બનાસકાંઠાના સરહદી ધાનેરા તાલુકાના પેગિયા ગામેથી કાયદો અને વ્યવસ્થાને શર્મસાર કરતી ઘટના પ્રકાશમાં આવી છે. ગામની એક પરણિત અને ગર્ભવતી મહિલાએ પોતાના જ ગામ અને આસપાસના ચાર શખ્સો સામે માનસિક અને શારીરિક શોષણની ગંભીર પોલીસ ફરિયાદ નોંધાવી છે.
ધાનેરામાં મહિલાનું ધર્મ પરિવર્તન કરાવ્યાનો આરોપ
ફરિયાદમાં જણાવ્યા અનુસાર, આરોપીઓએ મહિલાનો અંગત વીડિયો ઉતારી લીધો હતો. આ અંગત વીડિયો સોશિયલ મીડિયા પર વાયરલ કરી દેવાની ધમકી આપીને આરોપીઓ તેને સતત બ્લેકમેલ કરતા હતા. વીડિયો વાયરલ કરવાનો ભય બતાવી મહિલાની મરજી વિરુદ્ધ તેની સાથે વારંવાર બળજબરીથી શારીરિક સંબંધ બાંધવામાં આવ્યા હોવાનો સનસનાટીભર્યો આક્ષેપ કરાયો છે. મહિલાએ ફરિયાદમાં વધુમાં ચોંકાવનારો આરોપ લગાવ્યો છે કે, આરોપીઓએ તેની સાથે મારપીટ કરી હતી અને જો તે કોઈને વાત કરશે તો તેને તથા તેના પરિવારને જાનથી મારી નાખવાની ધમકી આપી હતી. આ ધમકીઓ અને દબાણ હેઠળ હિન્દુ મહિલાનું જબરદસ્તીથી ધર્મ પરિવર્તન પણ કરાવવામાં આવ્યું હતું.