સુરેન્દ્રનગર જિલ્લાના ધ્રાંગધ્રા તાલુકામાં વર્ષ 2012માં ઘટેલી ચર્ચિત અને સનસનાટીભર્યા પોપટ ભરવાડ હત્યા કેસમાં આખરે અદાલતે મહત્વનો ચુકાદો આપ્યો છે. ધ્રાંગધ્રા સેશન્સ કોર્ટે કેસની તમામ દલીલો અને પુરાવાઓને ધ્યાને રાખીને ત્રણેય આરોપીઓને દોષિત ઠેરવ્યા છે અને તેમને આજીવન કેદની આકરી સજા ફટકારી છે.
ત્રણ મુખ્ય આરોપીઓને સજા ફટકારી જેલ હવાલે કરાયા
ધ્રાંગધ્રા સેશન્સ કોર્ટમાં આ કેસ ચાલવા પર આવતા અદાલતે આરોપી દિલીપસિંહ ઝાલા, મહાવીરસિંહ ઝાલા અને પરેશ રબારીને હત્યાના ગુનામાં કસૂરવાર ઠેરવ્યા છે. કોર્ટ દ્વારા ત્રણેય દોષિતોને આજીવન કેદની સજા સંભળાવવામાં આવતા જ પોલીસ કાફલા દ્વારા તેમને તાત્કાલિક કસ્ટડીમાં લઈ જેલ હવાલે કરવામાં આવ્યા છે.
