દાહોદ જિલ્લાના લીમખેડા/ધાનપુર વિસ્તારમાં આવેલું અને જંગલ-વનરાજીથી સમૃદ્ધ એવું રતનમહાલ રીંછ અભયારણ્ય હાલ ચોમાસાની મોસમમાં કુદરતી સૌંદર્યનું સ્વર્ગ બની ગયું છે. ઉપરવાસના પહાડી વિસ્તારોમાં પડેલા ભારે વરસાદને કારણે અભયારણ્યમાં આવેલો પ્રખ્યાત નલધા ધોધ પુનઃ જીવંત થઈ ઊઠ્યો છે.ઊંચા પર્વતોના મુખમાંથી દૂધની ધારાની જેમ વહેતો આ ધોધ અત્યંત નયનરમ્ય અને મનમોહક દ્રશ્યો સર્જી રહ્યો છે.
દાહોદનું રતનમહાલ બન્યું કુદરતી સૌંદર્ય
વરસાદી માહોલ વચ્ચે રતનમહાલની ટેકરીઓ ધુમ્મસ અને લીલીછમ વનરાજીથી ઘેરાયેલી જોવા મળી રહી છે. નલધા ધોધ ચાલુ થવાના સમાચાર મળતાં જ દાહોદ, પંચમહાલ, વડોદરા સહિત આસપાસના વિસ્તારોમાંથી મોટી સંખ્યામાં સહેલાણીઓ અને પ્રકૃતિપ્રેમીઓ ધોધનો નજારો માણવા માટે પહોંચી રહ્યા છે.