અમરેલી શહેરમાંથી એક મોટી દુર્ઘટનાના સમાચાર સામે આવ્યા છે. અમરેલીના સાવરકુંડલા રોડ બાયપાસ પર આવેલા એક ભંગારના ડેલામાં અચાનક રહસ્યમય સંજોગોમાં વિકરાળ આગ ભભૂકી ઉઠી હતી. જોતજોતામાં આગે આ વિકરાળ સ્વરૂપ ધારણ કરી લેતા ડેલામાં રહેલો લાખો રૂપિયાનો ભંગારનો જથ્થો આગમાં સંપૂર્ણપણે ભસ્મીભૂત થઈ ગયો હતો.
ફાયર વિભાગની ટીમ દ્વારા 3 કલાકની ભારે જહેમત
ઘટનાની જાણ થતા જ અમરેલી ફાયર વિભાગની ટીમ તાત્કાલિક ઘટનાસ્થળે દોડી આવી હતી. ફાયર જવાનોએ આગ પર કાબુ મેળવવા માટે સતત ૩ કલાક સુધી પાણીનો મારો ચલાવ્યો હતો. ભારે જહેમત બાદ આગ પર સંપૂર્ણ કાબુ મેળવવામાં સફળતા મળી હતી, જેના કારણે આસપાસના વિસ્તારોમાં ફેલાતો મોટો જોત ટળી ગયો હતો.
