ગુજરાતમાં સ્ટેચ્યુ ઓફ યુનિટી (કેવડિયા) અને ગીર સફારી બાદ હવે ઉત્તર ગુજરાતના બનાસકાંઠા જિલ્લામાં પ્રવાસન ક્ષેત્રે મોટો ધડાકો થવા જઈ રહ્યો છે. બનાસકાંઠાના જૂના ડીસા ખાતે એશિયાના સર્વપ્રથમ ‘ડેઝર્ટ-થીમ’ આધારિત ઝૂઓલોજિકલ પાર્ક અને ડ્રાઇવ-થ્રુ નાઇટ સફારી બનાવવાની યોજનાને કેન્દ્રીય ઝૂ ઓથોરિટી (Central Zoo Authority) દ્વારા સત્તાવાર મંજૂરી આપી દેવામાં આવી છે.
બનાસકાંઠામાં બનશે એશિયાનું પ્રથમ ડેઝર્ટ-થીમ ઝૂ!
આ પ્રોજેક્ટ 103 હેક્ટર જેટલા વિશાળ ક્ષેત્રફળમાં રૂ. 542.14 કરોડના ખર્ચે તૈયાર કરવામાં આવશે. આ પ્રોજેક્ટ પૂર્ણ થતાં જ તે એશિયાનું પ્રથમ અને વિશ્વનું ત્રીજું ડેઝર્ટ-થીમ ઝૂ બનશે. આ ઉપરાંત, રાત્રિના સમયે વન્યજીવોને નિહાળવા માટે બનાવવામાં આવનાર ‘ડ્રાઇવ-થ્રુ નાઇટ સફારી’ના કારણે તે વિશ્વનું ચોથું નાઇટ સફારી ઝૂ બનવાનો ઐતિહાસિક દરજ્જો પણ પ્રાપ્ત કરશે.