ખેરાલુ વિસનગર હાઈવે પર ગમખ્વાર માર્ગ અકસ્માતની ઘટના સામે આવી છે.પૂરપાટ ઝડપે આવી રહેલી દારૂ ભરેલી ફોરચુનર કારે બાઈક ચાલકને જોરદાર ટક્કર મારી હતી.આ અકસ્માતમાં બાઈક ચાલકનું ઘટનાસ્થળે જ કમકમાટીભર્યું મોત નીપજ્યું હતું.જ્યારે બાઈક પર સવાર મહિલા ગંભીર રીતે ઈજાગ્રસ્ત થતાં તેમને તાત્કાલિક સારવાર અર્થે ખસેડવામાં આવ્યા છે.આ અકસ્માતમાં મોતને ભેટનાર બાઈક ચાલક ખેરાલુ તાલુકાના ચાણસોલ ગામના રહેવાસી હોવાનું જાણવા મળ્યું છે.
અકસ્માત સર્જનાર ફોરચુનર કારમાં દારૂ ભરેલો હતો
આ અકસ્માતમાં જીવ ગુમાવનાર મૃતક મુકેશભાઈ સથવારા હોવાનું સામે આવ્યું છે.મુકેશભાઈ પોતાની બાઈક પર એક મહિલા સાથે જઈ રહ્યા હતા ત્યારે દારૂ ભરેલી ફોરચુનર કારે તેમની બાઈકને જોરદાર ટક્કર મારી હતી.આ ગંભીર ટક્કર એટલી જોરદાર હતી કે બાઈક ચાલક મુકેશભાઈ સથવારાનું ઘટનાસ્થળે જ કમકમાટીભર્યું મોત નીપજ્યું હતું.જ્યારે બાઈક પર સવાર મહિલા ગંભીર રીતે ઈજાગ્રસ્ત થતાં તેમને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે.અકસ્માત થતાં જ 112 પોલીસ અને 108 એમ્બ્યુલન્સની ટીમ તાત્કાલિક ઘટનાસ્થળે દોડી આવી હતી. બાઈકને ટક્કર માર્યા બાદ ફોરચુનર કારનો ચાલક અકસ્માત સર્જીને નજીકમાં પોતાની ગાડી મૂકીને ત્યાંથી ફરાર થઈ ગયો હતો.આ અકસ્માત સર્જનાર ફોરચુનર કારમાં દારૂ ભરેલો હોવાનું સ્થાનિકોએ જણાવ્યું હતું.
