ગુજરાતમાં ગેરકાયદેસર હથિયારોની ઘૂસણખોરી અટકાવવા માટે બનાસકાંઠા જિલ્લા પોલીસ વડાની સૂચનાથી સરહદી વિસ્તારોમાં સઘન ચેકિંગ ઝુંબેશ ચલાવવામાં આવી રહી છે. આ કામગીરી દરમિયાન અમીરગઢ બોર્ડર ચેકપોસ્ટ પર તૈનાત અમીરગઢ પોલીસની ટીમે રાજસ્થાન તરફથી આવતી એક ખાનગી બસને રોકીને મુસાફરોનું સઘન ચેકિંગ હાથ ધર્યું હતું.
બનાસકાંઠા બોર્ડર પરથી હથિયાર સાથે શખ્સ ઝડપાયો
ચેકિંગ દરમિયાન બસમાં સવાર એક શખ્સની શંકાસ્પદ હિલચાલ જણાતાં પોલીસે તેની તલાશી લીધી હતી. તલાશી દરમિયાન આ શખ્સ પાસેથી પરમિટ વગરની દેશી બનાવટની પિસ્તોલ મળી આવતાં પોલીસ ટીમ પણ ચોંકી ઉઠી હતી. પોલીસે આરોપીની ઊંડાણપૂર્વક તપાસ કરતાં તેની પાસેથી દેશી બનાવટની પિસ્તોલ ઉપરાંત 1 નંગ મેગેઝિન તથા 13 નંગ જીવતા કારતૂસ મળી આવ્યા હતા.