ભાવનગર જિલ્લાના સિહોર તાલુકામાં અસામાજિક પ્રવૃત્તિઓ સામે પોલીસે લાલ આંખ કરી છે. સિહોર પોલીસની ટીમને ચોક્કસ બાતમી મળી હતી કે, પીપળીયા વાળી નદીના વોકળા વિસ્તારમાં ગેરકાયદેસર રીતે દેશી દારૂ બનાવવાની ભઠ્ઠી ચાલવામાં આવી રહી છે. બાતમીના આધારે પોલીસે સ્થળ પર અચાનક દરોડો પાડતા દારૂ બનાવવાનું નેટવર્ક ખુલ્લું પડ્યું હતું.
દેશી દારૂ, વોશ અને સાધનો સહિત રૂ. 1.19 લાખથી વધુનો મુદ્દામાલ જપ્ત
દરોડા દરમિયાન પોલીસને ઘટના સ્થળેથી દેશી દારૂ બનાવવાની સક્રિય ભઠ્ઠી મળી આવી હતી. પોલીસે સ્થળ પરથી તૈયાર દેશી દારૂ, દારૂ બનાવવાનો કાચો આથો (વોશ) તેમજ ભઠ્ઠી અને દારૂ બનાવવા માટે ઉપયોગમાં લેવાતા વિવિધ સાધનો જપ્ત કર્યા છે. પોલીસે આ દરોડા દરમિયાન કુલ રૂ. 1,19,500 ની કિંમતનો મુદ્દામાલ પોતાના કબજે લીધો છે.
