સાબરકાંઠા જિલ્લામાં એક જીપ ચાલકે સ્ટીયરિંગ પરથી કાબૂ ગુમાવતા ગમખ્વાર અકસ્માત સર્જાયો છે. દેલવાડાથી પોશીના માર્ગ પર આવેલા ઘાટ પાસે પેસેન્જરો ભરીને જઈ રહેલી એક જીપ અચાનક પલટી મારી ગઈ હતી. અકસ્માત એટલો ભયાનક હતો કે, જીપ પલટી ખાતા જ અંદર બેઠેલા મુસાફરોમાં ચીસાચીસ મચી ગઈ હતી.
બે લોકોના ઘટના સ્થળે જ મોત
આ ગમખ્વાર દુર્ઘટનામાં જીપમાં સવાર એક મહિલા અને એક પુરુષનું ઘટના સ્થળે જ ગંભીર ઈજાઓ થવાના કારણે મોત નીપજ્યું હતું. જ્યારે જીપમાં સવાર અન્ય 9 થી વધુ મુસાફરોને નાની-મોટી અને ગંભીર ઈજાઓ પહોંચી હતી. અકસ્માત પગલે આસપાસના સ્થાનિક લોકો બચાવ કામગીરી માટે દોડી આવ્યા હતા.