અમરેલી જિલ્લાના રાજુલા તાલુકામાંથી એક મોટી દુર્ઘટનાના સમાચાર સામે આવ્યા છે. રાજુલાના મોરંગી ગામે સાંઈ મંદિરની બરાબર બાજુમાં આવેલા એક બંધ ડેલામાં અચાનક જ વિકરાળ આગ ભભૂકી ઉઠી હતી. આ ઘટનાને કારણે આસપાસના વિસ્તારમાં ભારે અફરાતફરીનો માહોલ સર્જાઈ ગયો હતો અને લોકોમાં ડરનો માહોલ ફેલાઈ ગયો હતો.
લાકડાના સ્ટોકમાં આગથી મચી દોડધામ
પ્રાપ્ત વિગતો મુજબ, આ આગ સંજયભાઈ ચાભડીયાના બંધ ડેલામાં રાખવામાં આવેલા લાકડાના મોટા સ્ટોકમાં લાગી હતી. લાકડાં જ્વલનશીલ હોવાને કારણે આગે થોડીવારમાં જ વિકરાળ સ્વરૂપ ધારણ કરી લીધું હતું અને આકાશમાં ધૂમાડાના ગોટેગોટા ઉડવા લાગ્યા હતા. સ્થિતિની ગંભીરતા જોઈને સરપંચ પ્રતિનિધિ સહિતના સ્થાનિક ગ્રામજનો તુરંત જ ઘટનાસ્થળે દોડી આવ્યા હતા અને આગ પર કાબૂ મેળવવાનો પ્રયાસ કર્યો હતો.

