સંતરામપુર પોલીસે એક મહત્વની સફળતા મેળવી છે. દાહોદ જિલ્લા પંચાયતની સલરા બેઠકના ભારતીય જનતા પાર્ટીના મહિલા સભ્ય શાંતાબેનના પતિ મુકેશ ઉર્ફે ટીના પારગી ની સંતરામપુર પોલીસે ધરપકડ કરી છે. આરોપી મુકેશ ઉર્ફે ટીના પારગી સામે પ્રોહિબિશન (ગેરકાયદે દારૂની હેરાફેરી/વેચાણ) નો ગુનો નોંધાયેલો હતો અને તે છેલ્લા 5 વર્ષથી પોલીસને ચકમો આપી નાસતો-ફરતો હતો.
સંતરામપુર પોલીસની મોટી કાર્યવાહી
સંતરામપુર પોલીસ સ્ટેશનની ટીમે ચોક્કસ બાતમીના આધારે વોન્ટેડ આરોપી મુકેશ ઉર્ફે ટીના પારગીને દબોચી લીધો હતો. ભાજપના સક્રિય મહિલા લોકપ્રતિનિધિના પતિની જ દારૂના ગુનામાં 5 વર્ષ પછી ધરપકડ થતાં દાહોદ અને મહીસાગર જિલ્લાના રાજકીય વર્તુળોમાં ભારે ચર્ચા જાગી છે.