Anandના પેટલાદમાં રેલવે ઓવરબ્રિજની કામગીરીમાં સર્વિસ રોડ ના મળતા સ્થાનિકો અકળાયા

પેટલાદ શહેરમાં રંગાઈપુરાથી કોલેજ ચોકડી જવાના માર્ગ ઉપર રેલવે ઓવરબ્રિજની કામગીરી ચાલી રહી છે.ઓવરબ્રિજની સાઈડમાં યોગ્ય સર્વિસ રોડ ન મળતા સ્થાનિકોએ આજે સોસાયટી બહાર ભેગા થયા હતા.અને નગરપાલિકા અને PWD ને લેખિતમાં રજૂઆત કરી હતી. સર્વિસ રોડ ઉપર દબાણો ન તોડતા હાલ સોસાયટીના વાહન ચાલકોને ખૂબ જ મુશ્કેલી પડી રહી છે.ત્યારે સોસાયટીના રહેશો ભેગા થઈ નગરપાલિકા અને પી.ડબલ્યુ.ડી. કચેરી ખાતે પહોંચી લેખિતમા રજૂઆત કરી હતી.

ઓવરબ્રિજની કામગીરી હાલ પૂર્ણતાના આરે છે

શહેરમાં રંગાઈપુરાથી કોલેજ ચોકડી જવાના માર્ગ ઉપર ઓવરબ્રિજની કામગીરી હાલ પૂર્ણતાના આરે છે. છેલ્લા સાત વર્ષથી આ કામગીરી ચાલી રહી છે અને વાહન ચાલકો હેરાન પરેશાન થઈ ગયા છે. આ સાથે આસપાસની સોસાયટીના રહીશો પણ હેરાન પરેશાન થઈ ગયા છે.ત્યારે સ્થાનિક રહીશોને યોગ્ય સર્વિસ રોડની સુવિધા ન મળતા રજૂઆત કરવામાં આવી છે. સર્વિસ રોડ પરના દબાણો ન હટાવી, યોગ્ય સર્વિસ રોડ ન બનાવતા સ્થાનિકોએ રજૂઆત કરી છે. સોસાયટીના રહીશોને ખૂબ જ મુશ્કેલી પડી રહી છે ત્યારે રહીશોએ ભેગા મળી નગરપાલિકા અને PWD કચેરીને લેખિતમાં રજૂઆત કરી છે.