છોટા ઉદેપુર જિલ્લાના બોડેલી નજીકથી પસાર થતી ઓરસંગ નદીના બ્રિજ પર એક ગંભીર ઘટના સામે આવી છે. ઓરસંગ નદીના બ્રિજના છેવાડાના ભાગે અચાનક મોટું ગાબડું પડતા સ્થાનિક તંત્રમાં દોડધામ મચી જવા પામી હતી. બનાવની જાણ થતા જ જિલ્લા કલેક્ટર તુરંત ઘટના સ્થળે પહોંચ્યા હતા અને પરિસ્થિતિનું નિરીક્ષણ કર્યું હતું.
સ્થળ નિરીક્ષણ અને તાત્કાલિક પગલાં
ઘટનાની ગંભીરતાને ધ્યાનમાં રાખીને જિલ્લા કલેક્ટરે સ્થળ પર જ અધિકારીઓને તાત્કાલિક ગાબડું પૂરવા અને મરમ્મતની કામગીરી યુદ્ધના ધોરણે શરૂ કરવા માટે સ્પષ્ટ આદેશ આપ્યા છે. કોઈપણ પ્રકારની દુર્ઘટના ટાળવા માટે તંત્ર દ્વારા તકેદારી રાખવામાં આવી રહી છે.
