સાબરકાંઠા જિલ્લાના પ્રાંતિજ પંથકમાં દારૂબંધીના દાવાઓ પોાલા સાબિત થતી એક ચોંકાવનારી ઘટના સામે આવી છે. દિવાળીના તહેવારોની મોસમમાં બુટલેગરો સંપૂર્ણપણે સક્રિય થઈ ગયા છે. પ્રાંતિજના મહુડી રોડ પર કાળુસિંહ નામના બુટલેગર દ્વારા ચલાવાતી અસામાજિક પ્રવૃત્તિનો વિડિયો સોશિયલ મીડિયા પર વાયરલ થયો છે, જેમાં એક સગીર યુવાન ખુલ્લેઆમ અલગ-અલગ બ્રાન્ડની વિદેશી દારૂની બોટલો સાથે નજરે પડી રહ્યો છે.
પોલીસ સ્ટેશનથી થોડે જ દૂર ખુલ્લેઆમ વેચાઈ રહ્યો છે દારૂ
વાયરલ થયેલા આ વિડીયોમાં પ્રાંતિજ પોલીસ સ્ટેશનથી માત્ર થોડી જ દૂરી પર દારૂનું વેચાણ થતું હોવાની ચર્ચાઓ જોરશોરથી ચાલી રહી છે. સ્થાનિકોના જણાવ્યા મુજબ, પોલીસને મસમોટા હપ્તા પહોંચાડવામાં આવતા હોવાને કારણે બુટલેગરો બેફામ બન્યા છે, અને રાજસ્થાન જેવા પ્રદેશોની જેમ અહીં પણ ખુલ્લેઆમ દારૂ વેચાઈ રહ્યો છે. પોલીસની નજર હેઠળ જ ચાલતા આ ગેરકાયદે ધંધાને કારણે સ્થાનિક લોકોમાં ભારે રોષ જોવા મળી રહ્યો છે.

