હિંમતનગર ખાતેથી પસાર થતા હાઇવે પર આજે એક ભયાનક અકસ્માત સર્જાયો હતો. હિંમતનગર RTO થી વિરપુર તરફ જતા બાયપાસ રોડ પરથી પસાર થઈ રહેલી એક કારમાં અચાનક જ અગમ્ય કારણોસર આગ ફાટી નીકળી હતી.શરૂઆતમાં કારના એન્જિન બોનેટમાંથી ધુમાડા નીકળવાનું શરૂ થયું હતું અને જોતજોતામાં આગે સમગ્ર કારને પોતાની ચપેટમાં લઈ લીધી હતી.
રસ્તા પર ચાલી રહેલી કાર સળગી
રસ્તા પર ચાલી રહેલી કાર સળગી ઊઠતાં માર્ગ પરથી પસાર થતા અન્ય વાહનચાલકોમાં ભારે અફરાતફરી અને ડરનો માહોલ સર્જાયો હતો. આગની આ ઘટના સમયે રોડ પર અવરજવર કરતા અને આસપાસના સ્થાનિક લોકો તાત્કાલિક વહારે દોડી આવ્યા હતા. આગ વધુ પ્રસરિત થાય તે પહેલાં જ સ્થાનિક લોકોએ ભારે હિંમત દાખવી કારનો દરવાજો ખોલી કાર ચાલકને સુરક્ષિત રીતે બહાર ખેંચી લીધો હતો. જેને કારણે કાર ચાલકનો આબાદ બચાવ થયો હતો.