દાદરા અને નગર હવેલીના સેલવાસ વિસ્તારમાંથી એક અત્યંત ચોંકાવનારો કિસ્સો સામે આવ્યો છે, જ્યાં એક બંધ મકાનના બાથરૂમમાં પડેલી સૂટકેસમાંથી એક યુવતીનો સડેલો મૃતદેહ મળી આવતા સમગ્ર વિસ્તારમાં ભારે ચકચાર મચી ગઈ છે. ઘટનાની જાણ થતા જ સ્થાનિક પોલીસ અને ફોરેન્સિક સાયન્સની ટીમો તાત્કાલિક ઘટનાસ્થળે દોડી આવી હતી અને મામલાની ઊંડાણપૂર્વક તપાસ શરૂ કરી દીધી છે.
ભાડુઆત 2 મહિનાથી ફરાર
આ ભયાનક રહસ્ય પાછળ મકાનમાલિકનો બે મહિનાથી ફરાર રહેલો ભાડુઆત કેન્દ્રસ્થાને છે. છેલ્લા બે મહિનાથી મકાન ભાડે રાખનાર શખ્સ અચાનક ગાયબ થઈ ગયો હતો અને મકાન બંધ હાલતમાં હતું. સમય જતાં મકાનમાંથી દુર્ગંધ આવવા લાગતા આશંકા ગઈ હતી, જેના આધારે તપાસ કરતાં આ ખૌફનાક અપરાધનો પર્દાફાશ થયો છે. પ્રાથમિક ચર્ચા અનુસાર મૃતક યુવતી બિહારની રહેવાસી જ્યોતિકુમારી હોવાનું અનુમાન લગાવવામાં આવી રહ્યું છે.