Junagadh: વંથલીના હાઈવે પર સર્જાયો અકસ્માત, સાસુ સસરાની નજર સામે પુત્રવધૂનું મોત

જુનાગઢના વંથલીમાં અકસ્માતની ઘટના બનવા પામી. દિલાવર પાસે રીક્ષા અને ટ્રેક્ટર વચ્ચે અકસ્માત સર્જાતા 1 મહિલાનું મોત નિપજયું. જ્યારે અન્ય 2 વ્યક્તિને ગંભીર ઇજા થઈ. ઈજાગ્રસ્તને હોસ્પિટલ સારવાર માટે ખસેડવામાં આવ્યા. પોલીસે મૃતદેહને મૃતદેહને પોસ્ટમોર્ટમ માટે હોસ્પિટલ ખસેડ્યો.

અકસ્માતમાં 1નું મોત 2 ઘાયલ

વંથલીમાં જૂનાગઢ હાઈવે પર ગતરાત્રે બે વાહનોના ટકરાયા. અકસ્માતની ઘટનામાં સાસુ સસરાની નજર સામે જ પુત્રવધૂનું મોત નિપજયું. હાઈવે પર દિલાવર પાસે રિક્ષા અને ટ્રેકટર વચ્ચે જોરદાર ટક્કર થતાં રીક્ષામાં બેસેલા મુસાફરો ફંગોળાયા. માર્ગ પર નીચે પટકાતા જ રીક્ષામાં સવાર મહિલાનું ઘટનાસ્થળ પર જ મોત નિપજ્યું. જ્યારે અન્ય બે વ્યક્તિઓની હાલત વધુ ગંભીર છે. હાઈવે પર મોડી રાત્રે અકસ્માતને પગલે માર્ગ પર જતા કેટલાક વાહનચાલકોએ ઉભા રહ્યા અને ઇજાગ્રસ્તોની મદદ કરી.આસપાસના સ્થાનિકોએ ભેગા થઈ જતા પોલીસ અને એમ્બ્યુલન્સને અકસ્માતની ઘટનાની જાણ કરી. 108 એમ્બ્યુલન્સના ડોકટરોએ પ્રાથમિક સારવાર કરતાં ત્રણમાંથી એક વ્યક્તિને મૃત ઘોષિત કર્યા. જ્યારે અન્ય 2 વ્યક્તિની હાલત ગંભીર હોવાથી તેમને નજીકની હોસ્પિટલ લઈ ગયા.

પોલીસે હાથ ધરી તપાસ

અકસ્માતમાં સાસુ સસરાની સામે પુત્રવધુનું મોત નિપજયું હતું. જ્યારે સાસુ સસરા સારવાર હેઠળ છે. ઘટનાસ્થળ પર પંહોચેલ પોલીસે અકસ્માતનો ગુનો નોંધી વધુ તપાસ હાથ ધરી. ડિસેમ્બર મહિનાના અંતમાં સોમનાથના નેશનલ હાઈવે પર ગંભીર અકસ્માત બનવા પામ્યો હતો. આ અકસ્માતમાં બે કારની ટક્કર થતાં 7 લોકોના મોત થયા હતા. ગંભીર અકસ્માતમાં 5 યુવાન અને 2 આધેડના મોત થતા પંથકમાં ચકચાર મચી જવા પામી હતી. હાઈવે પર અકસ્માતો વધતા પોલીસ સહિત તંત્ર પણ ચિંતિત છે. તંત્ર દ્વારા અકસ્માતો નિવારવા ટ્રાફિક નિયમની સાથે લોકોને બેફામ વાહન ના ચલાવવાની પણ અપીલ કરવામાં આવતી હોય છે. ટ્રાફિક પોલીસ દ્વારા શોર્ટ વીડિયો બનાવવામાં આવ્યા છે. તમારી ઉતાવળ કયારેક તમારા અથવા અન્યો માટે વધુ ઘાતક બની શકે છે તેમ સુરક્ષિત અને સલામત રીતે વાહન ચલાવવાની અપીલ કરતાં લોકોમાં જાગૃતિ લાવવા પ્રયાસ કર્યો છે.