અમરેલી જિલ્લાના સાવરકુંડલા શહેરમાંથી એક દુખદ સમાચાર સામે આવ્યા છે. સાવરકુંડલાના હાથસણી રોડ પર આવેલી પાણાખાણના પાણીમાં એક યુવક ડૂબી ગયો હોવાની ઘટના બની હતી. પાણીમાં અજાણ્યા યુવકનો મૃતદેહ તરતો હોવાની જાણ થતાં જ સ્થાનિક વિસ્તારમાં ચકચાર મચી ગઈ હતી અને લોકોના ટોળેટોળા એકઠા થઈ ગયા હતા.
ફાયર વિભાગની બે કલાકની જહેમત
ઘટનાની જાણ થતાં જ તંત્ર દ્વારા ત્વરિત કાર્યવાહી કરવામાં આવી હતી. અમરેલી ફાયર વિભાગની ટીમ તાત્કાલિક ઘટનાસ્થળે દોડી આવી હતી અને બચાવ કામગીરી હાથ ધરી હતી. ફાયર જવાનોએ ભારે જહેમત અને અંદાજે બે કલાકની લાંબી મથામણ બાદ પાણીમાંથી યુવકના મૃતદેહને સફળતાપૂર્વક બહાર કાઢ્યો હતો.
