કરી લેતી હોવાથી નીતિન તેને અવારનવાર મારકુટ કરતો હતો. ત્યારબાદ તેણી સાથે શારીરીક અડપલાં પણ કરતો હતો. જે અંગે બાળકીએ માતાને ફરિયાદ કરતાં બાળકીની માતાએ મામાને ઠપકો આપ્યો હતો, પરંતુ તેણે ઉશ્કેરાઈ જઇ માસુમ બાળકીને અને માતા બંનેને પતાવી દેવાની ધમકી આપી હતી. આ બનાવ બાદ સિક્કામાં બજારમાં માતા ખરીદી અર્થે ગઇ હતી તે દરમિયાન પાછળથી તેની આઠ વર્ષની પુત્રીને મામા નીતિને શારીરિક અડપલા કર્યા બાદ માર મારી દિવાલ સાથે અને જમીનમાં માથું પછાડીને હત્યા કરી. પોલીસે સમગ્ર મામલે કાર્યવાહી હાથ ધરી છે.
સિક્કા પોલીસે પોક્સો કલમ હેઠળ કરી નરાધમી મામાની ધરપકડ
સમગ્ર ઘટનાની સિક્કા પોલીસ મથકમાં ફરિયાદ કરવામાં આવી હતી. પોલીસે 8 વર્ષની માસુમ બાળકીની હત્યા અને શારીરિક અડપલાં કરવા અંગે બાળકીની માતાની ફરિયાદના આધારે કુટુંબી મામા નીતિન માણેક સામે ગુનો નોંધ્યો હતો. પોલીસે પોક્સો સહિત વિવિધ કલમો હેઠળ ગુનો નોંધી નરાધમી મામાની ધરપકડ કરી લીધી છે.
