Gandhinagar PDPU રોડ પર આવેલી શાહી સિગડી રૅસ્ટોરન્ટનું લાયસન્સ રદ્દ

• ગાંધીનગરમાં PDPU રોડ પર આવેલી રૅસ્ટોરન્ટનું લાયસન્સ રદ્દ
  
• ગાંધીનગરની શાહી સિગડી રૅસ્ટોરન્ટનું લાયસન્સ રદ્દ
• 31 મેના રોજ બિનઆરોગ્યપ્રદ સામગ્રી મળી આવી હતી

રાજ્યના પાટનગર ગાંધીનગરમાં આવેલા પીડીપીયુ રોડ પરની શાહી સિગડી રૅસ્ટોરન્ટનું લાયસન્સ આજે વહીવટી તંત્રએ સીલ મારી દીધું છે. ગત 31મેના રોજ તંત્રએ રૅસ્ટોરન્ટમાં દરોડા પાડ્યા હતા. આ દરમિયાન બિનઆરોગ્યપ્રદ સામગ્રી મળી આવી હતી. જેથી તંત્રએ સામગ્રીના નમૂના લઈ લેબોરેટરીમાં મોકલી આપ્યા હતા. ત્યારબાદ તંત્રએ રૅસ્ટોરન્ટને નોટિસ ફટકારી હતી. રૅસ્ટોરન્ટે ઈમ્પ્રુવમેન્ટ નોટિસનું પાલન નહીં કરતા આખરે વહીવટી તંત્રએ સીલ મારી કાર્યવાહી હાથ ધરી હતી. 

ગાંધીનગર શહેરમાં PDPU રોડ પર આવેલી શાહી સિગડી રૅસ્ટોરન્ટને તંત્રએ બિનઆરોગ્યપ્રદ સામગ્રી મળી આવતા નોટિસ ફટકારી હતી. જો કે સંચાલકો તરફથી કોઈ વધુ ઈમ્પ્રુવમેન્ટ નોટિસનું પાલન ન થતા અંતમાં તંત્રએ સીલ મારવાનું પગલું લેવું પડયું હતું. ગત 31મેએ પોલીસ કાફલો અને ફૂડ અને ડ્રગ વિભાગે શહેરની રૅસ્ટોરન્ટમાં સામગ્રી અને અન્ય બાબતોનું સઘન ચેકિંગ હાથ ધર્યું હતું. જેમાં શાહી સિગડી રૅસ્ટોરન્ટમાંથી મોટાપ્રમાણમાં બિનઆરોગ્યપ્રદ સામગ્રી મળી આવી હતી. જેથી તંત્રએ નોટિસ ફટકારી હતી. જે બાદ પણ રૅસ્ટોરન્ટે કોઈ અમલ ન કરતા રૅસ્ટોરન્ટને સીલ મારી દીધું હતું.