જામનગર પંચકોષી એ ડિવિઝન પોલીસ સ્ટેશન વિસ્તાર અંતર્ગત આવતા જાંબુડા નજીક શ્રીનાથજી પાર્ક પાસે એક ચોંકાવનારૂં કૌભાંડ સામે આવ્યો છે. અહીં ટ્રાન્સપોર્ટ પેઢીની જાણ બહાર ટેન્કરમાંથી ગુપ્ત રીતે ડીઝલની ચોરી કરવામાં આવી રહી હતી, જેનો રાજકોટ રેન્જની ટીમે સફળ પર્દાફાશ કર્યો છે.
નયારા કંપનીના ટેન્કરમાં થતી હેરાફેરી
પ્રાપ્ત વિગતો અનુસાર, નયારા કંપનીનું ડીઝલ નિર્ધારિત સ્થળે પહોંચાડવાના બદલે રસ્તામાં જ કૌભાંડ આચરવામાં આવતું હતું. આરોપીઓ ટેન્કરનું સુરક્ષિત સીલ તોડીને અંદરથી ડીઝલ બહાર કાઢી લેતા હતા અને ત્યારબાદ કોઈને શંકા ન જાય તે માટે ફરીથી નવું સીલ લગાવી દેતા હતા. આ ભેદી રીતભાતથી લાંબા સમયથી ડીઝલ ચોરીનું આ રેકેટ ચાલતું હતું.

