ચરોતરના ગોલ્ડન બેલ્ટ ગણાતા આણંદ જિલ્લાના બોરસદ શહેરમાં હવામાન વિભાગની આગાહી વચ્ચે વાતાવરણમાં અચાનક પલટો જોવા મળ્યો હતો. સવારથી જ અસહ્ય ગરમી અને બફારા બાદ બપોરના સમયે આકાશમાં કાળાડિબાંગ વાદળો ઘેરાઈ આવ્યા હતા.
બોરસદ શહેરમાં વાતાવરણમાં અચાનક પલટો
જોતજોતામાં મેઘરાજાએ રી-એન્ટ્રી કરી હતી અને ધીમી ધારે વરસાદી ઝાપટાં પડવાનું શરૂ થઈ ગયું હતું. વરસાદી સરવડાં પડતાં જ બોરસદ નગરના મુખ્ય માર્ગો અને બજારના રસ્તાઓ ભીના થઈ ગયા હતા. બોરસદમાં વરસાદના આ વાતાવરણથી સ્થાનિક રહીશોમાં આનંદની લહેર જોવા મળી રહી છે. છેલ્લા કેટલાક દિવસોથી ઉકળાટ સહન કરી રહેલા લોકો અને વાહનચાલકોને વરસાદી પવનો અને ઝાપટાંના કારણે ગરમીમાંથી મોટી રાહત મળી છે.